Levítico 19:26 - Bible in Tzeltal de Oxchuc y Tenejapa

²⁶ “Ma me xati'ic te bila ay to xch'ich'ele. “Ma me xacuy aba te ay bila ya ana' syoljoltayel, ma me xacuy aba te ya xju' awu'un sna'el te bila ya to xc'ot ta pasele.

Bible in Tzeltal Bachajón

²⁶ Ma me xawe'ic ti'bal te ay to sch'ich'ele. Ma me x'ochex ta sc'asesel chopol señahetic, soc ma me x'ochex ta jna'ojel.

Levítico 19:26 Referans Kwoze

2 Reyes 17:17

Soc la xchiq'uic te squerem-nich'anic soc te yantsil-nich'anique, soc bajt'ic ta stojol te mach'atic ay bila ya sna'ic syoljoltayele. Mero jun yo'tanic la yac' sbaic ta spasel te bitic amen ta sit te Cajwaltique, jich la sjachbeyic yilimba.

2 Crónicas 33:6

Ay la xchic' te snich'nab ta swenta majt'anil ta stenlej xatal q'uinal Ben-hinom. La yich' ta muc' te pucujetique, soc bajt' ta stojol te mach'a ya sna'ic syoljoltayel. Spisil ora la sc'opon te ch'ulelaletic, soc la spasulay jpic-c'abal. Mero ma ba lec ta sit Cajwaltic te yat'ele, jich la yac' ilinuc yo'tan Cajwal ta stojol.

2 Reyes 21:6

Soc la yac' ta chiq'uel te snich'nab swenta smajt'an te bila scuyoj ta Diose. La yich' ta muc' te pucujetique, soc bajt' ta stojol te mach'atic ay bila ya sna'ic syoljoltayel. Spisil ora la sc'opon te ch'ulelaletic, soc la spasulay pic-c'abal. Mero ma ba lec ta sit Cajwaltic te yat'ele, jich la yac' ilinuc yo'tan Cajwaltic ta stojol.

Deuteronomio 12:23

Ma me xju' ya alo'beyic stuquel te xch'ich'ele, melel ja' xcuxlejal. Ja' yu'un ma ba lec teme ya alo'bey xch'ich'el, ja' nax me te sbaq'uetale.

Levítico 7:26

“Ta bayuc ya xnainex, jc'axel ma xju' ya alo'beyic xch'ich'el mutetic soc yantic chambalametic.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

Jeremías 10:2

Jich ya yal: —Ma xanopbeyic yat'el te yantic nacionetic, ma me xiwex yu'un te señailetic ta ch'ulchan, jich bit'il ya spasic te yantic nacionetique.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Daniel 2:10

La sjaq'uic te mach'atic bayal bila sna'ojique, jich la yalic: —Ma'yuc mach'a ay ta balumilal te ya xju' ya yac'bat sujt'ib te bila ya ajojc'oe, muc' ajwalil cu'untic. Soc ma'yuc ni jtuluc muc' ajwalil te ya sc'an te bi ya ac'ane, ma'yuc, manchuc me mero muc' o mero bayal yip.

1 Samuel 15:23

Te mach'a ya sta smul ta stojol Cajwaltic ta scaj stoybail, ja' pajal soc te mach'a ya sta smul ta scaj ay bi ya xju' yu'un sna'el ta sc'ope. Ja' pajal soc te mach'a ya xch'uun loc'ombaetic te mach'a ya xc'axintaybey te smandale. Te ja'ate la ach'aybey smandal te Cajwaltic, ja' yu'un ja' nix jich ch'aybil ya xc'oat soc awat'el ta muc' ajwalil —xi'.

Éxodo 8:7

Te p'ijil winiquetic te ay bila ya xju' yu'unic spasele, jich la spasic uuc. Ay ju' yu'unic sloq'uesel tel ta ja' ta sba lumq'uinal yu'un Egipto te xch'uch'etic.

Éxodo 7:11

Te faraón la yic' tel te p'ijil winiquetic yu'un te ay bitic ya xju' yu'unic spasele, jich la spasic uuc.

Hechos 15:20

Ja' nax ac'a jts'ibubeytic sjunic te ya calbeytic te ma me swe'elinic te we'elil te ma lecuc sc'oplal te ac'bil ta jmajt'anil ta stojol te loc'ombaetique, soc te ma me xyalic ta mulil, soc te ma sti'beyic sti'balul ta bay ts'otbil nax snuc' te yich'oj milele, soc te ma stuuntesic te ch'ich'e.

Génesis 9:4

Ja'uc me to, ay bi ma xju' ya awe'elinic, ja' te ti'bal te yich'oj to te xch'ich'ele, ma me xati'. Melel ja' xcuxlejal.

Génesis 44:5

Te cajwale, spisil ora ja' ya stuuntes te svasoe, yu'un ay bila ya sta ta na'el a. Mero ma lecuc te bila la apasbeyic te cajwale”, uta me —la yut bael te yabate.

Levítico 19:25

Ta yo'ebal ja'wil ya me xju' ya alo'beyiquix sit a. Jich me bayal sit ya yac'beyex a te te'e. Jo'on Ajwalilon, Dioson awu'unic.

Deuteronomio 12:16

Ma me xju' ya alo'beyic te xch'ich'ele, mala ta lum jichuc ja' stuquel.

Deuteronomio 15:23

Ma me xju' ya alo'beyic te xch'ich'ele, malbeyaic ta lumq'uinal jichuc ja' stuquel.

1 Samuel 14:32

Ja' yu'un jajch' stsaquic te bitic spojbeyejic te scontroique. La stsaquic chijetic, wacaxetic, bic'tal wacaxetic, la sbojbeyic snuc' ta ora, och sti'ic ti'bal soc xch'ich'el, spisil laj stuuntesic.

1 Samuel 14:33

Pero ay mach'atic ba yalbey te Saúl: —Te winiquetic yac stabel smulic ta stojol Cajwaltic, melel yacalic ta sti'el ti'bal soc xch'ich'el —xiic c'oel. Te Saúl jich la yal: —La ataiquix amulic ta apisilic ta stojol te Diose. Tselbonic tel jun muc'ul ton.