Levítico 19:4 - Bible in Tzeltal de Oxchuc y Tenejapa

⁴ “Ma me xbaex ta stojolic te loc'ombaetique, soc ma me xapas adiosinic ultesbil taq'uinetic. Jo'on Ajwalilon, Dioson awu'unic.

Bible in Tzeltal Bachajón

⁴ Ma me xach'uhuntayiquix loc'ombahetic, soc ma me xapas awahcananic ta uhltesbil taq'uin. Ho'on, Jehovahon, Dioson awu'unic.

Levítico 19:4 Referans Kwoze

Levítico 26:1

“Ma me xapas awajcananic soc ma me xapas loc'ombaetic, ma me xawaq'uic chicnajuc ta alum-aq'uinalic ch'ultesbil tonetic soc loc'ombaetic te loc'taybilic ta tone. Ma me xapajc'an abaic ta stojolic, melel jo'on te Ajwalilon te Dioson awu'unique.

Éxodo 34:17

“Ma me xapas awajcananic ta taq'uin te ultesbil ta c'ajq'ue.

Éxodo 20:23

Jich yu'un ma me xapasic loc'ombaetic ta oro soc ta plata te ya ach'uunique.

1 Juan 5:21

Cal-jnich'nab, tsajtaya me abaic yu'un te loc'ombaetique. Jichuc.

Deuteronomio 27:15

“Boloben me sc'oplal ta jyalel te mach'a ya spas loc'omba, o teme ay bila ya sloc'tay ta ultesbil taq'uin te pasbil ta jten-taq'uine, te ya yac' ta muquen ta sq'uinale, melel mero ilaybil me yu'un te Cajwaltique”. “Jichuc”, xiic me ta spisil te lume.

1 Corintios 10:14

Jich yu'un quermanotac te c'uxex ta co'tane, jc'axel ijq'uitayaic jilel xch'uunel te loc'ombaetique.

Salmos 96:5

Te diosetic yu'un te yantic lumetic, ma'yuc sc'oplalic ta jc'axel; yan te Cajwaltic ja' la spas te ch'ulchane.

Éxodo 32:4

Jich la stsac jilel ta sc'ab. La yultes ta c'ajc' te oro, la yac' ta smoldeil, la spas xan ta cincel. Jich la spasbey sloc'ombail jcojt' alal toro a. Jich la yalic ta spisilic te israeletique: —¡Jlumal, ilawil, ja' dios cu'untic te la sloq'uesotic tel ta Egipto! —xiic.

Hageo 2:18

Yo'tic, swaxaquebal u soc chaneb xcha'winic (24) c'aal, la yich'ix ac'beyel jajch'el yiptajib te templo cu'une.

Levítico 19:5

“Te c'alal ya awac'beyic milbil smajt'an Dios swenta lamal-o'tanil, jich me xapasic te bit'il ya sc'an pasele, swenta yu'un jich me ya jtsacbeyex te majt'anile.

1 Crónicas 16:26

Te diosetic yu'unic te jyanlumetique ma'yuc sc'oplal stuquelic; ja'uc me to, te Cajwaltic la spas te ch'ulchane.

Levítico 11:44

melel jo'on te Ajwalilon soc te Dioson awu'unique. Te ja'exe ya me sc'an te mero ya alecubtes ac'oplalic, soc te ch'ultesbil ya x'ainexe, melel ch'ul Dioson te jo'one, ma me xawac' te ma lecuc ac'oplal ya xc'oat ta swenta te chambalametic ya stas sbaic ta beel ta lumq'uinale.

Levítico 19:25

Ta yo'ebal ja'wil ya me xju' ya alo'beyiquix sit a. Jich me bayal sit ya yac'beyex a te te'e. Jo'on Ajwalilon, Dioson awu'unic.

Deuteronomio 4:16

Ma me xapasbeyic sloc'ombail winic o sloc'ombail ants,

Deuteronomio 7:25

Ja'ex me ya achic'beyic te loc'ombaetic cuybil ta diosetic yu'unique. Ma me xbic'taj awo'tanic yu'un te oro te plata yich'ojic te loc'ombaetique. Ma me awo'tanuc x'awich'beyic, ma me xyalex ta mulil yu'un. Teme jich ya apasique, ja' me ya apasic abi te bila ilaybil yu'un te Cajwaltique.

1 Reyes 14:9

Yan te ja'at, mero amen la awac' aba, ma'yuc jich la spasic te yantic neel c'axique. Ja'at mero amen awat'el, jich la awac' ilinucon. Melel la apas yantic diosetic awu'un, loc'ombaetic te pasbilic ta ultesbil taq'uin, jich ma'yuc jc'oplal c'oon awu'un.

2 Crónicas 28:2

Ja' la snopbey yat'elic te ajwaliletic yu'un Israel, soc la spas loc'ombaetic yu'un Baal ta taq'uin ultesbil ta c'ajc',