Levítico 21:1 - Bible in Tzeltal de Oxchuc y Tenejapa

¹ Te Cajwaltic jich la yalbey te Moisés: —Albeya te sacerdoteetic te patil alnich'anetic yu'un Aarón, te ma me xyac' te ma ba lec sc'oplal ya xc'otic ta scaj spiquel te anima spat-xujq'ue.

Bible in Tzeltal Bachajón

¹ Te Jehová la yalbe te Moisés: Halbeya te sacerdotehetic, ha te snich'nab Aarón, te ma ba ya sbohlobtes sbahic ta scaj te ay jtuhl slumal te cham.

Levítico 21:1 Referans Kwoze

Ezequiel 44:25

“Ma me ayuc bi ora ya stsaquic te mach'a lajeme, swenta yu'un ma ba ya xboltesotic yu'un a. Pero teme stat, sme', squerem-nich'an, o yantsil-nich'an, sbanquil, xwix o yijts'in te ma ba nujbineme, ya xju' ya stsaquic.

Números 19:14

“Te mandaliletic yu'un te ay mach'a ya xlaj ta snailpac', ja'ic me: Spisil mach'atic ayic ta yutil snailpaq'uic soc spisil mach'atic ya x'ochic bael, juqueb me c'aal te ma lecuc sc'oplalic.

Levítico 21:11

Soc xan ma me xju' ya x'och ta banti ay anima; ma me xyac' te ma lecuc sc'oplal ya xc'ot, manchuc me ja' sbaq'uetal te anima stat o sme'.

Levítico 19:28

“Ma me xawejch'entes abaq'uetalic ta scaj te mach'a ya xlaje. Ma me bila xaloc'tayic ta snujc'ulel abaq'uetalic. Jo'on Ajwalilon.

Malaquías 2:4

Jich me ya ana'ic stojol te jo'on cac'ojbeyex te mandalil in to ta swenta te trato cu'un soc Leví te ma xch'ay sbajt'el q'uinal —xi' ta yalel te Cajwaltic te Spisil ya xju' yu'une.

Malaquías 2:1

Te Cajwaltic la yalbey xan: —Ta ora yo'tic, sacerdoteetic, ya calbeyex xan awaiyic:

Oseas 5:1

“Sacerdoteetic, aiya awaiyic stojol, ac'a tel achiquinic, lum Israel, aiya awaiyic, ja'ex te sts'umbalex te muc' ajwalile: Ja' ay ta awentaic te ya x'ac'botex castigo. Melel jich c'oemex te bit'il pejts' te la awich'ic aq'uel ta Mizpa; jich c'oemex te bit'il chojac' lijch'anbil yu'un stsaquel chambalam ta wits Tabor;

Números 19:16

“Teme ay mach'a ya xlaj ta yol q'uinal, spisil te mach'a ya spicbey sbaq'uetal te mach'a milbile o teme jich nax a laje, o teme sbaquel animaetic, o muquenal la spic, ma lecuc sc'oplal ya xjil juqueb c'aal abi.

Números 5:2

—Albeya mandal te israeletic te ac'a sloq'uesic bael ta spat campamento spisilic te mach'atic ay c'a'el-chamel, soc spisilic te ay chamel ta mero sc'unil sbaq'uetal te ay spojowil ya xloq'ue, soc spisilic te ma lecuc sc'oplal yu'un te la spic animae.

Números 6:6

Te jayeb c'aal chapal yu'une, ma me xju' ya xnoptsaj ta stojol te mach'a lajeme,

Números 19:11

“Te mach'a ya spicbey sbaq'uetal anima, ma ba lec sc'oplal ya xjil juqueb c'aal.