Levítico 19:7 - Bible in Tzeltal de Oxchuc y Tenejapa

⁷ Teme ya yich' ti'el ta yoxebal c'aal te majt'anil ti'bale, ilaybil me ya xc'ot, ma ba ya stsac smajt'anin te Diose.

Bible in Tzeltal Bachajón

⁷ Teme ya yich' we'el ta yoxebal c'ahc'al, ihlaybil ya xc'oht, ma ba tsacbil ya xc'oht.

Levítico 19:7 Referans Kwoze

Jeremías 16:18

Sbabial ya cac'bey stojic cheb buelta te bila amen soc te smulique, melel la sboltesbonic sc'oplal te lumq'uinal ta scaj te yajcananic te ma cuxuluc soc te ilaybilique; soc ta spamal te lumq'uinal te la cac'bey yu'unin, la spasic te bitic ya quilaye —xi' te Cajwaltique.

Isaías 66:3

Ja'uc me to, ay mach'atic ya smilbonic jcojt' wacax, soc ya smilic jtul winic; ya sbojbeyic snuc' jcojt' me' chij soc ya sts'otbeyic snuc' jcojt' ts'i'; ya yac'bonic trigo soc xan xch'ich'el chitam; ya xchic'bonic pom, soc ya xch'uunic loc'omba. Te mach'atic ya stsaic ta pasel te bila ilaybile, toyol yo'tan yu'un ta spisil.

Isaías 65:4

La snajc'an sbaic ta muquenaletic, tey c'ax ajc'ubal yu'unic a ta bay ma xchicnajic ta ilele. La sti'ic sti'balul chitam, soc la snojes yoxomic yu'un scaldoil ti'bal te ma ba lec sc'oplale.

Isaías 1:13

Ma me x'awac'bonic majt'anil te ma'yuc sc'oplal cu'une; ma xcujch'ix cu'un te xch'ailele. Te ja'ex ya awiq'uic te alumal te ya apasic q'uin yu'un te yach'il u soc te sc'aalelal cux-o'tan; te jo'one ma jmulan te q'uinetic yu'un te alumal te bit'il yacalic ta spasel te bitic amene.

Levítico 22:25

Soc ma me xatsacbeyic teme ay jyanlum tal yac'beyex chambalam, te jich ay te bit'il la calixe. Teme ya xtal yac' chambalam te ja' jwe'el jo'on te Diosone, pero teme ay bila boloben ta sbaq'uetal te chambalame, ma me stsacbot stuquel”, uta me xi'.

Levítico 22:23

Swenta majt'anil yu'un spasemal awo'tan, ya xju' ya awac' toro o chij te stalel ma ts'acaluc a tojc' te sbaq'uetale, pero teme ja' majt'anil yu'un te bila achapoj ta jtojol, ma xju' ya jtsacbat stuquel.

Levítico 19:6

Te chambalam ya awaq'uique, ya me sc'an ya yich' lajinel ta ti'el ta yorail nix te bi c'aalil ya yich' aq'uele. Ya to xju' ya yich' we'el ta xchebal c'aal, pero teme ay to ya spas sobrail ta swenta yoxebal c'aale, ac'a me yich' chiq'uel stuquel.

Levítico 19:8

Te mach'a ya sti', ja' smul ya xc'ot, ya me yich' loq'uesel ta stojol te slumale, swenta bit'il la yixlan te bila ch'ultesbil cu'une.