Levítico 19:32 - Bible in Tzeltal de Oxchuc y Tenejapa

³² “Ya me atejc'an aba soc ich'a ta muc' te mach'a me'el-mamale; jo'on ni me la awich'on ta muc' c'oem a te Dioson awu'une. Jo'on te Ajwalilone.

Bible in Tzeltal Bachajón

³² Ya me atehc'an aba ta stojol te mach'a saquix sjol, ya me awich' ta muc' te me'el mamal; soc ya me axi' te Dios awu'une. Ho'on, Jehovahon.

Levítico 19:32 Referans Kwoze

1 Timoteo 5:1

Ya calbat te ma me uteluc ya acom te mamaletique. Lamaluc me xatac'uy jichuc atat. Soc te jch'iel queremetique jich me xac'opon te bit'il awijts'inabe.

Lamentaciones 5:12

Te jtsobwanejetic cu'untic la yich'ic jojc'anel ta sc'abic; te mamaletic ma ba ich'otic ta muc'.

Proverbios 16:31

Teme saquix sjol, ja' slequil corona, te ac'botix yu'un te bit'il lec yo'tan soc lec yat'el.

Proverbios 20:29

Te bila toyol nax q'uinal ya yaiyic yu'un te jch'ieletique, ja' te yipique; te yutsilalic te mamaletic, ja' te saquix sjolique.

Job 32:6

jich jajch' ta c'op te Eliú. La yal te Eliú: —Melel queremon te jo'one, mamalex te ja'exe, ja' yu'un ma ba ju' la caiy te la cal te bila jnopoje.

Job 32:4

Te Eliú, melel ja' mero querem to ta stojolic ta spisil te yantic, la smaliy te laj yo'tanic ta c'op soc Job te yantique.

1 Pedro 2:17

Ich'aic ta muc' spisil yantic. C'ux me x'awaiy ta awo'tanic te awermanotaque. Xi'aic me te Diose. Ich'aic ta muc' te ajwalile.

Romanos 13:7

Tojbeya spisil te mach'a ay abet yu'une: Teme ja' te patan taq'uine, ac'a me. Teme ja' te spatanul biluque, ac'a me. Te mach'a ay ta ich'el ta muq'ue, ich'a me ta muc'; te mach'a ay ta xi'ele, xi'a me.

Isaías 3:5

Ja' me ta scajic te jich ya xc'ot te lume: Ya xjajch'ic ta guerra, manchuc me mero sjoy sbaic. Te ach'ix-queremetic ya me sjajch'ic ta yilbeyel yo'tanic te me'el-mamaletique; te mach'atic peq'uelic ja' me ya yilbeyic yo'tanic te mach'atic muc' sc'oplalique.

Levítico 19:14

“Ma me xawixta'c'optay te mach'a macal xchiquine. “Ma me ayuc bila ya awac'bey ta sbe yu'un ya sc'ojch'in yacan a te ma'site. Ac'a me ta ilel te awich'ojon ta muc' jo'on te Dioson awu'une. Jo'on Ajwalilon.

1 Reyes 2:19

Jich te Betsabé ba sc'opon te muc' ajwalil Salomón ta swenta te Adonías. Te muc' ajwalil la stejc'an sba, la yic' ta stojol, soc la stinan sba swenta yich'el ta muc' te sme'e. Patil cha'sujt' xan bael ta naclej ta smuc'ul nactijib. La yal mandal ta ich'el tel muc'ul silla yu'un snactijib te sme'e. Jich la yac' sba ta naclej ta swa'el te muc' ajwalile.

Génesis 31:35

Te Raquel jich la yalbey te state: —Jtat, ma me x'ilinat yu'un te bit'il ma xjajch'one, yu'un yacon ta yilel jchamel —la yut. Jich te Labán la sle te yajcanane, pero ma ba la sta.

2 Reyes 17:36

Jo'on me xach'uunonic te jo'on Ajwalilon te Dioson awu'unique, te la quiq'uex loq'uel tel ta Egipto ta smuc'ul yutsilal cu'el. Jo'on nax me ya ach'uunonic, soc ya me aquejan abaic ta jtojol, soc ya me awac'bonic milbil jmajt'an.

Proverbios 23:22

Aiybeya awaiy sc'op te atat te la snich'antayate; ma me x'awilay te ame' te c'alal me'elix a.

Génesis 48:12

Te José la sjits loq'uel te snich'nab ta bay sjol yacan te state. La stinan sba coel c'alal ta lum ta stojol te state.