Levítico 19:8 - Bible in Tzeltal de Oxchuc y Tenejapa

⁸ Te mach'a ya sti', ja' smul ya xc'ot, ya me yich' loq'uesel ta stojol te slumale, swenta bit'il la yixlan te bila ch'ultesbil cu'une.

Bible in Tzeltal Bachajón

⁸ Te mach'a ya swe', scuchoj smul yu'un la yac' bohlobuc sc'oblal te bin ch'ultesbil yu'un Jehová. Te mach'a hich ya spas ya me yich' loq'uesel ta yohlil te pueblo yu'une.

Levítico 19:8 Referans Kwoze

Levítico 22:15

Pero te sacerdoteetic ya me sc'an te ma sboltesbey sc'oplal te bitic ch'ultesbil ya yac'bonic te israeletique.

Levítico 5:1

“Teme ay mach'a ya yich' iq'uel yu'un ya yal ta jamal swenta testigo te ay bila la yile, o te ay bila la yaiye, pero teme ma sc'an ya yale, ja' me smul ya xc'ot te ma la yale.

Levítico 19:7

Teme ya yich' ti'el ta yoxebal c'aal te majt'anil ti'bale, ilaybil me ya xc'ot, ma ba ya stsac smajt'anin te Diose.

Levítico 19:9

“Te c'alal ya sta yorail te ya yich' tsobel te sit awalts'unubile, ma me jc'axeluc spisil ya atsob te bila ya xloc' ta aq'uinale, ma me xatsob xan te bay c'alal jilem awu'une.

Éxodo 30:33

Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.

Levítico 7:20

“Teme ay mach'a ma ba slecubtesej sc'oplal a ya sti' te ti'bal te jo'on cu'un te Ajwalilone, ya me yich' loq'uesel ta stojol te slumale.

Levítico 7:21

“Teme ay mach'a ya spic te bila ma lecuc sc'oplale (manchuc me ants-winic, o teme chambalam te ma lecuc sc'oplale, o yantic biluc te ma lecuc sc'oplale) teme ya sti' te sbaq'uetal te milbil majt'anil swenta lamal-o'tanil te jo'on cu'un te Ajwalilone, ya me yich' loq'uesel ta stojol te slumale.” Jich me ya awal ta stojolic —xi' te Cajwaltique.