Levítico 18:2 - Bible in Tzeltal de Oxchuc y Tenejapa

² —Jich xawalbey te israeletique: “Jo'on Ajwalilon te Dioson awu'unique.

Bible in Tzeltal Bachajón

² Hich yac awalbe te snich'nab Israel: Ho'on Jehovahon te Dioson awu'unic.

Levítico 18:2 Referans Kwoze

Éxodo 6:7

Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Levítico 11:44

melel jo'on te Ajwalilon soc te Dioson awu'unique. Te ja'exe ya me sc'an te mero ya alecubtes ac'oplalic, soc te ch'ultesbil ya x'ainexe, melel ch'ul Dioson te jo'one, ma me xawac' te ma lecuc ac'oplal ya xc'oat ta swenta te chambalametic ya stas sbaic ta beel ta lumq'uinale.

Ezequiel 20:5

Albeya: “Jich ya yal te Cajwaltique: ‘Te c'alal la jtsa Israel, ay bila jc'axel la cal ta jamal ta stojol patil alnich'anetic yu'un, soc la cac' jba ta na'el ta swenta cat'el ta stojolic ta Egipto. Jc'axel la cal ta jamal ta stojolic: “Jo'on Ajwalilon, Dioson awu'unic”, xoon.

Levítico 20:7

“Ch'ultesa me abaic ta jtojol, ch'ultesbiluquex me, melel jo'on Ajwalilon te Dioson awu'unique.

Ezequiel 20:7

Ta spisilic la jpas ta mandal, te ya xch'ay ta yo'tanic te bitic ilaybil sba cuybilic ta Dios yu'unique, soc la calbey te ma ba ya sboltes sbaic ta swenta te loc'ombaetic yu'un Egipto, melel jo'on yajwalon soc Dioson yu'unic.

Salmos 33:12

Bin nax yutsil te lum te ja' Dios yu'un te Cajwaltique, ja' te lum stsaoj te yu'uninej stuquele.

Levítico 19:34

Jichuc me ta awo'tanic te bit'il ja'exe, c'ux me x'awaiy ta awo'tanic, melel ja' nix jich jyanlum ayex ta Egipto. Jo'on Ajwalilon, Dioson awu'unic.

Levítico 19:10

Ma me xatsob xan spisil te sit ats'usubile, soc ma me xatam te sit ats'usubil lubajeme; ijq'uitaybeya te me'baetic soc te jyanlumetique. Jo'on Ajwalilon, Dioson awu'unic.

Levítico 18:4

“C'otuc me ta pasel awu'unic te bitic chapal cu'un, soc te mandaliletic cu'une; jich me x'ainex te bit'il ya yalbeyex te mandaliletique. Jo'on Ajwalilon, Dioson awu'unic.

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Génesis 17:7

Soc jc'axel ya jpas trato ta atojol ja'at soc jayeb ats'umbal ta patil. Swenta sbajt'el q'uinal te trato cu'un: te jo'on Dioson awu'un, soc Dioson yu'un jayeb ats'umbal ta patil.

Levítico 18:1

Te Cajwaltic la sc'opon te Moisés, jich la yalbey:

Levítico 18:30

Ja' yu'un, pasaic me te bila mandalil caloje, ma me xapajbeyic stalelic te la spasic te bitic mero ilaybil sba la spasic te mach'atic nainic tey a, soc ma me xapasic te bila boloben ac'oplal ya xc'oex yu'une. Jo'on Ajwalilon te Dioson awu'unique.” Jich me ya xc'o awal ta stojolic —xi' te Cajwaltique.

Levítico 20:23

Ma me xanopbeyic yat'el te mach'atic ya jloq'uesbeyex bael ta atojolique; ja'ic stuquelic la spasic spisil, ja' yu'un ma ba cujch'ix cu'un te smulique.