Levítico 19:5 - Bible in Tzeltal de Oxchuc y Tenejapa

⁵ “Te c'alal ya awac'beyic milbil smajt'an Dios swenta lamal-o'tanil, jich me xapasic te bit'il ya sc'an pasele, swenta yu'un jich me ya jtsacbeyex te majt'anile.

Bible in Tzeltal Bachajón

⁵ Te c'alal yac awa'beyic smahtanin Jehová milbil mahtanil scuenta lamal q'uinal, hich me xapasic te bin ut'il ya sc'an pasel, scuenta yu'un ya stsacbeyex a te Diose.

Levítico 19:5 Referans Kwoze

Levítico 22:29

“Te bi ora ya awac'bon jmajt'an ta swenta yalel wocol, swentail me xapas, jich me tsacbil ya xc'ot te majt'anile.

Levítico 7:16

Yan teme ja' ta swenta bit'il ay bila xchapoj ta jtojole, o teme swenta nax spasemal yo'tan te ya yac'bon te chambalam te mach'a ya yaq'ue, ya me sc'an te ja' nix te sc'aalelal te bi ora ya yich' aq'uel te ya yich' ti'el te sbaq'uetale. Teme ay to jil te ti'bale, ya xju' ta ti'el ta xchebal c'aal stuquel;

Levítico 22:19

ya me sc'an te ja' ya yac' te stat chambalam te ma'yuc bila boloben ta sbaq'uetal, swenta yu'un jich me ya stsacbot a te majt'anile. Ya xju' teme toro, chij, o tentsun,

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Ezequiel 46:12

“Teme ay la yac'bey smajt'an Cajwaltic ta spasemal yo'tan te ajwalile, jich bit'il chambalam yu'un chic'bil scojt'ol majt'anil o milbil majt'anil yu'un lamal-o'tanil, ya me xju' ya yich' jamel te ti'nail ay ta stojol sloq'uib c'aale. Ya me yac' te milbil majt'anil yu'une, jich nix me ya spas te bit'il ya spas ta sc'aalelal cux-o'tane. Teme loq'ue, ya me yich' maquel te ti'naile.

Ezequiel 46:2

Te Ajwalil ya me x'och ta cuarto yu'un te yochibal c'alal ta amac' ta spat, ya me xc'o stejc'an sba ta ste'el ochibal. Te c'alal jich aye, te sacerdoteetic ya me xchiq'uic te chambalametic swenta milbil majt'anile, ya me spasic te milbil majt'anil swenta lamal-o'tanile, te ja' la yac' te mach'a ay yat'el ta ajwalile. Pero ya stinan sba coel c'alal ta lum ta yiptajib te yochibale. Ora nax a, ya xloc' bael. Te ti'nail, ma me ba ya yich' maquel, ja' to me ya yich' maquel xan a te c'alal ya xmal c'aale.

2 Crónicas 31:2

Ta patil te Ezequías la xchajban te sacerdoteetic soc te levitaetic te ya sjel sbaic ta at'ele, swenta yu'un chajbalchajp ya x'at'ejic te ya yaq'uic chic'bil majt'anil, te ya yaq'uic milbil majt'anil ta swenta seña lamal-o'tanil soc te Diose, te ya yalbey wocol, soc te ya yalbey yutsil sc'oplal Cajwaltic, soc te ya yac' sbaic ta abatinel ta bay ochibaletic yu'un templo.

Levítico 22:23

Swenta majt'anil yu'un spasemal awo'tan, ya xju' ya awac' toro o chij te stalel ma ts'acaluc a tojc' te sbaq'uetale, pero teme ja' majt'anil yu'un te bila achapoj ta jtojol, ma xju' ya jtsacbat stuquel.

Levítico 22:21

“Mach'auc a teme ya yac'bon milbil majt'anil swenta lamal-o'tanil, o teme yu'un jich ya yac' c'otuc ta pasel te bila chapal yu'un, o teme majt'anil swenta nax spasemal yo'tan, ya me sc'an te toro ya yac', o chij, pero ja' me te ma'yuc bila boloben ta sbaq'uetal, melel teme ay bila boloben ta sbaq'uetal te chambalame, ma me stsacbot stuquel.

Éxodo 24:5

La yalbey te queremetic te ya xba smilbeyic smajt'anin Cajwaltic toroetic te ya xchic'bey scojt'ol, soc ay ya yac'bey smajt'anin swenta seña lamal-o'tanil.

Levítico 19:4

“Ma me xbaex ta stojolic te loc'ombaetique, soc ma me xapas adiosinic ultesbil taq'uinetic. Jo'on Ajwalilon, Dioson awu'unic.

Levítico 19:6

Te chambalam ya awaq'uique, ya me sc'an ya yich' lajinel ta ti'el ta yorail nix te bi c'aalil ya yich' aq'uele. Ya to xju' ya yich' we'el ta xchebal c'aal, pero teme ay to ya spas sobrail ta swenta yoxebal c'aale, ac'a me yich' chiq'uel stuquel.

Levítico 7:18

Teme ay mach'a ya sti'bey sbaq'uetal ta yoxebal c'aal smilel a te majt'anil swenta lamal-o'tanil, te milbil majt'anil ma'yuc sc'oplal ya xc'ot, soc ma'yuc ta jwenta ya xc'ot. Te ti'bale ilaybil me ya xc'ot. Teme ay mach'a ya sti'e, ja' me smul ya xc'ot.