Levítico 18:5 - Bible in Tzeltal de Oxchuc y Tenejapa

⁵ “T'unaic me ta pasel te bitic chapal cu'un, soc te mandaliletic cu'une. Te mach'a ya yac' c'otuc ta pasele, ya me xcuxin yu'un. Jo'on Ajwalilon.

Bible in Tzeltal Bachajón

⁵ Ha yu'un ch'uhunahic spasel te bintic chapal cu'un soc te bintic caloj ta mandar. Te mach'a ya spas, ya me xcuxaj yu'un. Ho'on, Jehovahon.

Levítico 18:5 Referans Kwoze

Romanos 10:5

Melel te bit'il toj ya x'ilot yu'un Dios te mach'a ya xch'uun spasel te mandalile, jich la sts'ibubey jilel sc'oplal te Moisese: “Te mach'a ya xju' yu'un spasel te bila ya yal te mandalile, jich me ya xcuxin a”, te xie.

Ezequiel 20:11

Tey la cac'bey ta swentaic spisil a te mandaliletic cu'un, te ya x'ac'bot xcuxlejalic yu'un te mach'atic ya xch'uunique.

Gálatas 3:12

Ma'yuc sc'oplal ya xc'ot te xch'uunjel-o'tanil yu'un te mandalile. Melel jich ts'ibubil jilel: “Ya me xcuxin te mach'a ts'acal ya spas te bi ya yal te mandalile”, te xie.

San Lucas 10:28

La yal te Jesuse: —La ana' sujt'esel ya caiy. Jich me xba apas. Jich me ya xcuxinat sbajt'el q'uinal —xi'.

Ezequiel 20:21

‘Pero te yal-snich'nabique, ja' nix jich la stoy sbaic ta jtojol. Ma ba la xch'uunbonic te mandaliletic cu'une, te ya yac'bey xcuxlejal te mach'a ya spas baele. La sboltesbey te sc'aalelal cux-o'tan cu'une. La jnop ta co'tan te ya jt'omes bael ta stojolic te quilimba, yu'un c'an jlajin ta jc'axel ta jochol taquin q'uinal, swenta yu'un jich ya xlamaj a te sc'ajc'al co'tane.

Ezequiel 20:13

Pero la stoy sbaic ta jtojol ta jochol taquin q'uinal, ma ba la xch'uunbonic te mandaliletic cu'une. La xch'ayic te mandaliletic la cac'bey yu'un ya sta xcuxlejal sc'oplal a te mach'a ya xch'uun spasele. Jc'axel la sboltesbon te sc'aalelal cux-o'tan cu'une. Ja' yu'un te jo'on la jnop ta co'tan te ya jt'omes bael ta stojolic te quilimbae, c'an jlajin ta jc'axel tey ta jochol taquin q'uinale.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Éxodo 6:2

Te Dios la sc'opon te Moisés, jich la yal: —JO'ON AJWALILON.

Malaquías 3:6

“Jo'on Ajwalilon, ma'yuc bay yanajem co'tan. Jich ma ba jtup'ex ta q'uinal te sts'umbalex Jacob.

Éxodo 6:29

jich la yal: —Jo'on te Ajwalilon. Albeya te faraón te ajwalil yu'un Egipto ta spisil te bila ya calbate —xi'.

San Mateo 19:17

La yal te Jesuse: —¿Bi yu'un ya awal te lecon ta winiquile? Jtul nax te mach'a leque. Ja' nax lec stuquel te Diose. Ja'uc me to, teme ya ac'an te ya xcuxinate, at'elina spasel te bila ya yal te mandaliletique —xi' te Jesuse.

Romanos 7:10

Jich te mandalil te sc'oplal ya yac' cuxinucone, ja' la yac'on ta lajel.

Levítico 18:6

“Ma me ayuc jtuluc winic te ya xnoptsaj ta stojol jtul ants te ya sta sba soc ta wayel te ma yanuc parte aye, te jun sts'umbal soque. Jo'on Ajwalilon.

Deuteronomio 4:1

“Yo'tic, israeletic, aiya me awaiyic te mandaliletic soc te bitic chapal te la cac'beyex anopique, ja' me xapasic bael spisil ora, swenta yu'un jich me ya xnainex soc ya awich'ic a te lumq'uinal te ya yac'beyex te Cajwaltic te Dios yu'un te antiguo jme'-jtatique.

Nehemías 9:29

La atac'uy, la awalbey te yacuc spasic xan te bila ya yal te mandaliletic awu'une. Pero la yich' sbaic ta muc' stuquelic, ma ba la yich'ic ta wenta te mandaliletic awu'une. La xc'axintaybat te bitic la awal ta stojolique, te ya yac'bey xcuxlejal te mach'atic ya spasique. Ma ba la yich'ic ta muc', mero tulan la yac' sbaic, ma'yuc sc'oplal c'ot ta yo'tanic.

Isaías 55:3

La'ic ta jtojol, soc aiya awaiyic, aiybon awaiyic stojol te jc'ope, yu'un jich me ya xcuxinex. Te jo'one ya jpas trato ta sbajt'el q'uinal ta atojolic, jich me ya xc'ot ta pasel te bit'il caloj ta swenta xc'uxul co'tan ta stojol David.

Ezequiel 18:9

Ja' ya st'un ta pasel spisil te mandaliletic cu'une. Te winic in to, ja' toj yo'tan ta mero melel, ja' yu'un ya me xcuxin stuquel. Jo'on Ajwalilon te jich caloje.

Deuteronomio 30:6

Ya me yac'beyex ta awo'tanic smarcail te trato, soc nix te patil alnich'anetic awu'unique, swenta yu'un c'ux me ya awaiyic ta spisil awo'tanic soc ta spisil ach'ulelic. Jich me ya awich' acuxlejalic a.

Deuteronomio 30:20

C'ux me x'awaiyic te Cajwaltic Dios, ch'uunbeyaic sc'op, soc junuc me awo'tanic ta stojol, melel tey ay a te acuxlejalique, soc te ya xcuxinex bayal ja'wil tey ta lumq'uinal, te Cajwaltic jc'axel la yalbey te antiguo jts'umbaltic Abraham, Isaac soc Jacob —xi' te Moisese.