Levítico 19:19 - Bible in Tzeltal de Oxchuc y Tenejapa

¹⁹ “Ac'a me c'otuc ta pasel awu'un te mandaliletic cu'une. “Te chambalametic awu'un ma me xawac'bey scuch sba soc yan chambalametic te ma junuc sts'umbal soque. “Ma me capaluc yawalel ya awaw te bila ya ats'un ta aq'uinale. “Ma me xalap c'u'il te capal ta pasel te bila yich'oj pasel a.

Bible in Tzeltal Bachajón

¹⁹ Ya me apas te bintic chapal cu'une. Te chambahlametic awu'un ma xawa'be scuch sba soc yantic chambahlametic te yan sts'umbale. Ma xacap soc yan awalil te awawal ta aq'uinal. Ma xalap c'u'ul te capal snahul jalbil a.

Levítico 19:19 Referans Kwoze

2 Samuel 13:29

Ja' yu'un jich c'ot ta pasel te smandal te Absalón. Te abatetic yu'un la smilic te Amnón. Ja' yu'un spisil te snich'nab te muc' ajwalil, mo ta smulaic soc bajt'ic ta anel.

2 Samuel 18:9

Te Absalón moem ta smacho. Ora nax la snujp'usitay sba soc swinictac David. Te smacho och bael ta ye'tal muc'ul jijte'. Te Absalón cats'al jilel sjol ta c'ab te'etic ta toyol, bajt' stuquel te smachoe.

Esdras 2:66

Soc ay waclajuneb sjuclajunwinic xcha'bajc' (736) caballoetic, soc ay jo'eb yoxlajunwinic (245) mulaetic,

1 Reyes 1:33

jich albotic yu'un: —Ic'a ajoinic ta spisil te jo'tac ta at'el ta ajwalil, mojt'esaic ta jmula te jnich'an Salomón, ic'aic bael ta Gihón.

Romanos 11:6

Teme ta swenta yutsil yo'tan te Diose, jich ma ja'uquix ta swenta te yutsil yat'elique. Te ja'uc ta swenta yat'elic, jich ma ja'uquix ta swenta te yutsil yo'tan te Diose.

Génesis 36:24

Te snich'nab Zibeón: Aja soc Aná sbiilic. Te Aná ja' me te la sta sloq'uibja'etic ta jochol taquin q'uinal te c'alal yac scanantayel burroetic yu'un te state, ja' te Zibeone.

Levítico 18:4

“C'otuc me ta pasel awu'unic te bitic chapal cu'un, soc te mandaliletic cu'une; jich me x'ainex te bit'il ya yalbeyex te mandaliletique. Jo'on Ajwalilon, Dioson awu'unic.

Levítico 19:37

“Ja' yu'un c'otuc me ta pasel awu'unic te mandaliletic cu'un soc te bila chapale, ja' me xat'unic ta pasel. Jo'on Ajwalilon.” Jich me ya xc'o awal ta stojolic —xi' te Cajwaltique.

Levítico 20:8

Pasaic me te mandaliletic cu'une, t'unaic ta pasel. Jo'on Ajwalilon te ya jch'ultesexe.

Levítico 22:31

“Ac'aic c'otuc ta pasel te mandaliletic cu'un, ch'uunaic me spasel. Jo'on Ajwalilon.

Levítico 25:18

Ch'uunaic spasel te mandaliletic cu'un, jich me xapasic te bit'il chapal cu'une. O'tantayaic me spasel, jich me bin nax awo'tanic ya x'ainex ta lumq'uinal;

Deuteronomio 4:1

“Yo'tic, israeletic, aiya me awaiyic te mandaliletic soc te bitic chapal te la cac'beyex anopique, ja' me xapasic bael spisil ora, swenta yu'un jich me ya xnainex soc ya awich'ic a te lumq'uinal te ya yac'beyex te Cajwaltic te Dios yu'un te antiguo jme'-jtatique.

Deuteronomio 4:5

Te jo'one la cac'beyexix anopic te mandaliletic soc te bitic chapal, te la yalbon cac'beyex anopic te Cajwal te Dios cu'une, yu'un me ya apasic bael tey ta lumq'uinal te banti ya xc'o awu'uninique.

San Lucas 5:36

Soc jajch' yalbey seña-c'op: —Ma'yuc mach'a ya set' loq'uel xejt'uc ach' c'u'ul te ya spac'antay te pocol c'u'ule. Teme jich ya spase ya yac' ch'ayuc te ach' c'u'ule. Ja' nanix jich te xejt'elul ach' paq'ue, ma snujp'in sba soc te pocol c'u'ule.