Levítico 20:13 - Bible in Tzeltal de Oxchuc y Tenejapa

¹³ “Teme ay mach'a ya xway soc te sjoy ta winiquile, jich te bit'il ya xway soc te antse, ya me yich'ic milel xchebalic, ja' nix me ta swenta smulic te ya xlajique, melel mero ilaybil sba te bila la spasique.

Bible in Tzeltal Bachajón

¹³ Teme ay mach'a ya xway soc smohlol ta winiquil hich te bin ut'il ya xway soc ants, mero ilobtic sba te bin la spasic; ya me xlajic schebalic, ha nix ta scuentahic te ya xlajique.

Levítico 20:13 Referans Kwoze

1 Corintios 6:9

¿Yu'un bal ma x'ana'ic stojol te mach'atic ma tojuc yo'tanic ma xju' ya yajwalinic te Diose? Ma me slo'layex te awo'tanique, melel ma xju' ya xc'otic tey a te mach'atic ya xyalic ta mulile, te mach'atic ya xch'uunic loc'ombaetique, te mach'atic ya yaiyic mulweje, te mach'atic sc'atp'unej sbaic ta antse, te mach'atic sjoy sbaic ta winiquil te ay bi ya spasbey sbaic ta sbaq'uetalique, te j'eleq'uetique, te mach'atic biq'uit nax yo'tanic yu'un stsobel te sc'ulejale, te jyacubeletique, te j'ixta-c'opetique soc te mach'atic jlo'layej-taq'uinetique. Spisil in to, ma xju' ya xc'o ainuquic tey a ta banti ay ta ajwalinel te Diose.

Levítico 18:22

“Ma me xwayat soc winic te jich c'oem awu'un te bit'il ya xwayat soc te antse, melel jc'axel ma lecuc ta pasel.

1 Timoteo 1:10

soc mach'atic ya xyalic ta mulile, soc te mach'atic sjoy sbaic nax ta winiquil te ya yuts'inbey sba sbaq'uetalique, soc te mach'atic ya sleic ants-winiquetic te ya yelc'anic baele, soc te jpas-lotetique, soc te mach'atic ya yac' sbaic ta yalel lotil testigo-c'op, soc xan te mach'atic ya scontroinic te lequil p'ijubtesele.

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.

Deuteronomio 23:17

“Ma me ayuc jtuluc winic o jtuluc ants ta Israel te ya yac' sba ta spasel muliletic ta swenta loc'ombaetic, jich te bit'il ya spasic ta stojol te dios yu'unic te jyanlumetic te ma sna'beyic sba te mero Diose.

Génesis 19:5

La yawtayic te Lot: —¿Banti ay te winiquetic ochic tel ta anae? Ticuna loq'uel tel, yu'un ya jmejts'an jbajtic soc —xiic.

Jueces 19:22

C'alal bin nax yo'tanic a, ay winiquetic amen yo'tanic te ayic ta lum, tal sjoytayic te na, jajch'ic ta stijel te ti'naile. La yalbeyic te mamal, ja' te yajwal na: —Loq'uesa tel te winic te awula'e. Ya jc'an ya join jbajtic ta wayel soc —xiic.

Deuteronomio 23:18

Ma me xawac' permiso teme winic o teme ants te ya yich' tel ta templo yu'un Cajwaltic Dios te taq'uin staoj ta swenta mulil ta stojel bila chapal yu'unic. Melel ilaybil me yu'un Cajwaltic stuquel.