Levítico 2:15 - Bible in Tzeltal de Oxchuc y Tenejapa

¹⁵ Ya me awac'bey aceite soc pom ta sba, melel ja' majt'anil swenta sit awalts'unubil.

Bible in Tzeltal Bachajón

¹⁵ Ya me awa'be aceite soc pom ta sba. Ha mahtanil harina.

Levítico 2:15 Referans Kwoze

Levítico 2:14

“Teme ya awac'bon jmajt'anin jo'on te Ajwalilon te sbabial sit te atrigo o te acebada, ya me abacubtes ta c'ajc' te juju-jchex ta xyaxal to, soc ya me yich' chewel te juju-jp'ij sit te yach'il to, te sbabial set'bile.

Levítico 2:16

Jich te sacerdote ya me xchic' jtebuc te majt'anil chewbil, soc te aceite, soc ja' nix sjoinej te pome. Ja' me majt'anil swenta jna'jibal te ya yich' chiq'uel ta swenta quich'el ta muc' jo'on te Awajwalilone.

Éxodo 29:2

Te lequil harina pasbil ta trigo, pasa wajetic soc pimil wajetic a te ma ba yich'ojic levadura, ja' nax me ya yich' wots'el soc aceite, soc jayal waj te ma'yuc slevadurail te yich'oj tsijts'anel ta aceite.

Éxodo 30:34

Te Cajwaltic, jich la yalbey te Moisés: —Tsaca me te bitic bujts'an yic' te xch'ailele. Pajal me sp'isol ya awac' te juju-jchajbe: ja' te xuch'il te', te uña te bujts'an yiq'ue, te pom soc te gálbano.

Levítico 2:1

“Teme ay mach'a ya yich'bon tel jmajt'anin harina jo'on te Ajwalilon, ya me sc'an te ja' ya yich' tel harina te mero lec, soc ya me yac'bey aceite soc pom ta sba.

Levítico 5:11

“Teme mero ma xju' yu'un smanel te cheb puliwoquetic, o cheb alal stsumutetic, ya me xju' ya yich'bon tel ta swenta jmajt'an yu'un smul cheb kilo mero lequil harina. Ma me xju' ya yac'bey aceite, soc ma me xyac'bey pom ta sba, melel ja' te majt'anil yu'un te mulile.

Números 15:4

te mach'a ya xtal yac'bon te majt'anil, ya me yac'bey sjoin cheb kilo te lequil harina te yich'oj wots'el soc jun litro aceite.