Levítico 19:14 - Bible in Tzeltal de Oxchuc y Tenejapa

¹⁴ “Ma me xawixta'c'optay te mach'a macal xchiquine. “Ma me ayuc bila ya awac'bey ta sbe yu'un ya sc'ojch'in yacan a te ma'site. Ac'a me ta ilel te awich'ojon ta muc' jo'on te Dioson awu'une. Jo'on Ajwalilon.

Bible in Tzeltal Bachajón

¹⁴ Ma xabohlc'optay te mach'a cohc, soc ma me ayuc bin yac awa'be sc'ohchin ta sbe te ts'o'sit, ya me axi' te Dios awu'une. Ho'on, Jehovahon.

Levítico 19:14 Referans Kwoze

Deuteronomio 27:18

“Boloben me sc'oplal ta jyalel te mach'a ya sjowtes ta be te mach'a ma xyil q'uinale”. “Jichuc”, xiic me ta spisil te lume.

Levítico 19:32

“Ya me atejc'an aba soc ich'a ta muc' te mach'a me'el-mamale; jo'on ni me la awich'on ta muc' c'oem a te Dioson awu'une. Jo'on te Ajwalilone.

1 Pedro 2:17

Ich'aic ta muc' spisil yantic. C'ux me x'awaiy ta awo'tanic te awermanotaque. Xi'aic me te Diose. Ich'aic ta muc' te ajwalile.

Romanos 14:13

Jich yu'un, ma me jech jlebey jba jmultic. Ja' lec ac'a jletic te bila ma xpejc'aj yo'tan yu'un te quermanotique soc te ma xyalesot ta mulil yu'une.

Levítico 25:17

“Ma me ayuc mach'a ya slo'lay yan. Ac'aic me ta ilel te awich'ojonic ta muq'ue, melel jo'on Ajwalilon te Dioson awu'unique.

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

Nehemías 5:15

Pero te yantic ajwaliletic te neel c'axique, mero bayal la yac'beyic swocol te yajwal te lume. Melel ta jujun c'aal la sc'anbeyic cha'winic (40) ta jsejp plata, swenta yu'un ya sman swe'elic a soc yu'un ya sman te bila ya yuch'ic a. Soc ma ja'uc nax, jichic te abatetic yu'unique, ay swocol yu'unic te yajwal lume. Pero te jo'one, ma jichuc la jpas, melel ay ta co'tan te ya x'ich'ot ta muc' cu'un te Diose.

1 Pedro 1:17

Teme ya awalic: “Jtat”, xaex ta stojol te Diose, te ja' ay ta swenta yalel te bi yilel cat'eltique soc te ma'yuc mach'a stsaoj nax ta yo'tane, jich yu'un ya sc'an te ya awaq'uic ta ilel te awich'ojic ta muc' te jayeb c'aal cuxulex ta balumilale.

Romanos 12:14

C'anbeyaic bendición ta stojolic te mach'atic ya yuts'inexe; ma me xabolc'optayic.

Génesis 42:18

Yoxebalix c'aal a, te José la yalbey yaiyic: —Pasaic me te bila ya calbeyexe, jich me ya xcuxinex, melel te jo'one jxi'oj te Diose.

1 Corintios 10:32

Ma me ayuc mach'a ya awac' yaluc jtuluc te ja'exe, ni ja'uc te judioetique, ni ja'uc te jyanlumetique, ni ja'uc te jch'uunjeletic yu'un te Diose.

Levítico 19:15

“Stojil me xachajban yu'un smul te mach'a ya atabey smule, ma me ja'uc ya ana'bey yo'bolil sba te mach'a ma'yuc yipe, soc ma me xbic'tajat ta stojol te mach'a bayal yipe. Ja' me xat'un ta pasel te bila stojil te c'alal ya awac'bey castigo yu'un smul te mach'a ya atabey smule.

Salmos 111:10

Ja' smuc'ul sp'ijil co'tantic Ja' te ya quich'tic ta muc' te Diose; te mach'atic ya yich'ic ta muc', ya x'ac'bot sp'ijil yo'tanic yu'un. Te Diose ay ta alel yutsil sc'oplal sbajt'el q'uinal.