Levítico 17:5 - Bible in Tzeltal de Oxchuc y Tenejapa

⁵ Te chambalametic ma me smilic ta yol q'uinal te israeletic te ya yac'bonic jmajt'anin, jo'on te Ajwalilone. Ya me sc'an ya yiq'uic bael ta stojol sacerdote ta yochibal Nailpac' te banti ya quich' c'oponele, swenta yu'un ya yac'bon jmajt'anin, ja' me te milbil majt'anil swenta lamal-o'tanile.

Bible in Tzeltal Bachajón

⁵ scuenta yu'un te snich'nab Israel ya me yiq'uic tal ta stojol Jehová te milbil mahtaniletic te yac yac'belic ta yohl q'uinal, ha ya ya'beyic te sacerdote ta yochibal te Nahilpac' Templo yu'un tahojibal, hich ya ya'beyic smahtanin Jehová te milbil mahtanil yu'un lamal q'uinal.

Levítico 17:5 Referans Kwoze

Ezequiel 22:9

Ay ya spasic lot swenta jich ya x'ac'ot ta lajel yu'un a te yantique. Ay ya xwe'ic-x'uch'ajic ta witsetic ta yich'el ta muc' te loc'ombaetique. Ay ya spasic te bitic mero ilaybil sbae.

Ezequiel 20:28

Te c'alal la cac' ochel ta lumq'uinal te la cal ta jamal te ya cac'beye, yacalic to nax ta yilel a te toyol tselelique soc te muc'ul te' te bayal yabenale, tey la yaq'uic a te milbil majt'anil yu'unic, te mero ilaybil cu'une. Tey la yaq'uic bitic bujts'an yic', soc tey la smalic a te majt'anil vino yu'unique.

2 Crónicas 28:4

Ja' nix jich la yac'bey milbil majt'anil soc la xchic'bey pom ta toyol ch'uunjibal, soc ta ch'in witsetic, soc ta ye'tal yaxal te'etic te bayal yabenal.

2 Reyes 17:10

Soc la sjachic ch'ultesbil tonetic, soc sloc'omba Asera ta jujun toyol witsetic, soc ta ye'tal muc'ul te'etic te ay bayal sc'ab soc bayal yabenal.

2 Reyes 16:4

Soc xan, la yac'bey milbil smajt'an soc la xchic'bey pom ta toyol ch'uunjibal, ta toyol witsetic, soc ta spisil ye'tal te'etic te bayal sc'ab soc yabenale.

1 Reyes 14:23

Ja' nix jich la spas toyol ch'uunjibaletic, la stejc'an jajch'el tonetic soc sloc'omba Asera ta spisil ta bujul q'uinal, soc ta spisil yanil te'etic te bayal yabenale.

Deuteronomio 12:2

“Te lumetic te ya xc'o awu'uninbeyic te sq'uinalique, ya me ajinbeyic ta jc'axel spisil te yawil te banti ya xch'uunic te diosetic yu'unique: ta muc'ul witsetic, soc ta ch'in stselej witsetic, soc ta ye'tal te'etic te bayal yabenale.

Éxodo 24:5

La yalbey te queremetic te ya xba smilbeyic smajt'anin Cajwaltic toroetic te ya xchic'bey scojt'ol, soc ay ya yac'bey smajt'anin swenta seña lamal-o'tanil.

Génesis 31:54

Te Jacob la yac'bey milbil smajt'an Dios tey a ta wits, la yic' tel te yermanotaque, yu'un ya xtal sjoin sbaic ta sti'el te sti'balule. Tey we'ic a, soc tey wayic a ta bay wits.

Génesis 22:13

Jich te Abraham la stoy sit, la sujt'es sba. La yil ay tat chij te quijc'ajem xulub ta pimil ch'ixtiquil. Ba stsac te tat chije, ja' la smilbey smajt'anin te Diose, ja' sjelol te snich'ane.

Génesis 22:2

Albot yu'un te Diose: —Ic'a bael te jip jtul anich'an Isaac te bayal c'ux ta awo'tane, baan soc ta sq'uinal Moriah. Tey ta bay wits te ya calbate, ya me xc'o amilbon jmajt'anin te anich'an, scojt'ol me ya yich' chiq'uel ta jtojol —xi' sc'oplal yu'un te Diose.

Génesis 21:33

Te Abraham la sts'un jpejt' tamarisco-te' ta Beerseba, tey la sc'opon a te Cajwaltic Dios te stalel cuxul sbajt'el q'uinale.

Levítico 17:4

Teme ma ba ya yich'bon tel ta yochibal Nailpac' te banti ya quich' c'oponele, jo'on te Ajwalilon, swenta jmajt'an ta ch'ul awilal cu'une, ya me sta smul ta swenta bit'il la smal ch'ich'. Ja' yu'un ya me yich' loq'uesel ta yolil te slumale.

Levítico 17:6

Te sacerdote ya me stsijts'anbeyic xch'ich'el ta scajtijib ta chiq'uel majt'anil cu'un jo'on te Ajwalilone, te ay ta stojol yochibal Nailpac' te banti ya quich' c'oponele, soc ya me xchic'bey te xepuil swenta chic'bil majt'anil te buen bujts'an yic' ta jtojol jo'on te Ajwalilone.

Ezequiel 43:27

Juqueb me c'aal jich ya spasic. Ta swaxaquebal c'aal bael ya me xjajch' yaq'uic te majt'anil te chic'bil scojt'ole soc te milbil majt'anil swenta lamal-o'tanile. Jich me ya quiq'uex ta jtojol a, bin nax me co'tan ta atojolic. Jo'on Ajwalilon te jich caloje —xi' te Cajwaltique.

Ezequiel 44:15

“Te sacerdote-levitaetic patil alnich'anetic yu'un Sadoc, te jilic stalel ta abatinel ta templo cu'un te c'alal la yijq'uitaybonic te beetic cu'un te israeletique, ya me xju' ya xnoptsajic ta jtojol stuquelic, soc ya me xju' ya yac' sbaic ta abatinel cu'un. Ya me xju' ya stejc'an sbaic ta jtojol, swenta yu'un ya yac'bonic te xepuil soc te xch'ich'el te milbil majt'anile. Jo'on Ajwalilon te jich caloje.

1 Reyes 3:2

Pero te ants-winiquetic c'ayemic ta yaq'uel milbil smajt'an Dios ta toyol xch'uunjibal, ta scaj te ma to ayuc pasbil a te templo yu'un Cajwaltique.

1 Reyes 3:3

Te Salomón c'ux ta yo'tan te Cajwaltique, soc ja' la st'un te bila mandalil albot yu'un te David, ja' te anima stat. Ja'uc me to, ja' nix la yac' milbil majt'aniletic soc la xchic' pom ta toyol ch'uunjibaletic.