Levítico 20:16 - Bible in Tzeltal de Oxchuc y Tenejapa

¹⁶ “Teme ay ants te ya sta sba soc stat chambalam, ya me yich' milel xchebal soc te chambalame. Ja' nix me ta swenta smulic te ya xlajique.

Bible in Tzeltal Bachajón

¹⁶ Teme ay ants te ya yac' sba ta cuchel yu'un chambahlam, ya me amil te ants soc te chambahlam. Ha nix ay ta scuentahic te ya xlajique.

Levítico 20:16 Referans Kwoze

Hebreos 12:20

Yu'un ma ba cujch' yu'unic te bit'il pasotic ta mandale, te jich albotique: “Teme ay mach'a ya stec' te witse, ya me yich' milel ta ch'ojel ta ton, o ta lanza, manchuc teme ja' te chambalame”, te xie.

Éxodo 21:32

Teme ay ya xluchot ta wacax te manbil abat, manchuc teme ants o winic, ya me yich' milel ta ch'ojel ta ton te wacaxe. Te yajwale ya me x'ac'bot lajuneb xcha'winic (30) ta jsejp taq'uin swenta stojol te yabate.

Éxodo 19:13

Ma me ayuc mach'a ya yac' bael sc'ab ta wits, ya me yich' milel ta ch'ojel ta ton, o teme t'im ya yaiy xlaj, manchuc me winic o chambalam, ma me xju' ya xcuxin. Te lume ja' to ya xmoic bael ta wits a te c'alal ya x'oc' xulubil —xi' te Dios ta stojol te Moisés.

Éxodo 21:28

“Teme ay wacax ya sluch jtul winic o ants, teme laj yu'une, ya me yich' milel ta ch'ojel ta ton te wacaxe. Ma me xju' ya yich' ti'el te sbaq'uetale. Ja'uc me to, ma me xju' ya yich' castigo te yajwal wacaxe.

Éxodo 22:19

“Te mach'a ya sta sba soc chambalam, jc'axel me ya yich' chajbanel sc'oplal ta milel.

Levítico 18:23

“Ma me x'ata aba soc chambalam, melel boloben ac'oplal ya xc'oat yu'un teme jich ya apase. Ja' nix jich te antse, ma me xyac' sba ta cuchel yu'un chambalam, melel jc'axel ma lecuc ta pasel.

Levítico 20:15

“Teme ay winic te ya sta sba soc yantsilel chambalam, ya me yich' milel. Ja' nix jich te chambalame, ya me yich' milel uuc.

Levítico 20:17

“Teme ay winic ya yic' yinamin xwix o yijts'in-ach'ix, manchuc me yijts'in ta swenta stat o ta swenta sme', teme la sta sba soque, ya me yich'ic loq'uesel ta stojol te slumalique. Melel te bit'il ya sta sba soc te jun sme' o jun stat soque, mero q'uexlaltic sba ta pasel. Ja' yu'un te mach'a ya spase, ya xcuch te smul yoloj la slee.