Levítico 19:15 - Bible in Tzeltal de Oxchuc y Tenejapa

¹⁵ “Stojil me xachajban yu'un smul te mach'a ya atabey smule, ma me ja'uc ya ana'bey yo'bolil sba te mach'a ma'yuc yipe, soc ma me xbic'tajat ta stojol te mach'a bayal yipe. Ja' me xat'un ta pasel te bila stojil te c'alal ya awac'bey castigo yu'un smul te mach'a ya atabey smule.

Bible in Tzeltal Bachajón

¹⁵ Ma xapas te bin ma stojiluc ta chahpanel, ma xana'be yo'bolil sba te mach'a pobre soc ma xacoltay te mach'a muc' sc'oblal; stojil me xachahpan te apat-axuhc.

Levítico 19:15 Referans Kwoze

Deuteronomio 1:17

Te c'alal ya awaiyic chajbanwanej, ma me x'awaiyic tsaojel ta stojolic: pajal xachajbanic te mach'atic me'baetic soc te mach'atic jc'ulejetique, ma me ayuc mach'a x'axi'ic, melel te chajbanwanej ja' yu'un te Diose. Teme ay bila chujc'ul ya ataic ta stojolique, ticunbonic tel ta jtojol, swenta yu'un jo'on me ya jchajban”, xoon ta atojolic.

Proverbios 24:23

Ja' p'ijil c'opetic yu'un te mach'atic ay sp'ijile: Ma ba lec teme ay mach'a ya yich' tenel ta c'op ta stojol juecetic.

Deuteronomio 27:19

“Boloben me sc'oplal ta jyalel te mach'a ya spasbey bila ma stojiluc ta stojol jyanlum, o me'ba ants, o me'ba alaletic”. “Jichuc”, xiic me ta spisil te lume.

Levítico 19:35

“Ma me xlo'lawanex a te bila ya ap'isic ta metro, soc te bila ya aliquic ta kilo, soc te bila ya ap'isic ta litro.

Proverbios 18:5

Te juecetic ma lecuc teme ja' ya xc'uxtayic te mach'a ay smule, soc teme ja' ya xch'aybeyic sderecho te mach'a ma'yuc smule.

Deuteronomio 16:19

Ma me xajowtesic te bila stojil aye, pajal nax me xachajbanic te lume. Ma me x'atsaquic taq'uin ta swenta yuts'inel yantic, melel te stsaquel taq'uin swenta uts'inwaneje ya stup'bey sit te mach'atic p'ijique soc ya yixlanbey te sc'opic te mach'atic toj yo'tanique.

Salmos 82:2

Jich ya yal: “¿Jayeb to ora te ya apasic te lotil chajbanwanej te ja'exe, soc te ja' ya acoltayic ta c'op te mach'atic amen yo'tanique?

Éxodo 18:21

Te ja'ate ya me atsa ta yolilic te alumal, winiquetic te ay sp'ijilic te yich'ojic ta muc' te Diose, te jun yo'tanic, soc te ma taq'uinuc sna'oj ta yo'tanique. Ac'beya yat'elic ta swentainel ta tsojboltsojp ta jmil (1000), ta jo'winic (100), ta lajuneb yoxwinic (50) soc ta lajuntul.

San Juan 7:24

Ma me jowiluc nax ya aleic ta c'op te mach'a bi yilel ya awilique. Tojuc me xawaiy chajbanwanej —xi' te Jesuse.

Hechos 23:3

La yal te Pabloe: —¡Dios ya me smajat uuc ja'at te cha'lam awo'tane! ¿Ja'at bal te nacalat ta chajbanwanej ta swenta te mandalile? Melel contra mandalil te la awac'on ta majele —xi' te Pabloe.

Deuteronomio 10:17

Melel te Cajwaltic te Dios cu'untique ja' toyol yu'un yantic bitic cuybilic ta Dios, soc ja' Ajwalil toyol yu'un yantic ajwaliletic. Ja' Dios stuquel te ma'yuc mach'a wentainbil yu'une. Spisil ya xju' yu'un, ay ta xi'el stuquel. Pajal sc'oplal yu'un spisil te ants-winiquetic, soc ma xchon sba ta swenta majt'aniletic.

Job 13:8

Te ja'ex q'uejel awac'oj abaic soc te Diose. Ya ac'anic te ja'ex ya xc'opojex yu'une,

Job 32:21

Ma'yuc mach'a bayal sc'oplal ta co'tan; pajal me sc'oplal ta co'tan ta spisilic.

Job 34:19

Te Dios ma yanuc sc'oplal yu'un a te mach'atic ochemic ta ajwalil, ma ja'uc toyol sc'oplal yu'un te mach'atic ay sc'ulejalique, soc ma ja'uc peq'uel sc'oplal yu'un te mach'atic ma'yuc sc'ulejalique, melel ja' la spas ta spisilic stuquel.

Proverbios 31:9

C'opojan yu'unic, chajbana ta mero stojil; coltaya te me'baetic, coltaya te mach'atic pec'ajtique.