Levítico 18:30 - Bible in Tzeltal de Oxchuc y Tenejapa

³⁰ Ja' yu'un, pasaic me te bila mandalil caloje, ma me xapajbeyic stalelic te la spasic te bitic mero ilaybil sba la spasic te mach'atic nainic tey a, soc ma me xapasic te bila boloben ac'oplal ya xc'oex yu'une. Jo'on Ajwalilon te Dioson awu'unique.” Jich me ya xc'o awal ta stojolic —xi' te Cajwaltique.

Bible in Tzeltal Bachajón

³⁰ Ha yu'un, pasahic te bintic caloje, ma me xapasic te bintic mero ilobtic sba la spasic te c'alal ma to talex a, scuenta yu'un ma ba yac abohlobtes ac'oblalic a. Ho'on, Jehovahon, te Dioson awu'unique, xchi.

Levítico 18:30 Referans Kwoze

Levítico 20:23

Ma me xanopbeyic yat'el te mach'atic ya jloq'uesbeyex bael ta atojolique; ja'ic stuquelic la spasic spisil, ja' yu'un ma ba cujch'ix cu'un te smulique.

Levítico 22:9

“Albeya, ac'a xch'uunic spasel te bila caloj, melel ja' me xcuchoj smul ya xc'otic yu'un teme ma ba ya xch'uunbonic, soc jich me ma ba ya xlajic teme ya xch'uunique. Jo'on Ajwalilon te ch'ultesbilic cu'une.

Deuteronomio 11:1

“C'uxuc me ta awo'tanic te Cajwaltic te Dios cu'untique, ch'uunbeyaic spasel te bila ya yale, soc spisil ta jchajp te mandaliletic soc te bitic chapal yu'une.

Levítico 18:29

Te mach'a ya spas junuc te bila mero ilaybil sbae, ya me yich' loq'uesel ta yolil te slumale.

Levítico 19:1

Te Cajwaltic la sc'opon te Moisés, jich la yalbey:

Deuteronomio 12:31

Ma me jichuc xapasic ta stojol te Cajwaltic te Dios cu'untique. Melel te bila mero ilaybil sba ta sit te Cajwaltic, te ma xcujch'ix yu'une, ja'ic te bitic ya spasic ta swenta xch'uunel te diosetic yu'unic te nacionetique. Melel mero jc'axel ya xjelawiquix a, asta te ch'in alaletic yu'unic ya smilbeyic ta c'ajc' smajt'anin te loc'omba yu'unique.

Jueces 20:6

Jich yu'un la jtsacbey te sbaq'uetal, la jbojbey, la jpucbey bael ta spamal te jlumaltique, swenta yu'un spisil me Israel ya yaiyic stojol te bila mero c'ax amen c'ot ta pasele.

1 Reyes 14:24

Ja' nix jich te winiquetic ta spamal sq'uinalic la spasic mulil ta sbaq'uetalic ta swenta yich'el ta muc' te loc'ombaetic yu'unique. La spasic spisil ta jchajp muliletic te ilaybil sba, te yacalic ta spasel te nacionetic ma ba xch'uunejic te cuxul Diose, te jc'axel la xch'oj loq'uel ta stojol Israel te Cajwaltique.

1 Reyes 21:26

La sboltes sba ta jc'axel ta scaj te la xch'uun te loc'ombaetic diosinbilique, jich te bit'il la spasic ta spisilic te amorreoetic te la xch'oj loq'uel ta stojol te israeletic te Cajwaltique.)

Esdras 9:1

C'alal ju' ta pasel in to, te jwolwanejetic talic ta jtojol, jich la yalbonic: —Te israeletic, soc nix te sacerdoteetic soc te levitaetique, ma ba ju'em yu'unic te parte yac'oj sbaic ta stojolic te mach'atic smacojic q'uinale, ja' te cananeoetic, hititaetic, ferezeoetic, jebuseoetic, amonetic, moabetic, egipcioetic soc te amorreoetique, manchuc me ilaybil sba te costumbre yu'unique te bit'il ma ba xch'uunejic te Diose.