Levítico 19:11 - Bible in Tzeltal de Oxchuc y Tenejapa

¹¹ “Ma me x'awaiyic elec'. Ma me xapas abaic ta lot, soc ma me talel c'axeluc xalo'lay abaic.

Bible in Tzeltal Bachajón

¹¹ Ma xawa'iyic elec'; me xawa'iyic lot, soc ma me talel c'axeluc xalotiy abahic.

Levítico 19:11 Referans Kwoze

Éxodo 20:15

“Ma me x'awaiy elec'.

Colosenses 3:9

Ma me xapas abaic ta lot juju-jtulex. Ijq'uitaya me te apocol acuxlejalique soc spisil te bila c'aemex ta spasel ta swentae.

Efesios 4:25

Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

Salmos 101:7

Yan te mach'a ay lo'laywanej ta yo'tan, ma'yuc yawil ta jna te ajwalilone; ma'yuc ni jtuluc te mach'a ya spas lot te ya xju' x'ain ta jtojole.

Romanos 3:4

Ma jichuc. Melel ma sujt'es sc'op stuquel te Diose, manchuc teme jpas-lot spisil te ants-winiquetique. Jich te bit'il ts'ibubil jilel ta Sjun te Diose: “Ta swenta te bila ya awale, toj ya xc'oat yu'un. Jich me ya awaiy tsalaw te c'alal ya awich' chajbanele”, te xi' sc'oplale.

Deuteronomio 5:19

“Ma me x'awaiy elec'.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

1 Timoteo 1:10

soc mach'atic ya xyalic ta mulile, soc te mach'atic sjoy sbaic nax ta winiquil te ya yuts'inbey sba sbaq'uetalique, soc te mach'atic ya sleic ants-winiquetic te ya yelc'anic baele, soc te jpas-lotetique, soc te mach'atic ya yac' sbaic ta yalel lotil testigo-c'op, soc xan te mach'atic ya scontroinic te lequil p'ijubtesele.

Efesios 4:28

Te mach'a ya x'elc'aje, ma me xyaiyix te elec'. Ac'a at'ejuc soc sc'ab ta spasel te bila lec ta pasele, swenta yu'un jich me ay bi ya xju' yu'un ya yac'bey te mach'a ay bila ma'yuc yu'une.

Jeremías 6:13

“Spisilic, muc'-biq'uitetic, ja' nax ya snop yo'tanic te staq'uinic ya xwejt' ta bic'tal-o'tanil; j'alwanejetic soc sacerdoteetic, spisilic jlo'laywanejetic.

Salmos 116:11

Ayonix ta lajel la caiy, ja' swentail te jich la cale: “Jpas-lotetic ta spisil te ants-winiquetique”, xoon.

Éxodo 22:7

“Teme ay mach'a ya yac'bey xq'uejbot staq'uin te spat-xujq'ue, o ay yan sbiluc, teme och j'elec' ta sna te winique, soc teme taot te j'eleq'ue, ya me stoj ta swenta cheb buelta.

Éxodo 22:1

“Teme ay mach'a ya yelc'an jcojt' wacax, o jcojt' chij, teme ya smil, o ya xchon, jo'cojt' me ya sujt'esbeyix sjelol teme wacaxe. Yan teme chije, chancojt' me ya sujt'esbey sjelol stuquel.

Éxodo 20:17

“Ma me xbic'taj awo'tan yu'un sna te apat-axujq'ue: Ma me xbic'taj awo'tan yu'un yinam, yabat, scriada, swacax, sburro soc te bitic ay yu'une —xi' te Diose.

1 Reyes 13:18

Pero te mamal la yac' puersa: —Ja' nix jich j'alwanejon yu'un Dios, jichon te bit'ilate. Ta swenta ch'ul abat yu'un Cajwaltic la spason ta mandal te ya quic'at bael yu'un ya cac'bat awe'el awuch'el —la yut. Ja'uc me to slot te mamale.

Éxodo 20:16

“Ma me x'ochat ta lotil testigo ta stojol apat-axujc'.

Éxodo 23:1

“Ma me lotil aiyejiluc xawal ta testigo, soc ma me xawac' aba ta testigo yu'un te mach'a amen te bila spasoje.

Levítico 19:10

Ma me xatsob xan spisil te sit ats'usubile, soc ma me xatam te sit ats'usubil lubajeme; ijq'uitaybeya te me'baetic soc te jyanlumetique. Jo'on Ajwalilon, Dioson awu'unic.

2 Samuel 17:20

C'alal c'otic te jnutsawetic ticunbilic yu'un Absalón, la sjojc'obeyic te ants: —¿Banti ayic te Ahimaas soc te Jonatán? —xiic. —C'axic li'to. Tojic bael ta muc'ja' —xi' ta sjaq'uel te antse. Jich te jnutsawetic ticunbilic yu'un Absalón, ba sleic. Pero c'alal ma ba la staic, sujt'ic bael ta Jerusalén.

Proverbios 24:28

Ma me xatojol-lebey smul apat-axujc', soc ma me x'ochat ta lotil testigoil.