Levítico 18:9 - Bible in Tzeltal de Oxchuc y Tenejapa

⁹ “Ma me xwayat soc awix soc awijts'in-ach'ix, manchuc me awix awijts'in ta swenta te atate, o ta swenta te ame'e, manchuc me ay ta ana, manchuc ainem ta yan parte, pero ma me xju' jich ya apasbey.

Bible in Tzeltal Bachajón

⁹ Ma me xwayat soc awix o awihts'in, teme yantsil-nich'an atat o yantsil-al anan, teme ayinem ta ana o ayinem ta yan lugar, ma me xwayat soc.

Levítico 18:9 Referans Kwoze

Levítico 20:17

“Teme ay winic ya yic' yinamin xwix o yijts'in-ach'ix, manchuc me yijts'in ta swenta stat o ta swenta sme', teme la sta sba soque, ya me yich'ic loq'uesel ta stojol te slumalique. Melel te bit'il ya sta sba soc te jun sme' o jun stat soque, mero q'uexlaltic sba ta pasel. Ja' yu'un te mach'a ya spase, ya xcuch te smul yoloj la slee.

Ezequiel 22:11

Ay mach'atic ya spas mulwej soc te spat-xujq'ue, ay mach'a ya yantsin yalib, te mero q'uexlaltic sbae, ay mach'a ya yantsin te mach'a jun stat soque.

Deuteronomio 27:22

“Boloben me sc'oplal ta jyalel te mach'a ya xway soc xwix o yijts'in, teme ja' xwix o yijts'in ta swenta stat, o ja' ta swenta sme'”. “Jichuc”, xiic me ta spisil te lume.

Levítico 18:11

“Ma me xwayat soc te yantsil-al te yinam atate, melel ja' snich'an te atate, melel awijts'in-ach'ix me. Ja' yu'un ma xju' te jich ya apasbeye.

Levítico 18:10

“Ma me xwayat soc te yantsil-nich'an te aquerem-nich'ane, o ja' te yantsil-al te awantsil-nich'ane, melel ja'at ni me ya aboltes ac'oplal a, ja' yu'un ma me xapas.