Levítico 18:27 - Bible in Tzeltal de Oxchuc y Tenejapa

²⁷ Melel spisil te bitic mero ilaybil sba, la spasic te mach'atic neel nainic ta lumq'uinal te c'alal ma to xc'oex a te ja'exe, ja' yu'un boloben sc'oplal jil yu'unic te q'uinale.

Bible in Tzeltal Bachajón

²⁷ como spisil te bintic mero ilobtic sba ini la spasic te mach'atic nahil nahinic tey ta lumq'uinal, te hich bohlob a te q'uinale.

Levítico 18:27 Referans Kwoze

Ezequiel 22:11

Ay mach'atic ya spas mulwej soc te spat-xujq'ue, ay mach'a ya yantsin yalib, te mero q'uexlaltic sbae, ay mach'a ya yantsin te mach'a jun stat soque.

Ezequiel 16:50

La xcha'toy xan sbaic, ja' la spasic te bitic ilaybil cu'une. Ja' yu'un la jlajin, jich te bit'il la awile.

2 Crónicas 36:14

Jich nix la spas spisilic te jtsobwanejetic yu'un Judá, te sacerdoteetic soc te lume, la stoyesic ta jyalel te mulile, jc'axel ma ba jun yo'tanic ta stojol te Cajwaltique. Ja' la spasic te bila c'ax ilaybile, jich te bit'il ya spasic te nacionetic te ma'yuquic ta stojol te Diose. La sboltesbeyic sc'oplal te templo yu'un Cajwaltic te stsaoj stuquel, te ja' xch'ul yawil ya xc'ot ta Jerusalén.

2 Reyes 21:2

Pero te yat'el ma ba lec ta sit Cajwaltic, yu'un ja' nix la spas te bitic amen nax sba la spasic te jaychajp nacionetic te ch'ojbotic loq'uel ta stojolic yu'un Cajwaltic te israeletique.

2 Reyes 16:3

Melel ja' la st'unbey sbe te anima muc' ajwaliletic ta Israel, asta la yac' ta chiq'uel ta majt'anil ta stojol lotil diosetic te snich'ane, jich te bit'il c'ax amen ya spasic te yantic nacionetic te la xch'oj loq'uel ta stojolic te israeletic te Cajwaltique.

1 Reyes 14:24

Ja' nix jich te winiquetic ta spamal sq'uinalic la spasic mulil ta sbaq'uetalic ta swenta yich'el ta muc' te loc'ombaetic yu'unique. La spasic spisil ta jchajp muliletic te ilaybil sba, te yacalic ta spasel te nacionetic ma ba xch'uunejic te cuxul Diose, te jc'axel la xch'oj loq'uel ta stojol Israel te Cajwaltique.

Deuteronomio 27:15

“Boloben me sc'oplal ta jyalel te mach'a ya spas loc'omba, o teme ay bila ya sloc'tay ta ultesbil taq'uin te pasbil ta jten-taq'uine, te ya yac' ta muquen ta sq'uinale, melel mero ilaybil me yu'un te Cajwaltique”. “Jichuc”, xiic me ta spisil te lume.

Deuteronomio 25:16

Melel te Cajwaltic ya yilay spisil te mach'atic jich ya spasique, melel ja' ya spasic te bila ma stojiluc ta pasele.

Deuteronomio 23:18

Ma me xawac' permiso teme winic o teme ants te ya yich' tel ta templo yu'un Cajwaltic Dios te taq'uin staoj ta swenta mulil ta stojel bila chapal yu'unic. Melel ilaybil me yu'un Cajwaltic stuquel.

Deuteronomio 20:18

Te bit'il jich ya apasique, swenta yu'un jich me ma ba ya yac'beyex anopic te bitic ilaybil sba yacalic ta spasele, te ja' yich'el ta muc' yu'unic te bitic cuybilic ta diosetic yu'unique, te jich ya yac'beyex ale amulic ta stojol a te Cajwaltic te Dios cu'untique.

Levítico 18:24

“Ma me ayuc x'aboltes abaic ta swenta te bitic la calixe. Melel ja' boloben c'ot yu'un te yajwal lumetic ya jch'ojbeyex loq'uel ta atojolic,

Oseas 9:10

Ya yal te Cajwaltique: —C'alal la jta Israel, bin nax co'tan yu'un, jich bit'il mach'a ya sta ts'usub ta jochol taq'uin q'uinal. Te antiguo ame'-atatic jich c'otic ta jsit te bit'il sabal sit higuera. Ja'uc me to, c'alal c'otic ta bay Baal-Peor la yac' sbaic ta abatinel yu'un te lotil diosetique. La yac' sbaic ta ilayel cu'un, pajal la quilay soc te yajcanan te c'ux ta yo'tanique.

Levítico 18:26

Yan te ja'ex israelex soc te jyanlumetic nainem ta awolilic, ac'a c'otuc ta pasel awu'unic te mandaliletic cu'un soc te bitic chapale, ma me xapasic te bitic mero ilaybil sbae.

Levítico 18:28

¡Ma me ja'uc ya xch'ojex loq'uel te lumq'uinal ta scaj te boloben sc'oplal ya xc'ot awu'unique, jich te bit'il la xch'oj loq'uel ta stuquel te mach'atic neel nainic tey a te c'alal ma to xc'oex a te ja'exe!