Levítico 17:14 - Bible in Tzeltal de Oxchuc y Tenejapa

¹⁴ melel ta ch'ich' cuxul te bitic cuxulique. Ja' yu'un la calbeyexix te ma xju' ya alo'ic te ch'ich'e, melel ja' cuxul spisil a te bitic cuxulique. Mach'auc a te ya slo'e, ya me yich' loq'uesel ta yolil te yajwal lume.

Bible in Tzeltal Bachajón

¹⁴ como ay ta ch'ich' te scuxlejale. Ha scuentahil te la jcalbe te snich'nab Israel: Ma me xawe'beyic sch'ich'el biluc a te cuxule, como ay ta ch'ich' te scuxlejale. Mach'ayuc a te ya swe', ya me yich' loq'uesel bahel.

Levítico 17:14 Referans Kwoze

Génesis 9:4

Ja'uc me to, ay bi ma xju' ya awe'elinic, ja' te ti'bal te yich'oj to te xch'ich'ele, ma me xati'. Melel ja' xcuxlejal.

Deuteronomio 12:23

Ma me xju' ya alo'beyic stuquel te xch'ich'ele, melel ja' xcuxlejal. Ja' yu'un ma ba lec teme ya alo'bey xch'ich'el, ja' nax me te sbaq'uetale.

Hechos 15:20

Ja' nax ac'a jts'ibubeytic sjunic te ya calbeytic te ma me swe'elinic te we'elil te ma lecuc sc'oplal te ac'bil ta jmajt'anil ta stojol te loc'ombaetique, soc te ma me xyalic ta mulil, soc te ma sti'beyic sti'balul ta bay ts'otbil nax snuc' te yich'oj milele, soc te ma stuuntesic te ch'ich'e.

Éxodo 30:33

Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.