Levítico 19:9 - Bible in Tzeltal de Oxchuc y Tenejapa

⁹ “Te c'alal ya sta yorail te ya yich' tsobel te sit awalts'unubile, ma me jc'axeluc spisil ya atsob te bila ya xloc' ta aq'uinale, ma me xatsob xan te bay c'alal jilem awu'une.

Bible in Tzeltal Bachajón

⁹ Te c'alal yac awa'iy c'ajoj ma me xac'aj c'alal ta mero sti'il, soc ma xale xan te banti c'axematix ta sc'ajele.

Levítico 19:9 Referans Kwoze

Levítico 23:22

“Te c'alal ya sta yorail ta tsobel sit trigo soc te cebada, ma me jc'axeluc spisil ya atsob asta mero slajibal te bila ya xloc' ta aq'uinale, soc ma me xacha'le xan teme ay to chexajtic ya xjil te sit te trigo soc cebada. Ijq'uitaya jilel, yu'un ja' ya xtuun yu'unic te me'baetic soc te jyanlumetique. Jo'on te Ajwalilon te Dioson awu'unique.” Jich me ya xc'o awal ta stojolic —xi' te Cajwaltique.

Rut 2:15

C'alal bajt' xan ta stamel cebada te bay jilemic xane, te Booz la spas ta mandal te abatetic yu'une: —Ac'beya stam ta bay tomajtic jilel awu'unic te cebada, ma me x'acomic.

Rut 2:2

Te Rut la yalbey te Noemí: —Ac'awon bael te banti yacalic ta set'el cebada. Ya xba quil teme ay mach'a ya xc'uxtayone, teme ya yac'bon jtam ta bay yacal ta jilel yu'un te mach'atic ya set'ic loq'uel te cebadae —xi'. —Baan jiche —xi' te yalib-me'ele.

Levítico 23:10

—Albeya te israeletic te bila ya calbate: “Te c'alal ya x'ochex bael ta q'uinal te ya cac'beyexe, te c'alal ya aset'ic te bila sbabial ya xloc' sit, ya me awac'beyic ta stojol sacerdote te sba tomol ya xloc' ta set'el awu'unique.

Levítico 23:29

Te mach'a ma ba ya scom swe'el ta Sc'aalelal Perdón, mach'auc a te ma ba ya xch'uun spasel, ya me yich' loq'uesel ta stojol te slumale.

Levítico 19:8

Te mach'a ya sti', ja' smul ya xc'ot, ya me yich' loq'uesel ta stojol te slumale, swenta bit'il la yixlan te bila ch'ultesbil cu'une.

Levítico 19:10

Ma me xatsob xan spisil te sit ats'usubile, soc ma me xatam te sit ats'usubil lubajeme; ijq'uitaybeya te me'baetic soc te jyanlumetique. Jo'on Ajwalilon, Dioson awu'unic.

Rut 2:8

Jich yu'un te Booz la yalbey te Rut: —Ants, aiya awaiy stojol, ma me q'uejeluc ya xba atam cebada ta yan q'uinal, ja' me xajoin te criadaetic cu'une.