Levítico 19:33 - Bible in Tzeltal de Oxchuc y Tenejapa

³³ “Ma me xawac'bey swocol te jyanlum ay ta awolilique.

Bible in Tzeltal Bachajón

³³ C'alal ya sjoquinex ta nahinel ta aq'uinalic te jyanlum, ma xawuts'inic.

Levítico 19:33 Referans Kwoze

Éxodo 23:9

“Ma me xawuts'inic te jyanlume, melel ayix ta awo'tanic te bi yaiyel ainel ta yan lumq'uinal, yu'un jich nix me jyanlum c'oex ta Egipto.

Éxodo 22:21

“Te jyanlum te nainem ta awolilic, ma me xawuts'inic, soc ma me xawaq'uic ta woclajel, melel jich nix me jyanlum c'oex ta Egipto.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Jeremías 7:6

teme ma ba ya atojol-uts'inic te jyanlumetic, te me'ba alaletique, soc te me'ba antsetique, teme ma xamilic te mach'a ma'yuc smul li' ta bay q'uinal to, teme ma xach'uunic yantic loc'ombaetic, te ja'ex nix te tey ya aboltes abaic a,

Deuteronomio 24:14

“Ma me xawac'beyic swocol te mach'atic me'baetique, ora me xawac'beyic te stojolic, mach'auc a, manchuc me alumalic o jyanlumetic te nainemic ta alumalique.

Ezequiel 22:29

Te yajwal lume yat'elinejic elec' soc uts'inwanej. Ya yac'bey swocolic te me'baetique soc te mach'atic ma'yuc bila ay yu'unic. Ya yuts'inic te jyanlumetique, soc ya spasbeyic te bila ma stojiluque

Ezequiel 22:7

Te alumale ma xyich'ic ta muc' te sme'-statique, ya yuts'inic te jyanlumetique, ya yac'bey swocol te me'ba alaletique soc te me'ba antsetique.

Deuteronomio 24:17

“Ma me xapasic te bila ma stojiluc ta stojolic te jyanlumetic soc te me'ba alaletique, soc ma me x'awich'beyic ta prendal sc'u' te me'ba antsetique.

Deuteronomio 24:18

Ma me xch'ay ta awo'tanic te c'axex ta mozoil ta Egipto, te ja' la sloq'uesex tel tey a te Cajwaltic te Dios cu'untique. Ja' yu'un ya calbeyex mandal te ya me apasic te bila ya calbeyexe.

Deuteronomio 27:19

“Boloben me sc'oplal ta jyalel te mach'a ya spasbey bila ma stojiluc ta stojol jyanlum, o me'ba ants, o me'ba alaletic”. “Jichuc”, xiic me ta spisil te lume.

Éxodo 22:20

“Te mach'a ya yac'bey milbil smajt'an lotil dios, teme ma ja'uc ya yac'bey stuquel te Cajwaltique, jc'axel me ya yich' chajbanel sc'oplal ta milel.