Levítico 18:3 - Bible in Tzeltal de Oxchuc y Tenejapa

³ “Ma me xat'unbeyic scostumbre te egipcioetic tey ta lumq'uinal ta banti nainexe. “Ma me xat'unbeyic scostumbre te cananeoetic, tey ta lumq'uinal te banti ya quiq'uex baele, soc ma me xat'unbeyic te mandaliletic yu'unique.

Bible in Tzeltal Bachajón

³ Ma me hichuc xapasic te bin ya spasic ta sq'uinal Egipto te banti nahinex; soc ma hichuc xapasic te bin ya spasic ta sq'uinal Canaán te banti ya quiq'uex bahel, ma me xat'umbeyic te bin ya spasique.

Levítico 18:3 Referans Kwoze

Levítico 20:23

Ma me xanopbeyic yat'el te mach'atic ya jloq'uesbeyex bael ta atojolique; ja'ic stuquelic la spasic spisil, ja' yu'un ma ba cujch'ix cu'un te smulique.

Éxodo 23:24

Ma me xac'ainbey stalelic. Ma me xaquejan abaic ta stojol te diosetic yu'unique, ma me xach'uunic. Ya me ajin ta spisil te loc'ombaetic yu'unic soc te ch'ul balal tonetic tejc'ajtic yu'unique.

Ezequiel 23:8

Te c'alal ay ta Egipto ta neelal toe, tey och ta jmulawil ants a, ma ba la yijq'uitayix spasel. Te c'alal ach'ix to a tsobol mach'atic way soc, jich la slajinbeyic yach'ixal, och ta antsinel yu'unic ta jc'axel.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

Salmos 106:35

Ja' ba scapin sba soc te mach'atic ma'yuquic ta stojol te cuxul Dios, soc la snopbeyic te scostumbreique.

Deuteronomio 12:4

“Te Cajwaltic te Dios cu'untique ma me jichuc ta ch'uunel stuquel.

Deuteronomio 9:4

Te c'alal la xch'ojbeyex loq'uel te acontroic te Cajwaltic te Dios cu'untique, ma me jichuc xawalbey abaic: “Te Cajwaltic ta scaj nix slequil cat'eltic te la yac'botic cu'unintic te lumq'uinal in to”, ma me xauquex, melel ta scaj nix amen yat'elic te ya xch'ojotic loq'uel yu'un te Cajwaltique.

2 Reyes 17:8

Ja' la st'unbeyic te scostumbre te nacionetic te ch'ojbotic loq'uel ta stojolic yu'un Cajwaltic, soc te bitic la sjach spasel te muc' ajwaliletic ta Israel.

Deuteronomio 29:17

ta banti la quiltic te lotil diosetic, soc te ilaybil sbaic loc'ombaetic te pasbil ta te', ton, plata soc ta oro, te ja' xch'uunejic te mach'atic tey ayic ae.