Levítico 18:21 - Bible in Tzeltal de Oxchuc y Tenejapa

²¹ “Ma me xawac'bey smajt'anin ta chiq'uel ni jtuluc anich'an te dios Moloc. Ma me xawac' bolobuc jc'oplal. Jo'on Ajwalilon.

Bible in Tzeltal Bachajón

²¹ Ma me xawa'be smahtanin ta c'ahc' ni jtuhluc anich'nab te dios Moloc. Ma me hichuc xawac' bohlobuc sc'oblal sbihil a te Dios awu'une. Ho'on, Jehovahon.

Levítico 18:21 Referans Kwoze

Deuteronomio 12:31

Ma me jichuc xapasic ta stojol te Cajwaltic te Dios cu'untique. Melel te bila mero ilaybil sba ta sit te Cajwaltic, te ma xcujch'ix yu'une, ja'ic te bitic ya spasic ta swenta xch'uunel te diosetic yu'unic te nacionetique. Melel mero jc'axel ya xjelawiquix a, asta te ch'in alaletic yu'unic ya smilbeyic ta c'ajc' smajt'anin te loc'omba yu'unique.

Levítico 19:12

“Ma me ayuc bila jc'axel ya awal ta jamal ta lot te ya atabon ta alel jbiil, melel ya me aboltesbon te yutsil jc'oplal te jo'on Dioson awu'une.

Deuteronomio 18:10

Ma me ayuc ni jtuluquex te ya awaq'uic ta milbil majt'anil anich'nabic te ya awac' c'axel ta c'ajq'ue, ma me xapasic te ay bila ya ana' ta ac'ope, ma me xacuyic te ya xju' awu'unic yalel te bila ya xc'ot ta pasele, ma me xanopic pic-c'abal,

Levítico 22:32

“Ma me xaboltesbon sc'oplal te jch'ul-biile, jich me ch'ul Dioson ta yolilic te israeletique. Jo'on Ajwalilon te la jch'ultesex te ja'exe,

Hechos 7:43

Melel ja' la aq'uechic ta beel te nailpac' yu'un te lotil dios Moloc, soc te ec' yu'un te lotil dios Renfán, te loc'ombaetic te la apasic soc te la alajin abaic ta stojole. Jich te jo'one ya me caq'uex bael ta sjelawel Babilonia”, te xi' sc'oplalic yu'un te Diose.

Malaquías 1:12

Yan te ja'exe, ma'yucon ta ich'el ta muc' awu'unic; ma'yuc sc'oplal ta awo'tanic te scajtijib jmajt'ane, ja' te mesa cu'une, soc ma'yuc sc'oplal ta awo'tanic te we'elil tey a.

Jeremías 19:5

Ja' nix jich la spasbeyic scajtijib te bay ya xchic' snich'nabic te ya yac'beyic smajt'anin te lotil dios Baal. Ma'yuc bay la calbeyex mandal, soc ni ma'yuc jich tal ta co'tan.

1 Reyes 11:33

Melel te Salomón la yijq'uitayonix ta yo'tan, ochix ta xch'uunel Astarté, antsil-dios yu'un sidonetic; te Quemos, dios yu'un moabetic; soc Milcom te dios yu'un amonetique. Ma lecuc ta jsit te bitic spasoje. Ma ba la yac' c'otuc ta pasel yu'un te mandaliletic cu'un soc te c'op chapal cu'une. Ma jichuc la spas te bit'il la spas te David, ja' te state.

1 Reyes 11:7

Ja' nix ta yorail a, te Salomón la spas toyol ch'uunjibaletic ta wits te ay ta stojol sloq'uib c'aal yu'un Jerusalén te banti ya yich' ich'el ta muc' te loc'omba te mero ilaybil sba te yich'ojic ta muc' te moabetic, te Quemos sbiile, soc nix te yan loc'omba te mero ilaybil sba te Moloc sbiil, te ja' yich'ojic ta muc' te amonetique.

Levítico 22:2

—Albeya te Aarón soc snich'nab, te ya me sc'an ya stsajtay sba ta lec yu'un te bitic ch'ultesbil ya yac'bonic te israeletic, swenta yu'un ma me sboltesbonic sc'oplal te jch'ul-biile. Jo'on Ajwalilon.

Amós 5:26

Ta ora to, te bit'il ya acuchic bael te nailpac' yu'un Moloc soc Quiyún soc te ec' yu'un te diosetic awu'unic te ja'ex nix la apasique,

Ezequiel 23:37

Ma junuc yo'tan la yac' sbaic ta jtojol. Mero bayal xch'ich'el sc'ab c'oemic. Ma junuc yo'tan la yac' sbaic ta jtojol, melel ja' bajt' ta yo'tanic xch'uunel te loc'ombaetic yu'unique. Ta swenta yich'el ta muc' yu'unic, la yaq'uic ta milel soc ta chiq'uel ta c'ajc' te yal-snich'nabic te jo'on cal-jnich'nab soque.

Ezequiel 20:31

Te bit'il ya awac'bey smajt'an, soc ya awac' awal-anich'nabic ta majt'anil ta milel ta c'ajc', jich yacalex to ta aboltesbel abaic ta swenta a te loc'ombaetic yu'unique. Jich ayex, israeletic, pero puersa ay to bila ya ac'anic ya ajojc'obonic. Melel jo'on te cuxul Ajwalilon, ya cal ta jamal te ma'yuc bila ya jc'an ya ajojc'obonique.

Jeremías 7:31

Ta bay xatal yu'un Ben-hinom la spasbeyic scajtijib majt'anil ta Tófet swenta yu'un ya xchiq'uic tey a te alalqueremetic ach'ixetic yu'unique, te ma'yuc bay calojbey mandal ta pasel, ma'yuc bay talem ta co'tan ni jtebuc.

2 Reyes 23:10

Te Josías la sjinbey sc'oplal uuc te chic'jibal te ay ta spamlej yu'un Ben-hinom, swenta yu'un jich ma'yuquix mach'atic ya xchic' squerem-nich'an soc yantsil-nich'an swenta milbil smajt'an a te Moloc.

2 Reyes 21:6

Soc la yac' ta chiq'uel te snich'nab swenta smajt'an te bila scuyoj ta Diose. La yich' ta muc' te pucujetique, soc bajt' ta stojol te mach'atic ay bila ya sna'ic syoljoltayel. Spisil ora la sc'opon te ch'ulelaletic, soc la spasulay pic-c'abal. Mero ma ba lec ta sit Cajwaltic te yat'ele, jich la yac' ilinuc yo'tan Cajwaltic ta stojol.

2 Reyes 16:3

Melel ja' la st'unbey sbe te anima muc' ajwaliletic ta Israel, asta la yac' ta chiq'uel ta majt'anil ta stojol lotil diosetic te snich'ane, jich te bit'il c'ax amen ya spasic te yantic nacionetic te la xch'oj loq'uel ta stojolic te israeletic te Cajwaltique.

Levítico 21:6

ac'a me xch'ultes sbaic ta mero melel ta jtojol te Dioson yu'unique, ma me xyaq'uic bolobuc sc'oplal te jbiil, melel ja'ic te ya yaq'uic ta jtojol te majt'anil ya yich' chiq'uel, ja' te we'elil cu'un. Ja' yu'un ya me sc'an te spisil ora ch'ultesbil ya x'ainique.

Romanos 2:24

Melel nix a te bila ts'ibubil jilel ta Sjun te Diose: “Ja'ex ta awentaic te ya yixtac'optaybey sbiil Dios te jyanlumetique”, te xie.

Romanos 1:23

Jich la sc'atp'unbeyiquix te yutsilal Dios te ma xlaj stuquele. Spasojic ta sloc'omba ants-winic te ma staleluc cuxule, soc sloc'ombail mutetic soc chambalametic soc chanetic.

2 Crónicas 28:3

la xchic' pom ta stenlej xatal q'uinal yu'un Ben-hinom, asta la xchic' te snich'nab ta swenta milbil smajt'an yu'un, jich bit'il ay ta pasel spisil ora, te c'ax ilaybil la spasic te yantic nacionetic te nutsbilic loq'uel yu'un Cajwaltic ta stojol te israeletique.

Jeremías 32:35

La spasbeyic scajtijib smajt'an lotil dios Baal ta Xatal yu'un Ben-hinom, yu'un tey ya xchiq'uic a te ch'in queremetic soc ach'ixetic yu'unic, ta swenta milbil smajt'an te lotil dios Moloc. Jich la yaq'uic ta mulil te Judá, ja' te c'ax amen ta jyalele, te ma'yuc la calbey mandal, soc ni ayuc ta co'tan.

Ezequiel 20:26

Ma'yuc bila la calix ta stojolic, la cac' te ya sta smulic ta yac'beyel smajt'an loc'ombaetic, soc la smilic ta c'ajc' te sba snich'anique. Te bit'il jich la jpase, swenta yu'un la cac' ochuc xiwel ta yo'tanic a, soc swenta yu'un jich ya sna'ic a te jo'on Ajwalilon’, xi' te Cajwaltic”, uta me.

Miqueas 6:7

¿Ya bal xbujts'naj yo'tan yu'un Cajwal, teme ya cac'bey jmil (1,000) ta jcojt' tat chijetic o lajunmil (10,000) yocja'etic c'oem ta puro aceite? ¿O ya bal cac'bey te sba jnich'an ta swenta stojol te jtoybail soc te jmule?

Levítico 24:15

Te bila ya sc'an ya yich'ic alel te israeletique, jich xawalbey: “Te mach'a ya sbolc'optay soc ya stoybac'optaybon te jbiil jo'on te Ajwalilon te Dioson awu'unique, ya me xcuch smul, ya me yich' milel ta ch'ojel ta ton yu'un ta spisil te lume. Manchuc jyanlum, o ja' nix te yajwal lume, teme ya sbolc'optay soc ya stoybac'optaybon te jbiil jo'on te Ajwalilone, ya me yich' milel ta puersa yu'un”, uta me.

2 Reyes 17:31

Te talic ta Ava ja' la spasbeyic sloc'ombail te Nibhaz soc Tartac. Te talic ta Sefarvaim la xchiq'uic scojt'ol ta c'ajc' te snich'nabic swenta smajt'an Adramelec soc Anamelec, te ja' diosetic yu'unique.

Amós 2:7

Ya stenic ta uts'inel soc ya spejc'anic te mach'atic me'baetique; soc ma xyac'beyic lequil chajbanel te mach'atic peq'uelique. Te winic soc nix te snich'ane, jtul nax ants ayic ta sc'oponel, jich ya sboltesbonic sc'oplal te jch'ul-biile.