Levítico 2:14 - Bible in Tzeltal de Oxchuc y Tenejapa

¹⁴ “Teme ya awac'bon jmajt'anin jo'on te Ajwalilon te sbabial sit te atrigo o te acebada, ya me abacubtes ta c'ajc' te juju-jchex ta xyaxal to, soc ya me yich' chewel te juju-jp'ij sit te yach'il to, te sbabial set'bile.

Bible in Tzeltal Bachajón

¹⁴ Teme yac awa'be Jehová te mahtanil yu'un sba sit, ya me abacubtes ta c'ahc' te jujuchej te syaxal to soc te sit chewbil, scuenta mahtanil harina yu'un te sba sit awu'une.

Levítico 2:14 Referans Kwoze

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

1 Corintios 15:20

Ja'uc me to, smelelil te cha'cux tel ta bay animaetic te Cristoe. Ja' sbabial cha'cux tel yu'un te mach'atic wayemique.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Números 28:2

—Pasa ta mandal te israeletique: “Ma me scom sbaic ta yaq'uel ta mero yorail te we'elil soc te milbil majt'aniletic, te ya yich' chiq'uel ta jujun q'uin, ja' te majt'aniletic te bujts'an yic' ta jtojole.

2 Reyes 4:42

Patil c'ot jtul winic talem ta Baal-salisa. Yich'ojbey c'oel jtab ta pejch' waj pasbilic ta cebada te loq'uelic to ta samet, soc yach'il trigo ta morral. Te Eliseo la yalbey mandal te abat yu'une: —Ac'beya te mach'atic li' ayique, ac'a swe'ic —xi'.

Deuteronomio 26:2

ya me atsac te sba sit te awawal-ats'unub te ya yac'bat te lumq'uinale, ya me apach bael ta moch ta yawil te banti stsaoj yu'un yawil sbiil te Cajwaltic te Dios cu'untique.

Levítico 23:20

Te sacerdote ya me stoyilaybon ta jtojol te majt'anil chambalametic jo'on te Ajwalilone. Ja' me ya sjoin te waj swenta sba sit awalts'unubil te cheb chijetique. Ch'ultesbilic me ta jtojol jo'on te Ajwalilon, ja' me yu'un te sacerdote.

Levítico 22:29

“Te bi ora ya awac'bon jmajt'an ta swenta yalel wocol, swentail me xapas, jich me tsacbil ya xc'ot te majt'anile.

Génesis 4:3

La sta yorail te la yac'bey smajt'an Dios te Caine. Ja' la yac' te sit yawal-sts'unube.

Levítico 2:15

Ya me awac'bey aceite soc pom ta sba, melel ja' majt'anil swenta sit awalts'unubil.

Levítico 2:16

Jich te sacerdote ya me xchic' jtebuc te majt'anil chewbil, soc te aceite, soc ja' nix sjoinej te pome. Ja' me majt'anil swenta jna'jibal te ya yich' chiq'uel ta swenta quich'el ta muc' jo'on te Awajwalilone.

Levítico 23:13

Soc ya me awich'ic tel olil yo'eb kilo mero lequil harina yich'oj wots'el soc aceite, yu'un ya yac'bon ta jtojol jo'on te Ajwalilone, swenta chic'bil majt'anil te buen bujts'an yiq'ue. Te majt'anil te ya yich' malel, ya me awaq'uic jun litro vino.