Levítico 16:6 - Bible in Tzeltal de Oxchuc y Tenejapa

⁶ Ya me yac' te toro swenta milbil majt'anil yu'un smul, swenta yu'un jich ya sta te perdón yu'un smul soc nix te smul te mach'atic ay yu'une.

Bible in Tzeltal Bachajón

⁶ Te Aarón ya yac' te jcolel toro yu'un scuenta stojel smul soc smul te mach'atic ay yu'un ta sna.

Levítico 16:6 Referans Kwoze

Hebreos 9:7

Yan ta bay te xcha'tsalale, ja' nax stuquel te muc' sacerdote te ya x'och bael jun buelta ta jun ja'wil. In te c'alal ya x'och baele, puersa ya yich' ochel xch'ich'el chambalametic te ya xc'o stsijts'an tey a swenta xch'ayjibal te smule soc xch'ayjibal smul uuc te slumale te ma'yuc ta yo'tanic te bila mulil te la spasique.

Levítico 9:7

Te Moisés jich la yalbey te Aarón: —Noptsajan bael ta scajtijib ta chiq'uel majt'anil, mila te majt'anil yu'un amul, soc te chambalam ya awac' ta chiq'uel scojt'ol swenta sc'anel perdón yu'un amul soc nix te smulic te israeletique. Ac'a te majt'anil yu'un israeletic swenta sc'anel perdón yu'un te smulique, jich nix te bit'il yaloj mandal te Cajwaltique —xi' te Moisese.

Hebreos 7:27

Ma pajaluc soc te yantic muc' sacerdoteetic te puersa ya smilbeyic smajt'anin chambalametic jujun c'aal te Diose, te ja' neel ya smilic swenta xch'ayjibal smulic soc te patil ya smilic yan swenta xch'ayjibal smulic uuc te slumale. Melel te Jesuse tic' a te la yac' sba ta milbil smajt'an Dios jun buelta, te bit'il la yac' sba ta lajel stuquele.

Ezequiel 43:27

Juqueb me c'aal jich ya spasic. Ta swaxaquebal c'aal bael ya me xjajch' yaq'uic te majt'anil te chic'bil scojt'ole soc te milbil majt'anil swenta lamal-o'tanile. Jich me ya quiq'uex ta jtojol a, bin nax me co'tan ta atojolic. Jo'on Ajwalilon te jich caloje —xi' te Cajwaltique.

Ezequiel 43:19

Te sacerdote-levitaetic te patil alnich'anetic yu'un Sadoc, te ja'ic nax te ya xju' ya xnoptsajic ta jtojol yu'un ya cabatinique, ya me awac'bey jcojt' toro swenta yu'un ya yac' ta milbil majt'anil yu'un smulic. Jo'on Ajwalilon te jich caloje.

Job 1:5

Te c'alal ya xlaj te q'uin yu'unic ta jujun snaic te snich'nab te Jobe, ya stsob te snich'nabe. Ta buen sab ya xjajch', ya yac'bey milbil smajt'an Dios te ya yich' chiq'uel ta scojt'ol yu'un ta juju-jtul te snich'nabe, swenta yu'un jich ya yich'ic lecubtesel yu'un smulic a. Jich la spas spisil ora te Job, la yal ta yo'tan teme repente ay staoj smulic te snich'nabe. Soc teme ay la yixtac'optayic Dios ta yo'tanique.

Hebreos 9:12

Tey ochemix stuquel a te Cristo ta banti te Mero Ch'ul Awilale. Soc ma ja'uc xch'ich'el tat tentsun soc xch'ich'el alal wacax te c'o yac' ta ilel ta stojol te Diose. Ja' c'o yac' stuquel te xch'ich'ele. Jc'axel ochemix tey a ta bay te Mero Ch'ul Awilale. Jich la swejt'esbotiquix jcoleltic yu'un jmultic sbajt'el q'uinal.

Levítico 16:3

Te Aarón ya me x'och bael ta yutil te ch'ul awilal, pero ya me yic' tel jcojt' toro swenta milbil majt'anil yu'un mulil, soc jcojt' tat chij swenta yu'un ya x'och ta majt'anil te scojt'ol ya yich' chiq'uele.

Levítico 16:7

Patil ya me stsac te cheb tentsunetic te Aarón, ya me scojt'anbon ta jtojol, jo'on te Ajwalilon, ta stojol te yochibal Nailpac' te banti ya quich' c'oponele.