Levítico 16:34 - Bible in Tzeltal de Oxchuc y Tenejapa

³⁴ “Ja' in to ja' me mandal ta atojolic te ma'yuc bi ora ya xlaj sc'oplal awu'unique: jun buelta ta jun ja'wil ya apasic te bila ya yich' pasulayel ta swenta stael perdón yu'un te amulique, ja' te muliletic spasojic te alumal israele. Jich me ya xc'o awal ta stojolic —xi' te Cajwaltique. Mero jich la yich' pasel te bit'il albot yu'un Cajwaltic te Moisese.

Bible in Tzeltal Bachajón

³⁴ Ha mandar awu'unic te ma xlaj sc'oblal scuenta spasel stojel mulil jun buelta ta jujun ha'bil, yu'un spisil smul te Israel, xchi te Jehová. Te Moisés hich la spas te bin ut'il halbot yu'un Jehová.

Levítico 16:34 Referans Kwoze

Hebreos 9:7

Yan ta bay te xcha'tsalale, ja' nax stuquel te muc' sacerdote te ya x'och bael jun buelta ta jun ja'wil. In te c'alal ya x'och baele, puersa ya yich' ochel xch'ich'el chambalametic te ya xc'o stsijts'an tey a swenta xch'ayjibal te smule soc xch'ayjibal smul uuc te slumale te ma'yuc ta yo'tanic te bila mulil te la spasique.

Hebreos 9:25

Yan te muc' sacerdote te ay ta balumilale jujun to ja'wil ya x'och bael ta bay Mero Ch'ul Awilal te ya xc'o stsijts'an ta stojol Dios te ch'ich' te ma ja'uc xch'ich'el stuquele. Yan te Cristoe ma ba ya yac'ulay sba ta lajel bayal buelta stuquel.

Éxodo 30:10

Ja' in scajtijib jmajt'an to ja' nax me cu'un jtuquel te Ajwalilone. Te Aarón jun me buelta jujun ja'wil ya yac'bey ch'ich' te xulubiletic yu'un te scajtijib jmajt'ane, ja' me xch'ich'el te milbil jmajt'an te ya yich' tael perdón yu'un a te amulique. Jun me buelta jujun ja'wil, pero spisil me ja'wil ya yich' ac'ulayel te xch'ich'el milbil jmajt'an, swenta yu'un ya ataic perdón yu'un a te amulique —xi' te Cajwaltique.

Hebreos 10:14

Ta swenta jun nax smajt'an Dios te la yaq'ue, jc'axel ju' yu'un yutstesel sbajt'el q'uinal te mach'atic jayeb ya yich'ic ch'ultesel yu'une.

Hebreos 10:3

In te milbil majt'anile, ja' nax ya x'ac'bot xan sna'ic jujun ja'wil a te smulique.

Números 29:7

“Ta slajunebal c'aal ta sjuquebal u, ay me ch'ul tsoblej awu'unic. Ja' me ya acom awe'elic a, soc ma me ayuc at'el ya apasic.

Levítico 23:31

“Ma me ayuc bila at'elil xapasic a jiche. Te jmandal ma me ayuc bi ora ya xlaj sc'oplal, ya me xc'ax ta stojol me'il-tatiletic soc ta stojol patil alnich'anetic ta bayuc te ya xnainexe.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Levítico 17:1

Te Cajwaltic la sc'opon te Moisés, jich la yalbey:

Levítico 23:28

Ma me ayuc bila at'elil ya xju' ya apasic, melel ja' Sc'aalelal Perdón, te ja' yorail a te ya ataic te perdón ta jtojol jo'on te Dioson awu'unique.

Éxodo 39:43

Te c'alal la yil ta spisil te Moisés te jich a c'ot ta pasel yu'unique, la yalbey wocol Dios ta stojolic yu'un.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

Levítico 16:2

Jich la yalbey te Moisese: —Albeya te abanquil Aarón, te ma me biluc nax ora ya x'och bael ta yutil ch'ul awilal ta spat te pac' t'imile, soc ma me xnoptsaj bael ta banti te yawil perdón te ay ta sba te caja, swenta yu'un jich ma xlaj a. Melel ya me xchicnajon ta ilel ta sba tocal.

Levítico 24:23

Te Moisés la sc'opon te israeletic, la sloq'uesic bael ta campamento yu'unic te mach'a la stoybac'optay te Diose, tey c'o smilic ta ch'ojel ta ton a. Jich nix la spasic te israeletic te bit'il albotic mandal yu'un Cajwaltic ta swenta te Moisese.