Levítico 17:16 - Bible in Tzeltal de Oxchuc y Tenejapa

¹⁶ Pero teme ma ba ya sac' te sc'u'-spaq'ue, soc teme ma ba ya spoc sba ta ja', xcuchoj me ya xjil te smule.” Jich me ya xc'o awal ta stojolic —xi' te Cajwaltique.

Bible in Tzeltal Bachajón

¹⁶ Pero teme ma ba ya sac' sc'u' spac' soc ma ba ya x'atin, scuchoj ya xhil te smule, xchi te Jehová.

Levítico 17:16 Referans Kwoze

Levítico 5:1

“Teme ay mach'a ya yich' iq'uel yu'un ya yal ta jamal swenta testigo te ay bila la yile, o te ay bila la yaiye, pero teme ma sc'an ya yale, ja' me smul ya xc'ot te ma la yale.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

San Juan 13:8

La yal te Pedroe: —¡Ma'yuc bi ora ya cac'bat apocbon cacan! —xi'. Jesús la yalbey: —Teme ma jpocbat awacane, ma xju' te cu'un ya xc'oate —xi'.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Levítico 20:17

“Teme ay winic ya yic' yinamin xwix o yijts'in-ach'ix, manchuc me yijts'in ta swenta stat o ta swenta sme', teme la sta sba soque, ya me yich'ic loq'uesel ta stojol te slumalique. Melel te bit'il ya sta sba soc te jun sme' o jun stat soque, mero q'uexlaltic sba ta pasel. Ja' yu'un te mach'a ya spase, ya xcuch te smul yoloj la slee.

Levítico 19:8

Te mach'a ya sti', ja' smul ya xc'ot, ya me yich' loq'uesel ta stojol te slumale, swenta bit'il la yixlan te bila ch'ultesbil cu'une.

Levítico 7:18

Teme ay mach'a ya sti'bey sbaq'uetal ta yoxebal c'aal smilel a te majt'anil swenta lamal-o'tanil, te milbil majt'anil ma'yuc sc'oplal ya xc'ot, soc ma'yuc ta jwenta ya xc'ot. Te ti'bale ilaybil me ya xc'ot. Teme ay mach'a ya sti'e, ja' me smul ya xc'ot.

Levítico 18:1

Te Cajwaltic la sc'opon te Moisés, jich la yalbey: