Levítico 19:28 - Bible in Tzeltal de Oxchuc y Tenejapa

²⁸ “Ma me xawejch'entes abaq'uetalic ta scaj te mach'a ya xlaje. Ma me bila xaloc'tayic ta snujc'ulel abaq'uetalic. Jo'on Ajwalilon.

Bible in Tzeltal Bachajón

²⁸ Ma me xawehchentes abaq'uetalic ta scaj te ay mach'a cham; soc ma me xapas loc'ombahetic ta anuhculelic. Ho'on, Jehovahon.

Levítico 19:28 Referans Kwoze

Deuteronomio 14:1

“Te ja'exe, te yal-snich'nabex te Cajwaltic te Dios cu'untique, ma me xawejch'entes abaq'uetalic, soc ma me xajox stsotsil ajolic ta ati'baic ta stojol teme ay mach'a ya xlaje.

1 Reyes 18:28

La yaq'uic xan puersa ta aw, soc jajch' yejch'entes sbaq'uetalic ta cuchilloetic, jich nix te bit'il scostumbreic, ja' to te la yatin xch'ich'elic ta scojt'olic.

Levítico 21:5

“Ma me xju' ya st'axan sjolic, ma me xjox yisimic, soc ma me xyejch'entes sbaq'uetalic,

Jeremías 16:6

Muc'-biq'uitetic ya me xlajic li' ta bay lum to; ma'yuc mach'a ya spasbey smuquenal, ni ma'yuc mach'a ya yoq'uetay, ni ma'yuc mach'a ya yac' ta ilel xc'uxul mel-o'tan ta swentaic te ya yejch'entes sbaic ta sbaq'uetalique, o te ya sjox loq'uel stsotsil sjolic yu'une.

Levítico 21:1

Te Cajwaltic jich la yalbey te Moisés: —Albeya te sacerdoteetic te patil alnich'anetic yu'un Aarón, te ma me xyac' te ma ba lec sc'oplal ya xc'otic ta scaj spiquel te anima spat-xujq'ue.

San Marcos 5:5

Bayuc nax been ta c'aal ajc'ubal. Ya x'awun ta ba witstiquil soc ta muquenaletic soc ya yejch'entes sba ta ton.

Jeremías 48:37

Spisil loq'uesbil stsotsil sjolic soc yisimic; spisilic la yejch'entes sc'abic soc slapojic ch'ixal paq'uetic.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

Apocalipsis 16:2

Te sbabial ch'ul abate ba smal ta lumq'uinal te copa yich'oje. Chicnaj c'a'el-chamel te bayal stuile, c'ot ta swentaic te ants-winiquetic te yich'ojbeyic smarca te muc'ul chambalam te xi'bantic sbae soc te la slajin sbaic ta stojol te sloc'ombae.

Apocalipsis 15:2

Soc ay bi yan la quil te pamal jich bit'il mar te xlemet nax jich bit'il espejo te ay sc'aal yac ta tilel ta spamlejale. La quil tec'ajtic ta bay mar yilel spisil mach'atic te ju' yu'unic te ma ba la yich'ic ta muc' te muc'ul chambalam te xi'bantic sbae soc te sloc'ombae soc snumeroil te sbiile. Yich'ojic ta sc'abic yarpaic te ac'botic yu'un te Diose.

Apocalipsis 14:11

Te xch'ailel te swocolique, xtomomet nax ya xmo sbajt'el q'uinal. C'aal ajc'ubal ma'yuc banti ya yich'ic lewa yu'un castigo spisil mach'atic te ya slajin sbaic ta stojol te muc'ul chambalam te xi'bantic sba soc ta stojol te sloc'ombae soc te yich'ojbeyic smarca ta stibaique o ta sc'abique”, xi' ta aw la caiy.

Apocalipsis 14:9

Tsac'linot yu'un yan ch'ul abat te ja' yoxebalix a. Jich la yal ta aw: “Te mach'atic ya slajin sbaic ta stojol te muc'ul chambalam te xi'bantic sbae soc ta stojol te sloc'ombae soc te ya yich'beyic smarca ta stibaique o ta sc'abique,

San Juan 20:25

Te yantic jnopojeletique, jich caj yalbeyic: —La quiltiquix te Cajwaltique —xiic. La yal te Tomase: —Ja' to ya xch'uun co'tan teme ya quilbey señail ta sc'ab te bay och te lawuxe, soc ja' to teme ya cac' ochel sbic'tal jc'ab tey a, soc ja' to teme ya cac' ochel jc'ab ta banti smoch —xi'.

Levítico 19:27

“Ma me xaset' te stsotsil ajolic ta sti'il achiquinic, soc ma me xaset' te awisimique.

Levítico 19:29

“Ma me xawac' ta boltesel te awantsil-nich'ane, ma me xawac' c'atp'ujuc ta antsinel. Ma me ilaybiluc sba ya xc'ot awu'un te lume, ma me xanojes a te bitic ma lecuque.

Levítico 21:11

Soc xan ma me xju' ya x'och ta banti ay anima; ma me xyac' te ma lecuc sc'oplal ya xc'ot, manchuc me ja' sbaq'uetal te anima stat o sme'.