Levítico 17:15 - Bible in Tzeltal de Oxchuc y Tenejapa

¹⁵ “Mach'auc israelil, o jyanlumil, teme ya sti'bey sbaq'uetal lajem chambalam, o teme ya sti'bey sbaq'uetal te ixlanbil yu'un yan jti'awal ja'mal chambalame, ya me sc'an te ya sac' te sc'u'-spac', soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal. Patil lecubtesbil me sc'oplal ya xjil.

Bible in Tzeltal Bachajón

¹⁵ Mach'ayuc a, teme ha nix slumal o jyanlum, teme ya swe'be sbaq'uetal chamen chambahlam o te ixtalambil yu'un ti'awal chambahlam, ya me sac' sc'u' spac' soc ya me x'atin, bohloben sc'oblal ya xhil c'alal ta yihc'ubel q'uinal; patil lec sc'oblal ya xhil.

Levítico 17:15 Referans Kwoze

Deuteronomio 14:21

“Ma me xati'ic te chambalam ya xlaj ta stuquel nax, melel te ja'exe, ch'ultesbilex yu'un te Cajwaltic te Dios cu'untique. Ya me xju' ya awac'bey te jyanlumetic nainemic ta alumalique, ya me xju' ya sti'ic stuquel. Soc ya xju' ya achonbeyic te jyanlumetic c'axel nax ayique. “Ma me xapayic ta ya'lel xchu' sme' te ch'in tentsune.

Levítico 22:8

Ma me xju' ya sti'bey sbaq'uetal lajem chambalam, o chambalam te yich'oj milel yu'un jti'awal ja'mal chambalame, ma me lecuc sc'oplal ya xc'ot yu'un. Jo'on Ajwalilon.

Éxodo 22:31

“Te ja'exe ch'ultesbiluquex me ta jtojol. Ma me xati'beyic sbaq'uetal lajem chambalam te milbil yu'un jti'awal ja'mal chambalam ta yol q'uinal. Ac'beyaic me sti' te ts'i'etique.

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

Ezequiel 44:31

Te sacerdoteetic ma me xju' ya swe'ic mutetic o yantic chambalametic te stuquel nax lajemique, o teme yich'oj milel ta jti'awal chambalame.

Ezequiel 4:14

La jac'bey te jo'one: —Pero Cajwal, te jayebix c'aal te cuxulon ta q'uinale, ma'yuc bi ora jpicoj te bila amene. Soc ma'yuc bi ora jti'ojbey sbaq'uetal chambalam te stuquel nax lajeme, o ja' te chambalam yich'oj milel yu'un yantic jti'awal chambalame. Jc'axel ma'yuc bi ora jpasoj caiy prueba sbaq'uetal chambalam te bolobene —xoon ta stojol.

Levítico 15:5

“Mach'auc a te ya spic te banti way te winique, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Números 19:21

Ja' me mandalil cu'un sbajt'el q'uinal. Te mach'a ya yaiy tsijts'anwanej ta ja' yu'un lecubtesel, ya me sac' uuc te sc'u'-spaq'ue. Te mach'a ya spic te ja' yu'un lecubtesel, ma me lecuc sc'oplal ya xjil ja' to c'alal ta yijc'ubel q'uinal.

Números 19:19

Te mach'a lec sc'oplal, ta yoxebal c'aal ya me stsijts'anbey ja' swenta lecubtesel te mach'a ma lecuc sc'oplal, soc ta sjuquebal c'aal. Ta sjuquebal c'aal lecub meix sc'oplal. Jich yu'un te mach'a ma lecuc sc'oplal ya me sac' te sc'u'-spac' soc ya me spoc sba ta ja', pero ma lecuc sc'oplal ya xjil c'alal ta yijc'ubel q'uinal.

Números 19:8

Te winic ya xchic' te me' wacax, ya me sac' te sc'u'-spac' soc ya me spoc sba ta ja', ma ba lec sc'oplal ya xjil uuc c'alal ta yijc'ubel q'uinal.

Levítico 15:21

“Mach'auc a te ya spic te banti waye, ya me sc'an te ya sac' te sc'u'-spac' soc ya me spoc sba ta ja', soc ma ba lec ya xjil sc'oplal c'alal yijc'ubel q'uinal.

Levítico 15:10

“Teme ay mach'a ya spic te banti najc'ajem te winic te ay ta wocol yu'un te bila ya xmal yu'une, ma ba lec sc'oplal ya xjil c'alal yijc'ubel q'uinal. “Teme ay mach'a ya yich' bael te biluquetique, ya me sc'an ya sac' te sc'u'-spaq'ue, soc ya me spoc sba ta ja', ma ba lec sc'oplal ya xjil c'alal yijc'ubel q'uinal.

Levítico 7:24

Te xepuil chambalametic te lajeme soc te ixlanbil yu'un jti'awal ja'mal chambalame, ya me xju' ya xtuun ta swenta yan, pero ma me xju' ya awe'ic.

Levítico 11:40

Te mach'a ya sti'bey sbaq'uetal te chambalam stuquel lajeme, ya me sc'an te ya sac' te sc'u'-spaq'uique, soc ma me lecuc sc'oplal ya xjil c'alal ta yijc'ubel q'uinal. Ja' nix jich te mach'a ya sloq'uesbey sbaq'uetal te lajem chambalame, ac'a sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal.

Éxodo 22:30

Te sba yalatac te awacaxic soc te achijique, te c'alal ya x'ayinic, juqueb me c'aal ya sjoin te sme'ique. Teme la staix waxaqueb c'aale, ya me awac'bonic.

Levítico 11:24

“Te bitic ma lecuc sc'oplal ya xc'oex yu'un, ja'ic in to: “Mach'auc a te ya spicbey te sbaq'uetal junuc te chambalametic lajeme, ma me lecuc sc'oplal ya xjil yu'un c'alal ta yijc'ubel q'uinal.

Levítico 11:27

“Spisil chambalametic chaneb yacan te stan yacan ya stec' lum ae, ma me lecuc sc'oplal awu'unic. Mach'auc a te ya spicbey te sbaq'uetal teme lajeme, ma me lecuc sc'oplal ya xjil c'alal ta yijc'ubel q'uinal.

Levítico 11:28

Ja' ni me jich te mach'a ya sjachbey sbaq'uetal teme lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal. Ya me sc'an te ma lecuc sc'oplal awu'unic te chambalametique.

Levítico 11:31

“Ta spisilic te chambalametic te mero bayalic ta q'uinale, ja'ic ya me sc'an te ya awilayic. Mach'auc a te ya spicbey sbaq'uetal teme lajem, ma me lecuc sc'oplal ya xjil c'alal ta yijc'ubel q'uinal.

Levítico 11:32

“Soc ma lecuc sc'oplal ya xjil spisil biluquetic ya xch'ay coel ta sba te lajem chambalam. Manchuc me biluquetic pasbilic ta te', c'u'il, soc biluc a pasbil ta nujc'ule, coxtal, o biluc at'ejibalil yu'un at'el, ya me xju' ya yich'ic aq'uel ochel ta ja', ma me lecuc sc'oplal ya xjil c'alal ta yijc'ubel q'uinal, jich me lecubenix sc'oplal ya xjil a.

Levítico 11:39

“Teme ay ya xlaj chambalametic awu'unic te lec ta ti'ele, teme ay mach'a ya spicbey te sbaq'uetale, ma me lecuc sc'oplal ya xjil c'alal ta yijc'ubel q'uinal.