Levítico 19:10 - Bible in Tzeltal de Oxchuc y Tenejapa

¹⁰ Ma me xatsob xan spisil te sit ats'usubile, soc ma me xatam te sit ats'usubil lubajeme; ijq'uitaybeya te me'baetic soc te jyanlumetique. Jo'on Ajwalilon, Dioson awu'unic.

Bible in Tzeltal Bachajón

¹⁰ Ma xale xan te sit ats'usub soc ma xatam te sit ats'usub te luhbajem; ihquitaya hilel yu'un te pobre soc te jyanlum. Ho'on, Jehovahon, te Dioson awu'unique.

Levítico 19:10 Referans Kwoze

Isaías 24:13

Jich me ya xc'ot ta swentaic ta spisil te nacionetic ta balumilal, jich bit'il ya yich' majel ta te' te ya xch'ay coel te olivoetique, o jich bit'il ya yich' xan leel ta tulel te sit ts'usub, teme lajix c'axel ta tulele.

Isaías 17:6

te bay ay to ya xch'ay jilele; o jich bit'il c'alal ya yich' majel ta te' te ste'el olivo, te ja' xanix cheb oxeb sit ya xjil ta sc'abc'abe, o teme ja' xanix ya xjil ta sni'il sc'abe, chaneb o jo'eb —xi'. Jich ya yal ta jamal te Cajwaltic te Dios yu'un Israel.

Levítico 25:6

Te bila ya yac' sit ta stuquel ta lumq'uinal te c'alal yac ta cux-o'tan ae, tic' me ya xwe'ex a te ja'exe, soc te amanbil abatetic, acriadaic, te j'at'eletic awu'unic, soc te jyanlumetic te ajoinejic ta nainele,

Miqueas 7:1

¡Obol jba! Jich c'oemon ya caiy te bit'il ya jle xan te c'alal c'axemix a te bila la yich' tulele; ma ba ya jtaix sit ts'usub ni sit higuera, ja'ic te bi ya smulan co'tan swe'elinel xane.

Abdías 1:5

—Te taluc j'eleq'uetic ta ajc'ubal ta yelc'anbelat, ma ba la yich'ic bael spisil; te taluc ta atojol te mach'atic ya stulic ts'usub, ay to nix a jil yu'unic te jichuque. Yan te acontrotaque jc'axel la sjinat ta jyalel.

Jeremías 49:9

C'alal ya sloq'uesic ta tulel te ts'usubiltique, ay to jtebuc joc'ajtic ya xjil; c'alal ya xtal eleq'uetic ta ajc'ubal, ja' nax ya yich'ic bael te bila ya xtuun yu'unique.

Jueces 8:2

Ja'uc me to, la sujt'esbey sc'opic: —¿Yu'un bal ma x'ana'ic stojol te bi la apasic te ja'exe, c'axem jich sc'oplal a te bi la jpastic te jo'otique?

Levítico 19:9

“Te c'alal ya sta yorail te ya yich' tsobel te sit awalts'unubile, ma me jc'axeluc spisil ya atsob te bila ya xloc' ta aq'uinale, ma me xatsob xan te bay c'alal jilem awu'une.

Levítico 19:11

“Ma me x'awaiyic elec'. Ma me xapas abaic ta lot, soc ma me talel c'axeluc xalo'lay abaic.

Levítico 23:22

“Te c'alal ya sta yorail ta tsobel sit trigo soc te cebada, ma me jc'axeluc spisil ya atsob asta mero slajibal te bila ya xloc' ta aq'uinale, soc ma me xacha'le xan teme ay to chexajtic ya xjil te sit te trigo soc cebada. Ijq'uitaya jilel, yu'un ja' ya xtuun yu'unic te me'baetic soc te jyanlumetique. Jo'on te Ajwalilon te Dioson awu'unique.” Jich me ya xc'o awal ta stojolic —xi' te Cajwaltique.

Deuteronomio 24:19

“Te c'alal ya atsobeyic te sit te awawal-ats'unub ta aq'uinalique, teme ay ma ba ya ana'ic tel jtomuc te atrigoique, ma me sujt'ex ta sleel. Ijq'uitayaic me jilel swenta yu'un ya me stam jtul jyanlum te nainem ta awolilique, o me'ba alal, o me'ba ants, swenta yu'un jich me ya yac'beyex bendición ta spisil bila ya apasic a te Cajwaltic Diose.

Deuteronomio 24:20

“Te c'alal ya atsobeyic sit te olivoetic awu'unique, ma me xc'ax alebey xan sit te sc'abc'abe. Melel te sit jilemixe, ijq'uitayaix jilel, ja' me yu'unix te jyanlumetic, te me'ba alaletic, soc te me'ba antsetique.

Rut 2:2

Te Rut la yalbey te Noemí: —Ac'awon bael te banti yacalic ta set'el cebada. Ya xba quil teme ay mach'a ya xc'uxtayone, teme ya yac'bon jtam ta bay yacal ta jilel yu'un te mach'atic ya set'ic loq'uel te cebadae —xi'. —Baan jiche —xi' te yalib-me'ele.

Levítico 11:44

melel jo'on te Ajwalilon soc te Dioson awu'unique. Te ja'exe ya me sc'an te mero ya alecubtes ac'oplalic, soc te ch'ultesbil ya x'ainexe, melel ch'ul Dioson te jo'one, ma me xawac' te ma lecuc ac'oplal ya xc'oat ta swenta te chambalametic ya stas sbaic ta beel ta lumq'uinale.

Levítico 19:25

Ta yo'ebal ja'wil ya me xju' ya alo'beyiquix sit a. Jich me bayal sit ya yac'beyex a te te'e. Jo'on Ajwalilon, Dioson awu'unic.

Deuteronomio 24:21

“Te c'alal ya atulic te sit ats'usubilique, ma me xc'ax alebeyic xan yan buelta te site. Te jayeb xan ya xjile, ac'a jiluc, yu'un ja' me ya yich'iquix te jyanlumetic, te me'ba alaletic, soc te me'ba antsetique.