Levítico 19:30 - Bible in Tzeltal de Oxchuc y Tenejapa

³⁰ “Ich'bonic ta muc' te sc'aalelal cux-o'tanil cu'une. Bayaluc me sc'oplal ta awo'tanic te ch'ul awilal cu'une. Jo'on Ajwalilon.

Bible in Tzeltal Bachajón

³⁰ Canantayahic te sc'ahc'alel cux-o'tan cu'une, soc bayeluc me sc'oblal ta awo'tanic te ch'ul templo cu'une. Ho'on, Jehovahon.

Levítico 19:30 Referans Kwoze

Levítico 26:2

Ich'bonic me ta muc' te sc'aalelal cux-o'tan cu'une. Ayuc me sc'oplal ta awo'tanic te ch'ul awilal cu'une. Jo'on te Ajwalilone.

Eclesiastés 5:1

Te c'alal ya xbaat ta templo yu'un te Diose, buen tsajtaybil me x'ainat tey a. Ma me ja'uc nax xbajt' awo'tan yaq'uel milbil majt'anil, jich te bit'il ya spasic te ants-winiquetic te ma sna'ic q'uinale, te ma ba ya sna'ic te amen te bi ya spasique. Te ja'ate, noptsajan xan me bael ta sts'eel te Diose, junuc me awo'tan xach'uunbey spisil smandal.

Levítico 19:3

“Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

San Mateo 21:13

Jich la yalbey: —Jich ts'ibubil jilel ta Sjun te Diose: “Te jnae snail sc'oponel Dios sbiil”, te xie. Ja'uc me to, te ja'exe la ac'atp'uniquix ta xch'en j'eleq'uetic —la yut.

Salmos 89:7

Mero muc' Diosat, ayat ta xi'el; joytaybilat yu'un spisil bitic cuxajtic ta ch'ulchan.

Levítico 16:2

Jich la yalbey te Moisese: —Albeya te abanquil Aarón, te ma me biluc nax ora ya x'och bael ta yutil ch'ul awilal ta spat te pac' t'imile, soc ma me xnoptsaj bael ta banti te yawil perdón te ay ta sba te caja, swenta yu'un jich ma xlaj a. Melel ya me xchicnajon ta ilel ta sba tocal.

Éxodo 20:8

“Na'a me te bi c'aalil yu'un cux-o'tan, te ja' swenta ch'ultesel ta jtojol te Ajwalilone.

1 Pedro 4:17

Yu'un yorailix te ich'el ta c'ope. Ja' neel ya x'ilbot yat'elic te alnich'anetic yu'un te Diose. Teme ja' neel ya quich'tic ich'el ta c'op te jo'otique, ¿bit'il ya xc'ot ta loq'uel stuquel te mach'atic ma sc'an xch'uunic te lec yach'il c'op yu'un te Diose?

2 Crónicas 36:14

Jich nix la spas spisilic te jtsobwanejetic yu'un Judá, te sacerdoteetic soc te lume, la stoyesic ta jyalel te mulile, jc'axel ma ba jun yo'tanic ta stojol te Cajwaltique. Ja' la spasic te bila c'ax ilaybile, jich te bit'il ya spasic te nacionetic te ma'yuquic ta stojol te Diose. La sboltesbeyic sc'oplal te templo yu'un Cajwaltic te stsaoj stuquel, te ja' xch'ul yawil ya xc'ot ta Jerusalén.

2 Crónicas 33:7

La yac' ta templo yu'un Dios te yajcanan te la spase, ja' te templo la yalbey sc'oplal Dios ta stojol David soc te snich'an Salomón: “Te templo ta Jerusalén, ja' tsabil cu'un yu'un spisil ta jchajp sts'umbal Israel, ja' me tey ya cac' xnain a te jbiil sbajt'el q'uinale.

Levítico 15:31

Jich me ya awaq'uic lecubuc sc'oplal yu'un a te sbaq'uetalic te israeletique, swenta yu'un jich ma ba ya sboltesbonic sc'oplal te awilal ta banti nainemon ta yolilique, soc jich ma ba ya xlajic yu'un a.” Jich me ya xc'o awalic ta stojolic —xi' te Cajwaltique.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.