Levítico 20:6 - Bible in Tzeltal de Oxchuc y Tenejapa

⁶ Teme ay mach'a bajt' ta stojol te mach'atic ya sc'oponic ch'ulelal soc te mach'atic ay bila ya sna'ic syoljoltayel, te ya xbolob ta scaj st'unele, ya me jcontroin te mach'a jich ya spase, ya me jloq'ues ta yolil te slumale.

Bible in Tzeltal Bachajón

⁶ Te mach'a ya xbaht ta stojol te mach'atic ya sc'oponic ch'uhlelal soc mach'atic jna'ojeletic, te ya yac' sbahic ta antsinel ta stojolic c'ohem, ma lecuc co'tan ta stojol te mach'a hich ya spas, ya me jloq'ues bahel ta yohlil te slumale.

Levítico 20:6 Referans Kwoze

Levítico 19:31

“Ma me xbaex ta stojolic te mach'atic ya sc'oponic ch'ulelale, soc ma me xbaex ta stojolic te mach'a ay bila ya sna' syoljoltayele. Ma me ayuc bila ya ajojc'obeyic, melel ma lecuc ya xc'oex yu'un. Jo'on Ajwalilon Dioson awu'unic.

Isaías 8:19

Te ants-winiquetic ma ba wocol ya yalbeyex te ja'exe: —Jojc'obeya awaiyic te xch'ulel animaetic, soc te mach'atic ay bila ya sna'ic syoljoltayel te sajlajanic ya xc'opojique. Jojc'obeyic te diosetic yu'unic te lume. Puersa me ya sc'anbeyic tojtesel yu'un animaetic te mach'atic cuxajtique,

Levítico 20:27

“Teme ay winic, o ants, te ya xc'opoj ta swenta xch'ulel te mach'atic lajemique, o te ya yac' sbaic ta yoljoltayel, ya me yich'ic milel ta ch'ojel ta ton, soc ja' ni me ta swenta smulic te ya xlajique.” Jich me ya xc'o awal ta stojolic —xi' te Cajwaltique.

Salmos 73:27

Te mach'atic ya xc'ubic ta atojol, ya me xlajic; ya me alajin te mach'atic ma junuc yo'tanic ta atojole.

Oseas 4:12

Te lum cu'un ay bila ya sjojc'obeyic te yajcananic te spasojic ta te'; ta swenta snabate'ic ya sta ta sc'opic te sujt'ibe. U'uninbilic yu'un mulwej te lum cu'une, jich yu'un st'unojic nix jowil beetic a. Te ya spasic mulweje, jich ya yijq'uitayonic te Dioson yu'unique.

Ezequiel 6:9

Te mach'atic colic jilel ta lajele, ya me sna'onic te c'alal pujq'uemic ta nacionetique. Ya me xtal ta yo'tanic te bit'il la cac'bey swocolic ta scaj te ma junuc yo'tanic ta jtojole, soc ta scaj te la yijq'uitayon ta yo'tanique, te jajch' xch'uunic te lotil diosetique. Ja'ic ni me ya xjajch' yilayic ta patil te amen yat'elic la spasique, soc ta spisil te bitic ilaybil sba la spasique.

Números 15:39

Jich yu'un te c'alal ya awilic te stsijts'mal, tey me ya ana'ic spisil te mandaliletic te cac'ojbeyexe, soc jich me ya ach'uunic. Jich ma ba ya awich'-o'tantay abaic soc te bila ya snop awo'tanic, teme ma junuc awo'tanic ta jtojole.

Levítico 19:26

“Ma me xati'ic te bila ay to xch'ich'ele. “Ma me xacuy aba te ay bila ya ana' syoljoltayel, ma me xacuy aba te ya xju' awu'un sna'el te bila ya to xc'ot ta pasele.

Hechos 16:16

Ta yan buelta te c'alal yacotic ta bael te banti ya jtsob jbatic ta sc'oponel te Diose, la staotic jtul ach'ix te ay pucuj ta yo'tan te ya sna' yalel te bila ya xc'ot ta pasele. Ay cha'oxtul yajwal te la spasic bayal ganar yu'un te bila ya sna' yalele.

Éxodo 22:18

“Ma me xawac' xcuxin jtuluc ants te ya sna' yaq'uel chamel.

Levítico 17:10

“Jo'on me ya cac'bey smulin mach'auc israelil o jyanlumil te ay ta awolilic, teme ya slo' ch'ich', chican bila ya yut ya slo', ya me jloq'ues ta yolil te yajwal lume.

Levítico 20:5

jo'on me ya jcontroin, soc te mach'atic ay yu'un, ya me jloq'ues ta yolil slumal soc te mach'atic pajal bolob soque, te pajal bajt'ic ta stojol Moloc.

Jeremías 44:11

“Ja' swentail te jo'on Ajwalilon te Spisil ya xju' cu'un, te Dioson yu'un Israel, ya calbeyex: Jnopoj te ya cac' tel bila amen ta atojolic te ya sjinex ja'ex te sts'umbalex Judá.

Éxodo 22:17

Yan teme ma la yac' te stat te ya xnujbin soque, ya me stoj te jich yipal ya xc'anbot te bit'il ay stojol te ach'ix ma nujbinemuque.