Levítico 19:17 - Bible in Tzeltal de Oxchuc y Tenejapa

¹⁷ “Ma me xcupetuc slab awo'tan ta stojol awermano. “Tojtesa me te alumal teme tojtesel ya sc'ane, ma me xamulinbey smul, ma me xapaj awo'tan soc.

Bible in Tzeltal Bachajón

¹⁷ Ma xawil-o'tantay te awermano. Ya me atsits apat-axuhc scuenta yu'un ma pajaluc yac ata amul soc.

Levítico 19:17 Referans Kwoze

1 Juan 2:9

Te mach'a ya yal te ayix ta bay te saquil q'uinale, teme yilintayej te yermanoe, yu'un nanix ay to ta ijc' q'uinal abi.

San Lucas 17:3

Tsajtaya me abaic te ja'exe. “Teme ay awermano te la sta smul ta atojole, baan, c'opona ta sbelal. Teme la sujt'es yo'tane, pasbeya me perdón yu'un.

1 Juan 2:11

Yan te mach'a yilintayej te yermanoe, yu'un nanix ainem ta ijc' q'uinal, tey yac ta beel a. Jich ma sna' te banti ya xbajt'e, melel ma'sit c'oem yu'un te ijc' q'uinale.

Gálatas 6:1

Quermanotac, teme ay mach'a la awilic te la staix smule, te ja'ex te wentainbil awo'tanic yu'un te Espiritue, lamaluc me awo'tan ya acoltay ta sujt'esel yo'tan ta stojol Dios. Soc tsajtaya me aba uuc, ma me ja'uc te ya xlajat ta sujel ta mulil uuc te ja'ate.

Efesios 5:11

Ma me xajoin abaic soc ta spasel te bila ma'yuc swentail ya spasic te mach'atic ayic ta ijc' q'uinale. Alaic ta jamal te bit'il amen te bila ya spasique.

Romanos 1:32

Te mach'atic jich yat'elique, sna'ojic stojol ta lec te bit'il ay ich'el ta c'op yu'un te mulile. Soc sna'ojic stojol teme ya spasic in mulil to, ja' ya stojic ta lajel yu'un. Ja'uc me to, jich yacalic ta spasel spisil ora, soc bin nax yo'tanic yu'un te jich nix yacalic spasel uuc te yantique.

Proverbios 9:8

Tac'uya te mach'a ma stsajtay sbae, ja' me atojol ya xc'ot yu'un te ya yilintayate; tojtesa te mach'a ay sp'ijile, ja' me atojol ya xc'ot yu'un stuquel te c'uxat ta yo'tane.

Tito 2:15

Ja' me ya awac' ta nopel spisil in to. Aiya me tac'uywanej soc comaw te bit'il tulan awat'el awich'oje. Ma me ayuc mach'a ya sp'ajat ta yo'tan.

Tito 1:13

Melel nix a te bila la yal ta testigoe. Jich yu'un, tulan me xacom, swenta yu'un lec me ya xc'otic ta swenta xch'uunjel yo'tanic,

2 Timoteo 4:2

Ja' ya calbat te ya me awat'elin xcholel te sc'op Diose; chican teme yorail a te ya achole, o teme ma yorailuque. Aiya me tojobteswanej, soc comaw; soc lamaluc me awo'tan ta tac'uywanej soc yaq'uel ta nopel te bila ay ta ch'uunele.

1 Timoteo 5:22

Soc xan, ma me mach'auc nax ya acajanbey ac'ab ta sjol ta ora nax. Soc ma me xacoltay ta c'op yu'un smul te yane. Tsajtaya me aba yu'un jiche. Ma me xawac' staat te bila amene.

1 Timoteo 5:20

Te mach'atic ma sc'an scom sbaic ta sleel te smulique, ya me acom ta comonsitil, swenta yu'un jich me ya xi'ic uuc te yantique.

1 Corintios 5:2

Yan te ja'exe, atoyoj abaic te lec ayex ta ac'opique. ¿Ma bal ja'uc lec te lajuc amel awo'tanic yu'un soc te lajuc yich' loq'uesel ta awolilic te mach'a spasoj te mulile?

Salmos 141:5

Te castigo ya yac'bon te mach'a toj yo'tan, swenta me jc'uxtayel ya xc'ot te tojtesel ta jtojole, pajal soc t'ujbil perfume. Ma'yuc bi ora ya jc'an ich'el ta muc' yu'unic, pero ya me cac' puersa ta sc'oponel te Diose.

Génesis 27:41

Jich yu'un te Esaú la slab-o'tantay te Jacob yu'un te bit'il ja' c'anbot bendición yu'un static stuquel. La yal ta yo'tan: “Teme laj te jtate, ya me jmil te quijts'in Jacob”, xi'.

2 Samuel 13:22

Jich nix te Absalón ma'yuc bi la yalbey te Amnón, manchuc me xcupet slab yo'tan yu'un te la sjinbey sc'oplal te yijts'in Tamar.

Nehemías 13:17

Ja' yu'un jich ora la calbey ta sit te jwolwanejetic ta Judá: —¿Bi yu'un te ya apasic te bila amene, te ya awac' bolobuc sc'oplal te sc'aalelal cux-o'tane?