Levítico 19:3 - Bible in Tzeltal de Oxchuc y Tenejapa

³ “Ta juju-jtulex ich'aic ta muc' te atatic, soc ich'aic ta muc' te ame'ique. “Ya me awich'bonic ta muc' te sc'aalelal cux-o'tan. Jo'on Ajwalilon, Dioson awu'unic.

Bible in Tzeltal Bachajón

³ Jujutuhl ac'a yich' ta muc' sme'stat. Ya me acanantayic te sc'ahc'alel cux-o'tan cu'une. Ho'on, Jehovahon, te Dioson awu'unique.

Levítico 19:3 Referans Kwoze

Éxodo 20:12

“Ich'a ta muc' te ame'-atate, swenta yu'un ya me xnajt'aj acuxlejal ta aq'uinal te ya cac'bat te Ajwalilon te Dioson awu'une.

Éxodo 20:8

“Na'a me te bi c'aalil yu'un cux-o'tan, te ja' swenta ch'ultesel ta jtojol te Ajwalilone.

Hebreos 12:9

Te c'alal alalotic toe, la yac'botic tojobtesel te jtatic te ayotic ta balumilal soque, soc la quich'tic ta muc'. ¿Ja'uc to bal a te Jtatic te ay ta ch'ulchane? C'ax jich ya sc'an ya quich'tic ta muc' stuquel, swenta yu'un jich me ya xcuxinotic sbajt'el q'uinal.

Proverbios 30:17

Te mach'a ya yilay stat soc te ya slaban sme' te me'elixe, ja' lec te yacuc xloq'uesbot sit yu'un joj, soc te ja'uc ya xti'bot sbaq'uetal yu'un te xuleme.

Levítico 11:44

melel jo'on te Ajwalilon soc te Dioson awu'unique. Te ja'exe ya me sc'an te mero ya alecubtes ac'oplalic, soc te ch'ultesbil ya x'ainexe, melel ch'ul Dioson te jo'one, ma me xawac' te ma lecuc ac'oplal ya xc'oat ta swenta te chambalametic ya stas sbaic ta beel ta lumq'uinale.

Isaías 58:13

“Ich'a ta muc' te c'aal yu'un cux-o'tanil; ma me xawat'elin te bitic ya sc'an awo'tan a te ch'ul c'aal cu'une. Jichuc me ya xc'ot ta awo'tan te ja' jun c'aal swenta sbujts'-o'tanile; ja' te ch'ul c'aal yu'un Cajwaltic te ya sc'an te ya x'ich'ot ta muq'ue. Ich'a ta muc', ma xawat'elin xchajbanel aiyejetic awu'un a, ni ma me xbajt' ta awo'tan yu'un te bitic ya sc'an awo'tan spasele.

Proverbios 30:11

Ay mach'atic ya sbolc'optay static, soc ma xyalbeyic lec sc'oplal te sme'ique.

Proverbios 23:22

Aiybeya awaiy sc'op te atat te la snich'antayate; ma me x'awilay te ame' te c'alal me'elix a.

Deuteronomio 27:16

“Boloben me sc'oplal ta jyalel te mach'a ma xyich' ta muc' te sme'e o te state”. “Jichuc”, xiic me ta spisil te lume.

Éxodo 21:17

“Teme ay mach'a ya sbolc'optay stat, o ja' te sme', ya me xchajbanbot sc'oplal ta lajel.

Éxodo 21:15

“Teme ay mach'a ya yejch'entes stat, o ja' te sme'e, ya me xchajbanbot sc'oplal ta lajel.

Éxodo 16:29

Ac'a c'otuc ta awo'tanic te jo'on Ajwalilon awu'unic te la cac'beyex jun c'aal yu'un cux-o'tan. Ja' swentail ta swaquebal c'aal ya cac'beyex we'elil ta swenta cheb c'aal. Jich yu'un ta sjuquebal c'aal ya me x'ainex ta anaic, ma me xloq'uex a —xi' te Diose.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

Ezequiel 20:12

Ja' nix jich la cac'bey sna'ic te sc'aalelal cux-o'tan cu'une. Ja' seña te trato cu'un te la jchap ta stojolique, soc swenta sna'jibal te bit'il jo'on te yajwalonic te la jch'ultes, yu'un jo'on cu'une.

Levítico 26:2

Ich'bonic me ta muc' te sc'aalelal cux-o'tan cu'une. Ayuc me sc'oplal ta awo'tanic te ch'ul awilal cu'une. Jo'on te Ajwalilone.

Proverbios 1:8

Jnich'an, aiybon me awaiy te p'ijubtesel cu'un te atatone, soc ma me xach'aybey te tojtesel yu'un te ame'e.

Levítico 19:30

“Ich'bonic ta muc' te sc'aalelal cux-o'tanil cu'une. Bayaluc me sc'oplal ta awo'tanic te ch'ul awilal cu'une. Jo'on Ajwalilon.

Levítico 23:3

“Waqueb nax me c'aal ya x'at'ejat, te sjuquebal c'aal ma me ayuc bila at'elil ya apas a. Melel ja' te c'aal mero tsabil yu'un sc'aalelal cux-o'tan, soc ay me ch'ul tsoblej awu'unic a. Ta bayuc ayex, ja' me c'aal yu'un cux-o'tan ta swenta quich'jibal ta muc' jo'on te Ajwalilone.

Deuteronomio 5:16

“Ich'a ta muc' te ame'-atate, jich me xach'uun spasel te bit'il la yalbat apas te Awajwal te Dios awu'une, swenta yu'un najt' me ya xcuxinat, soc jich me buen lec awo'tan ya x'ainat tey ta aq'uinal te ya yac'bat te Awajwal te Dios awu'une.

Génesis 48:12

Te José la sjits loq'uel te snich'nab ta bay sjol yacan te state. La stinan sba coel c'alal ta lum ta stojol te state.

Levítico 19:25

Ta yo'ebal ja'wil ya me xju' ya alo'beyiquix sit a. Jich me bayal sit ya yac'beyex a te te'e. Jo'on Ajwalilon, Dioson awu'unic.

Levítico 19:31

“Ma me xbaex ta stojolic te mach'atic ya sc'oponic ch'ulelale, soc ma me xbaex ta stojolic te mach'a ay bila ya sna' syoljoltayele. Ma me ayuc bila ya ajojc'obeyic, melel ma lecuc ya xc'oex yu'un. Jo'on Ajwalilon Dioson awu'unic.

Levítico 19:34

Jichuc me ta awo'tanic te bit'il ja'exe, c'ux me x'awaiy ta awo'tanic, melel ja' nix jich jyanlum ayex ta Egipto. Jo'on Ajwalilon, Dioson awu'unic.

Nehemías 9:14

La awac'bey snopic te ya scanantaybat te ch'ul c'aal yu'un cux-o'tane. La apas ta mandal, soc la awac'bey mero melel nopjibaletic, mandaliletic soc p'ijubtesel ta swenta te awabat Moisés.