Levítico 18:16 - Bible in Tzeltal de Oxchuc y Tenejapa

¹⁶ “Ma me xwayat soc te yinam abanquil o awijts'ine, melel ya me aboltesbey sc'oplal te abanquil, awijts'in teme jich ya apasbeye.

Bible in Tzeltal Bachajón

¹⁶ Ma me xwayat soc te yihnam abanquil o awihts'in, ya me xbohlob sc'oblal a te abanquil o awihts'in.

Levítico 18:16 Referans Kwoze

Deuteronomio 25:5

“Teme ay cheb winiquetic te yermano sbaic te jun nax na te banti nainemique, teme ay ya xlaj jtuluque, teme ma'yuc ya xjil jtuluc snich'ane, te me'ba ants ma me xju' ya xnujbin soc winic teme yan familia. Ja' ni me te yermano te smamlal te laj te ya xju' ya yic' yinamine. Jich me ya spas a te bila ay ta swenta spasel ta stojol te antse, swenta te bit'il ja' yinam yermanoe.

Levítico 20:21

“Teme ay mach'a ya spojbey te yinam sbanquil o yijts'in, ya me sboltesbey sc'oplal te yermanoe. Mero ilaybil me sba ta pasel, ma me ayuc yal-snich'nab a te ya xlajique.

San Marcos 12:19

—Maestro, te Moisese la sts'ibubotic jilel: “Teme ay laj jtul winic te cuxul jilel te yiname, teme ma'yuc jilel snich'ane, ja' ac'a yic' yinamin te yijts'ine, swenta yu'un jich me ay sts'umbal ya xc'ot a te sbanquile,” te xie.

San Mateo 22:24

—Maestro, la yal jilel te Moisese: “Teme ay laj jtul winic te cuxul jilel te yiname, teme ma'yuc jilel snich'ane, ja' ac'a yic' yinamin te yijts'ine. Jich me ay sts'umbal ya xc'ot te sbanquile”, te xie.

San Lucas 3:19

Soc la yalbey ta jamal smul te ajwalil Herodese. Yu'un ja' la yic' yinamin te Herodías te yinam Felipe ja' te yijts'ine. Soc la yalbey xan spisil te bitic amen spasoje.

San Marcos 6:17

Melel te Herodese la sticun ta tsaquel ta neelal to te Juane, te la yac' ta chuquel ta cadena ta bay chucjibal. Jich la spas ta scaj te Herodiase te yinam yijts'ine te Felipe sbiile. Melel te ajwalil Herodese, ja' yic'oj yinamin te yinam yijts'ine.