Levítico 18:25 - Bible in Tzeltal de Oxchuc y Tenejapa

²⁵ soc te slum-sq'uinalic boloben sc'oplal jil yu'unic. Pero jo'on la jpasbeyix ta wenta te smulique, jich te lumq'uinal yu'unic ja' nix la xch'oj loq'uel te yajwale.

Bible in Tzeltal Bachajón

²⁵ soc te bohlob sc'oblal te lumq'uinale. La jca'be castigo yu'un te smule, soc te lumq'uinal la xehtay loq'uel te swinquilele.

Levítico 18:25 Referans Kwoze

Levítico 18:28

¡Ma me ja'uc ya xch'ojex loq'uel te lumq'uinal ta scaj te boloben sc'oplal ya xc'ot awu'unique, jich te bit'il la xch'oj loq'uel ta stuquel te mach'atic neel nainic tey a te c'alal ma to xc'oex a te ja'exe!

Jeremías 2:7

Jo'on la quiq'uex tel li' ta lequil q'uinal to, swenta yu'un ya alo'beyic sit te awalts'unubil soc te mero lec te bila ya yac' tey a. Ja'uc me to, ja' tal aboltesbonic sc'oplal te lumq'uinal te ja'exe, la awac'bonic woclajuc co'tan yu'un yilayel te lumq'uinal cu'une.

Jeremías 9:9

¿Me yacuc cac'bey castigo yu'un? ¿Me jichuc ya sc'an cac'bey stoj te lum te bila ya spase? Jo'on Ajwalilon te jich ya cal.

Salmos 106:38

La smalbeyic xch'ich'el manchuc me ma'yuc falta yu'unic, ja' te xch'ich'elic te squerem-nich'nabic soc te yantsil-nich'nabique; ja' la yac'beyic smajt'anin te diosetic yu'un te lum Canaán. Te lumq'uinal la sboltesic ta xch'ich'elic;

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

Jeremías 23:2

Te Cajwaltic, te Dios yu'un Israel, ya yalbey te jcanan-chijetic te ya xmandalajic ta stojol te slumale: —Ja'ex la apucbonic bael te chijetic cu'une, la axiwtesbonic bael, ma ba la acanantaybonic. Ja' yu'un ya me cac'bat tulan castigo yu'un te amen awat'elique. Jo'on Ajwalilon, jich ya cal.

Jeremías 16:18

Sbabial ya cac'bey stojic cheb buelta te bila amen soc te smulique, melel la sboltesbonic sc'oplal te lumq'uinal ta scaj te yajcananic te ma cuxuluc soc te ilaybilique; soc ta spamal te lumq'uinal te la cac'bey yu'unin, la spasic te bitic ya quilaye —xi' te Cajwaltique.

Jeremías 14:10

Te Cajwaltic jich ya yalbey sc'oplal te lum Israele: —Ja' in lum to ya smulan te bayuc nax ya xbajt' ta spisil ora ta stojol yan, jich yu'un ma ba lec ya quil. Ora yo'tic ya me jna'bey te smulique, soc ya me quich' ta c'op yu'un —xi'.

Jeremías 5:29

¿Ma bal yacuc cac'bey castigo yu'un? ¿Ma bal jichuc ya sc'an ac'beyel castigo te ants-winiquetic te jich ya spasique? Jo'on Ajwalilon te jich ya cale.

Jeremías 5:9

¿Ma bal yacuc cac'bey castigo yu'un? ¿Ma bal yacuc cac'bey stoj te lum te jich ya spase?

Isaías 26:21

Melel te Cajwaltic ya xloc' tel ta bay palacio yu'un, ta swenta yac'beyel castigo yu'un smulic te mach'atic nainemic ta balumilale. Te lumq'uinal ma xju' ya smuc xan te ch'ich' malbile; ja'uc me to, ya me xchicnaj ta lec te mach'atic la yaiyic milawe.

Deuteronomio 18:12

Melel te Cajwaltic yilayej te mach'atic jich ya spasique. Melel te Cajwaltic Dios cu'untic ya xch'ojbeyex loq'uel ta atojolic te nacionetique, ja' ta scaj te ay jich te amen costumbreetic yu'unique.

Romanos 8:22

Jna'ojtic stojol te ay ta ajc'an spisil te bitic pasbile, ja' to ta ora to. Yac ta nacbal yu'un xc'uxul, jich bit'il jtul ants te ya x'ayin te yale.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

Isaías 24:5

Te balumilal boloben yu'un te mach'atic nainemic tey a, melel la yijq'uitayic ta pasel te mandaliletic, la xc'axintay ta spisilic, la xch'ayic ta ch'uunel te trato te ay ta sbajt'el q'uinale.

Salmos 89:32

ya me cac'bey majel ta wajch' c'oem swenta castigo teme la scontroinon ta scaj te sbolile.

Deuteronomio 9:5

Melel ma yu'unuc slequil awat'elic, soc ni yu'unuc lequex ta winiquil ja'ex te ya awu'uninbeyic te slum-sq'uinalique. Ya xch'ojbeyex loq'uel ta asitic te Cajwaltic ta scaj te amen yat'elic, soc swenta yu'un ya xc'ot ta pasel a te bila chapal yu'un ta stojol Abraham, Isaac soc Jacob, ja' te antiguo ats'umbalique.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Levítico 18:26

Yan te ja'ex israelex soc te jyanlumetic nainem ta awolilic, ac'a c'otuc ta pasel awu'unic te mandaliletic cu'un soc te bitic chapale, ma me xapasic te bitic mero ilaybil sbae.

Deuteronomio 21:23

ma me xju' ya xjil ta sjunal ajc'ubal tey a, puersa me ya yich' muquel ta yorail nix te bi c'aalil te la yich' milele. Melel mero boloben sc'oplal yu'un Dios te mach'a jip'il ta muc'ul te'e. Ma me xju' ya awac' te ma lecuc sc'oplal ya xc'ot te lumq'uinal ya yac'beyex awu'uninic te Cajwaltic te Dios cu'untique.

1 Reyes 21:26

La sboltes sba ta jc'axel ta scaj te la xch'uun te loc'ombaetic diosinbilique, jich te bit'il la spasic ta spisilic te amorreoetic te la xch'oj loq'uel ta stojol te israeletic te Cajwaltique.)

Esdras 9:11

la awal ta swenta te j'alwanejetic, ja' te abatetic awu'une. Ja'at neel la awalbotic te bit'il ay te q'uinal te banti ya x'ochotique, te ya awac' ta jwentatique, te boloben te q'uinal ta scaj sbolil te mach'atic ayic tey a, ta scaj te ilaybil sba scostumbreic yu'un te bit'il ma ba xch'uunejic te Diose, te ja' snojesejic ta pasel a te ixtajele.