Levítico 16:4 - Bible in Tzeltal de Oxchuc y Tenejapa

⁴ Ja' me ya slap bael te snajt'il lino c'u' ch'ultesbile, ya me smac sbaq'uetal ta scomol wex te pasbil ta lino, soc ya me xchuc bael ta xch'ujt' te chujq'uile, soc te xpixol lino-paq'ue. Ja' in to ja' te ch'ul c'u'ile, ja' yu'un neel me ya sc'an ya spoc ta ja' te sbaq'uetal te c'alal ya slape.

Bible in Tzeltal Bachajón

⁴ Ya slap bahel te ch'ultesbil smuc'ul-c'u' pasbil ta lino, ya slap te comil-wexal pasbil ta lino, ya schuc te schuhquil sch'uht pasbil ta lino, soc ya slap te spixjol lino-pac'. Ha te ch'ul c'u'uletic, ha ya slap te c'alal atinemix a.

Levítico 16:4 Referans Kwoze

Éxodo 30:20

Ya me spoc sbaic ochel ta Nailpac' te bay ya quich' c'oponele. Ja' ni me jich te c'alal ya xtalic ta bay scajtijib milbil jmajt'an te ya xba spas yat'el ta xchiq'uel milbil jmajt'an ta jtojol jo'on te Ajwalilone. Jich me ma xlajic.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

Levítico 6:10

Te sacerdote ya me slap sc'u' soc scomol wex, pasbilic ta lino. Ya me stsobbey te stanul te chambalam la yich' chiq'uel ta sba te scajtijib, ya me yac' jilel ta xujc' te scajtijib majt'anile.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Hebreos 2:14

Te bit'il ch'ich'-baq'uet ayic te “alnich'anetic” te xie, jich nix ch'ich'-baq'uet c'ot uuc te Jesuse, swenta yu'un jich ju' yu'un tsalaw a te bit'il laje. Jich ju' yu'un te la slajinbey yip yu'el te lajele, ja' bi ja' te pucuje.

Filipenses 2:7

Jich la yijq'uitay jilel ta yo'tan te bila ay yu'une. Mero abat la yac' sba. Pajal soc ants-winiquetic ain ta balumilal.

San Lucas 1:35

Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.

Isaías 53:2

Te Cajwaltic la sc'an yo'tan te jichuc ya xmuc'ub yabat te bit'il unin te' te wocol ya xme'in bael yisim ta bay taquin q'uinal. Ma t'ujbiluc, ma'yuc yutsil, ma'yuc ta mulanel, ni jtebuc;

Levítico 16:24

Tey me ya spoc sba ta ja'. Slapojix sc'u'-spac' a, ya xloc' bael swenta yu'un ya me yac' te majt'anil te scojt'ol ya yich' chiq'uele, soc te ya yac' yu'un te yajwal lume. Jich me ya sta a te perdón yu'un smul soc nix yu'un smulic te yajwal lume.

Éxodo 40:12

“Ic'a bael te Aarón soc te snich'nab ta bay sti'il te Nailpac' te bay ya quich' c'oponele, ya me awac' spoc sbaic tey a.

Éxodo 29:4

Ic'a bael te Aarón soc te snich'nab ta yochibal te Nailpac' te bay ya quich' c'oponele. Albeya, ac'a spoc sbaic.

Éxodo 28:2

Te abanquile ac'beya ta pasel ch'ul paq'uetic yu'un, te bayal yutsilic soc te t'ujbilic ta ilele.

Levítico 16:23

Patil te Aarón ya me x'och bael ta Nailpac' te banti ya yich' c'oponel te Cajwaltique, ya me sloq'ues te snajt'il lino c'u' la slap te c'alal och ta ch'ul awilal, ya me yijq'uitay jilel tey a.

Levítico 16:32

Te sacerdote ya yich' tsaele, ja' te mach'a ya yich' aq'uel tulan yat'el yu'un ja' ya yich'bey yat'el ta sacerdoteil te state, ya me spas te bit'il ya xwejt' perdón yu'un a te amulique; ya me slap te c'u'il ch'ultesbil te pasbil ta lino.

Ezequiel 9:2

La quil waqueb winiquetic yacalic ta ochel tel ta sti' smuc'ul yochibal te ay ta stojol norte, juju-jtul yich'ojic yat'ejib ta sc'abic. Ta yolilic yac ta talel jtul winic sc'u'inej saquil lino-pac', ay at'ejibaletic yu'un ts'ibajel ta xchujq'uil xch'ujt'. Ochic bael, c'o stejc'an sbaic ta nopol scajtijib ta chiq'uel majt'anil pasbil ta bronce.

Ezequiel 44:19

Ma to xloq'uic ta amac' ta yutil a te banti ay yajwal te lume, ya me sloq'uesic te sc'u'ic tuun yu'unic ta at'el ta mero templo, ya me yijq'uitayic jilel ta cuartoetic ta mero templo. Ac'a slapic yan c'u'il, jich ma xpujc' bael ta stojol a te yajwal lum te yutsilal scaj te ch'ultesbile.

Levítico 6:3

o teme yu'un la smuc ta yo'tan teme ay bila ch'ayemix a te la stae, o teme yu'un ay bi la yal te ma meleluque (teme la spas junuc in to, ja' me mulil abi)