Levítico 19:31 - Bible in Tzeltal de Oxchuc y Tenejapa

³¹ “Ma me xbaex ta stojolic te mach'atic ya sc'oponic ch'ulelale, soc ma me xbaex ta stojolic te mach'a ay bila ya sna' syoljoltayele. Ma me ayuc bila ya ajojc'obeyic, melel ma lecuc ya xc'oex yu'un. Jo'on Ajwalilon Dioson awu'unic.

Bible in Tzeltal Bachajón

³¹ Ma me xbahex ta stojol te mach'atic ya sc'oponic ch'uhlelal, o ta stojol te jna'ojeletique; ma me ayuc bin yac ajoc'obeyic, como ya me xbohlob ac'oblalic yu'un. Ho'on, Jehovahon, te Dioson awu'unique.

Levítico 19:31 Referans Kwoze

Isaías 8:19

Te ants-winiquetic ma ba wocol ya yalbeyex te ja'exe: —Jojc'obeya awaiyic te xch'ulel animaetic, soc te mach'atic ay bila ya sna'ic syoljoltayel te sajlajanic ya xc'opojique. Jojc'obeyic te diosetic yu'unic te lume. Puersa me ya sc'anbeyic tojtesel yu'un animaetic te mach'atic cuxajtique,

Levítico 20:27

“Teme ay winic, o ants, te ya xc'opoj ta swenta xch'ulel te mach'atic lajemique, o te ya yac' sbaic ta yoljoltayel, ya me yich'ic milel ta ch'ojel ta ton, soc ja' ni me ta swenta smulic te ya xlajique.” Jich me ya xc'o awal ta stojolic —xi' te Cajwaltique.

2 Crónicas 33:6

Ay la xchic' te snich'nab ta swenta majt'anil ta stenlej xatal q'uinal Ben-hinom. La yich' ta muc' te pucujetique, soc bajt' ta stojol te mach'a ya sna'ic syoljoltayel. Spisil ora la sc'opon te ch'ulelaletic, soc la spasulay jpic-c'abal. Mero ma ba lec ta sit Cajwaltic te yat'ele, jich la yac' ilinuc yo'tan Cajwal ta stojol.

1 Crónicas 10:13

Awaiy bit'il laj te Saúl ta scaj te smule. Ja' la sta smul a te ma la xch'uunbey smandal te Cajwaltique, soc ma ja'uc la sjojc'obey Dios te bila ya sc'an ya sna'e, ja' ba sjojc'obey jtul ants te ay bila ya sna' syoljoltayele. Ja' swentail ta yo'tan Cajwaltic te la yac' ta lajele. Te yat'el ta muc' ajwalil, ja' la yac'bey te David te snich'an Isaí.

2 Reyes 21:6

Soc la yac' ta chiq'uel te snich'nab swenta smajt'an te bila scuyoj ta Diose. La yich' ta muc' te pucujetique, soc bajt' ta stojol te mach'atic ay bila ya sna'ic syoljoltayel. Spisil ora la sc'opon te ch'ulelaletic, soc la spasulay pic-c'abal. Mero ma ba lec ta sit Cajwaltic te yat'ele, jich la yac' ilinuc yo'tan Cajwaltic ta stojol.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

1 Samuel 28:3

Te Samuel lajix a. Spisilic la yoq'uetayic ta Israel te c'alal laje, patil la smuquic ta Ramá ta slumal te banti ayine. Te Saúl ayix c'aal te la snuts loq'uel ta sq'uinal Israel te mach'atic ay bila ya sna'ic syoljoltayel soc te mach'atic ya sc'oponic ch'ulelaletic.

Isaías 47:13

Mero ma x'ajtabaj te mach'atic jtojteswanej awu'une, asta lubenatix yu'un. Ac'a taluquic te j'il-eq'uetic awu'une, te mach'atic ay bi ya xtal ta yo'tan ta yilel te eq'uetique, te mach'atic ya yalbey sc'oplal te bi ya xc'ot ta pasel ta jujun u, ac'a me yalic te ya scoltayate.

Isaías 29:4

Peq'uel me ya xc'oat, limil me ya xjilat ta lum; te ac'ope, jteb xan meix ya xchicnaj yu'un te tane, te ac'ope jteb xan meix te ya xchicnaj loq'uel ta lumq'uinal.

Éxodo 22:18

“Ma me xawac' xcuxin jtuluc ants te ya sna' yaq'uel chamel.

Gálatas 5:20

xch'uunel loc'omba, j'ac'chameletic, jcontroinwanejetic, jach-c'opetic, jpaichaletic, j'ilimbaetic, jtsactombaetic, jxatombaetic, jinwanejetic,

2 Reyes 17:17

Soc la xchiq'uic te squerem-nich'anic soc te yantsil-nich'anique, soc bajt'ic ta stojol te mach'atic ay bila ya sna'ic syoljoltayele. Mero jun yo'tanic la yac' sbaic ta spasel te bitic amen ta sit te Cajwaltique, jich la sjachbeyic yilimba.

Hechos 8:11

Jich yich'ojic ta muc', melel ayix bayal ja'wil te lo'laybilic yu'un ta swenta mágia te ya spase.

Levítico 19:26

“Ma me xati'ic te bila ay to xch'ich'ele. “Ma me xacuy aba te ay bila ya ana' syoljoltayel, ma me xacuy aba te ya xju' awu'un sna'el te bila ya to xc'ot ta pasele.

2 Reyes 23:24

Te Josías jc'axel la sten loq'uel te jpic-c'abaletic, soc te mach'atic ay bila ya sna'ic syoljoltayel. Soc la slajinbey sc'oplal te loc'ombaetic yu'unic ta snaic, soc te yantic loc'ombaetic, soc nix ta spisil te yantic yich'jibal ta muc' te ilaybil nax sbaic, te chicanic ta ilel ta Judá soc ta Jerusalén. Jich la spas, swenta yu'un jich ya xc'ot ta pasel a te bit'il yaloj te mandaliletic ts'ibubil tey ta libro la sta te sacerdote Hilcías ta templo yu'un te Cajwaltique.

Levítico 19:3

“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.