Levítico 16:31 - Bible in Tzeltal de Oxchuc y Tenejapa

³¹ Ja' me te stalel ya xjil ta atojolique: ja' me jun c'aal te tsabil ta atojolic te yorail ya acux awo'tanic, soc tsabil yu'un yorail ya acom awe'elic.

Bible in Tzeltal Bachajón

³¹ Ha sc'ahc'alel cux-o'tan awu'unic soc te yac acom abahic ta spasel te bin scuenta abaq'uetal; ha mandaril te ma xlaj sc'oblal.

Levítico 16:31 Referans Kwoze

Levítico 23:32

Sc'aalelal me cux-o'tan soc scomel awe'elic; ya me xjajch' awajtayic ta yijc'ubel q'uinal ta sbalunebal c'aal sjajch'el a te u, c'alal to ta yijc'ubel q'uinal ta xchebal c'aal —xi'.

Isaías 58:5

¿Ya bal acuyic te bin nax co'tan yu'un te jich ya apasic ayunoe? ¿Ja' bal lec awaiy te ya awac' abaic ta mel-o'tan? ¿Ja' bal lec awaiy te ya atinan coel ajol jichuc snich ac, soc te ya alap ta metslej ch'ixal paq'uetic ta c'ajc'al tane? ¿Ja' bal spasel ayuno sbiil awu'unic abi? ¿Soc ja' bal te bi c'aalil bin nax co'tan ta ac'opic a te Awajwalone?

Isaías 58:3

Ja'uc me to, ya yalic: “¿Bistuc ya jpastic ayuno? Melel ma xyil te Diose. ¿Bistuc ya cac' jwocoltic, teme ma'yuc ta wenta yu'une?” xiic ta yalel. Ja'uc me to, te bi c'aalil ya yich' pasel ayunoe, ja' ya awat'elinic chonbajel a, soc ya atenic xan ta at'el te awinictaque.

Levítico 25:4

pero ta sjuquebal ja'wil, mero ts'acal me ya awac'beyic xcux yo'tan te lumq'uinal, swenta quich'jibal ta muc' jo'on te Ajwalilone. Ja' yu'un ma me ayuc bila xats'unic ta aq'uinalic te ja'wil in to, soc ma me xaloq'uesbey staquin c'ab te ats'usubilique.

Éxodo 35:2

“Waqueb me c'aal ya x'at'ejex. Yan ta sjuquebal c'aal ja' me cux-o'tan awu'unic. Ch'ultesbil cu'un swenta me quich'jibal ta muc' awu'unic. Te mach'atic ya spas yat'elic a, ya me x'ac'otic ta lajel.

Éxodo 31:15

Ja' yu'un, waqueb me c'aal ya x'at'ejex. Yan te sjuquebal c'aal cux-o'tan meix abi, ja' me yu'unix te Cajwaltique. Te mach'atic ya x'at'ej a te bi c'aalil yu'un cux-o'tan, ya me x'albot te ya xc'ot lajel ta swenta, xi' me te jmandale.

Esdras 8:21

Patil la cal mandal ta comel we'elil ta sts'eel muc'ja' Ahava, swenta yu'un ya me caltic ta jamal te jmultic ta stojol te Dios cu'untique, soc yu'un ya jc'anbeytic te lecuc ya yic'otic bael jo'otic soc mach'atic ay cu'untic, soc bitic ay cu'untic.

Daniel 10:12

Jich la yalbon: —Ma xiwat, Daniel, melel ta sbabial c'aal te c'alal jajch'at ta sna'el te awo'tanuc ya ana'bey swentail te bitic chujc'ulic ta na'ele, soc la anop ta awo'tan te ya apejc'an aba ta stojol te Dios awu'une, jich la yaiybat te ac'ope. Ja' yu'un talon jo'on.