Levítico 20:1 - Bible in Tzeltal de Oxchuc y Tenejapa

¹ Te Cajwaltic la sc'opon te Moisés, jich la yalbey:

Bible in Tzeltal Bachajón

¹ Te Jehová la yalbe te Moisés:

Levítico 20:1 Referans Kwoze

Levítico 19:37

“Ja' yu'un c'otuc me ta pasel awu'unic te mandaliletic cu'un soc te bila chapale, ja' me xat'unic ta pasel. Jo'on Ajwalilon.” Jich me ya xc'o awal ta stojolic —xi' te Cajwaltique.

Levítico 20:2

—Albeya te israeletic te bila ya calbate: “Mach'auc israelil, o jyanlumil te nainem ta Israel, teme ya yac'bey snich'an te dios Moloc, ac'a me yich' milel ta ch'ojel ta ton yu'un te slumale.

Miqueas 6:7

¿Ya bal xbujts'naj yo'tan yu'un Cajwal, teme ya cac'bey jmil (1,000) ta jcojt' tat chijetic o lajunmil (10,000) yocja'etic c'oem ta puro aceite? ¿O ya bal cac'bey te sba jnich'an ta swenta stojol te jtoybail soc te jmule?

1 Samuel 12:14

Yo'tic, ja'ex me ya awich'ic ta muc' te Cajwaltic, ya me ach'uunic stuquel. Ya me ach'uunbeyic smandal, ma me xac'axintaybeyic; tojuc me x'ainex ja'ex, soc nix te muc' ajwalil awu'unique. Lecuc me ya x'ainex, pasbeyaic me sc'anjel yo'tan te Cajwaltic te Dios cu'untique. Jich me lec ya xc'oex.

Esdras 7:26

Ta spisil te mach'a ma ba ya yac' c'otuc ta pasel te mandalil yu'un te Dios awu'une, soc te mandaliletic cu'un jo'on te muc' ajwalilone, ora ac'a yich' ticunel ta milel, o ya yich' tenel loq'uel, ya yac' multa, o ya x'och ta chuquel”, xi' ta scarta te muc' ajwalile.

Jeremías 7:31

Ta bay xatal yu'un Ben-hinom la spasbeyic scajtijib majt'anil ta Tófet swenta yu'un ya xchiq'uic tey a te alalqueremetic ach'ixetic yu'unique, te ma'yuc bay calojbey mandal ta pasel, ma'yuc bay talem ta co'tan ni jtebuc.

Ezequiel 16:21

la amilbon te jnich'nabe, te la awac' lajuc ta chiq'uel, ta swenta yich'jibal ta muc' te loc'ombaetique.