Levítico 16:29 - Bible in Tzeltal de Oxchuc y Tenejapa

²⁹ “Ja' in to, ja' me mandalil ta atojolic te stalel aye: ta lajuneb c'aal sjajch'el te sjuquebal u, ja' me sc'aalelal awu'unic te ya acom awe'elic soc ma me xapas awat'elic a; jich me ya spas spisil israeletic soc nix te jyanlumetic nainem ta awolilique.

Bible in Tzeltal Bachajón

²⁹ Ha mandaril awu'unic ini te ma xlaj sc'oblal: Ta lajuneb c'ahc'al yu'un te shuquebal u ya me acom abahic ta spasel te bin scuenta abaq'uetal, soc ma ba yac apas awa'telic a, te mach'a ha nix slumal soc te jyanlum nahinem ta awohlilique,

Levítico 16:29 Referans Kwoze

Isaías 58:3

Ja'uc me to, ya yalic: “¿Bistuc ya jpastic ayuno? Melel ma xyil te Diose. ¿Bistuc ya cac' jwocoltic, teme ma'yuc ta wenta yu'une?” xiic ta yalel. Ja'uc me to, te bi c'aalil ya yich' pasel ayunoe, ja' ya awat'elinic chonbajel a, soc ya atenic xan ta at'el te awinictaque.

Números 29:7

“Ta slajunebal c'aal ta sjuquebal u, ay me ch'ul tsoblej awu'unic. Ja' me ya acom awe'elic a, soc ma me ayuc at'el ya apasic.

Daniel 10:12

Jich la yalbon: —Ma xiwat, Daniel, melel ta sbabial c'aal te c'alal jajch'at ta sna'el te awo'tanuc ya ana'bey swentail te bitic chujc'ulic ta na'ele, soc la anop ta awo'tan te ya apejc'an aba ta stojol te Dios awu'une, jich la yaiybat te ac'ope. Ja' yu'un talon jo'on.

Isaías 58:5

¿Ya bal acuyic te bin nax co'tan yu'un te jich ya apasic ayunoe? ¿Ja' bal lec awaiy te ya awac' abaic ta mel-o'tan? ¿Ja' bal lec awaiy te ya atinan coel ajol jichuc snich ac, soc te ya alap ta metslej ch'ixal paq'uetic ta c'ajc'al tane? ¿Ja' bal spasel ayuno sbiil awu'unic abi? ¿Soc ja' bal te bi c'aalil bin nax co'tan ta ac'opic a te Awajwalone?

Salmos 35:13

Te c'alal tsacotic ta chamele, la cac' jba ta woclajel ta swentaic, la jlap ch'ixal pac', soc la jcom jwe'el, soc ma la jcom jba ta sc'oponel Dios ta co'tan yu'un.

Levítico 23:36

Ta jujun c'aal ja' to c'alal ya sts'acaj te juqueb c'aal, ya me achiq'uic majt'anil swenta quich'jibal ta muc' jo'on te Ajwalilone. Ta swaxaquebal c'aal ya me apasic xan ch'ul tsoblej, ya me achiq'uic majt'anil swenta quich'jibal ta muc' awu'unic. Sjunal me c'aal te q'uine, ma me ayuc bila at'elil ya apasic a.

Levítico 23:21

“Ja' nix ta yorail a, ya me apasic ch'ul tsoblej, ma me ayuc bila at'elil ya xju' ya apasic. Te jmandal stalel me ya xjil, ya me xch'uunic me'il-tatiletic soc alnich'anetic ta cajalcaj ta bayuc ayuquex ta nainel.

Éxodo 20:10

Yan te sjuquebal c'aal ja' me yu'un cux-o'tan stuquel, ch'ultesbil me ta jtojol te Ajwalilon te Dioson awu'une. Ma me x'at'ejatix a, ni ja'uc awal-anich'nab, awabat, acriada, achambalam soc te jyanlum ants-winic te ay ta alumale.

Hebreos 4:10

Melel te mach'atic ya x'ochic tey a ta bay te cux-o'tan yu'un te Diose, ya yich'ic lewa yu'un yat'elic uuc jich bit'il te la yich' lewa yu'un yat'el te Diose.

1 Corintios 11:31

Ja'uc me to, teme ya jtsajtay co'tantic neeluque, jich ma xyac'botic castigo te Cajwaltique.

Daniel 10:3

Ma ba la jwe' bujts'an we'elil, ma ba la jti' ti'bal, ma ba la cuch' vino, soc ma ba la cac'bey jba perfume te c'ax te oxeb semana.

Isaías 58:13

“Ich'a ta muc' te c'aal yu'un cux-o'tanil; ma me xawat'elin te bitic ya sc'an awo'tan a te ch'ul c'aal cu'une. Jichuc me ya xc'ot ta awo'tan te ja' jun c'aal swenta sbujts'-o'tanile; ja' te ch'ul c'aal yu'un Cajwaltic te ya sc'an te ya x'ich'ot ta muq'ue. Ich'a ta muc', ma xawat'elin xchajbanel aiyejetic awu'un a, ni ma me xbajt' ta awo'tan yu'un te bitic ya sc'an awo'tan spasele.

Salmos 69:10

Te c'alal ya x'oc'on soc te ya jcom jwe'el, ya slabanonic yu'un;

Esdras 3:1

C'alal la sta te sjuquebal u te israeletic ayiquix ta pamalpam slumalic a. Ta spisil te lume la stsob sbaic ta Jerusalén.

1 Reyes 8:2

Ta sc'aalelal te q'uin te bayal sc'oplale ta u yu'un Etanim, te ja' sjuquebal u yu'un te ja'wile, la stsob sbaic soc te muc' ajwalil Salomón ta spisilic te israeletique.

Levítico 23:3

“Waqueb nax me c'aal ya x'at'ejat, te sjuquebal c'aal ma me ayuc bila at'elil ya apas a. Melel ja' te c'aal mero tsabil yu'un sc'aalelal cux-o'tan, soc ay me ch'ul tsoblej awu'unic a. Ta bayuc ayex, ja' me c'aal yu'un cux-o'tan ta swenta quich'jibal ta muc' jo'on te Ajwalilone.

Éxodo 30:10

Ja' in scajtijib jmajt'an to ja' nax me cu'un jtuquel te Ajwalilone. Te Aarón jun me buelta jujun ja'wil ya yac'bey ch'ich' te xulubiletic yu'un te scajtijib jmajt'ane, ja' me xch'ich'el te milbil jmajt'an te ya yich' tael perdón yu'un a te amulique. Jun me buelta jujun ja'wil, pero spisil me ja'wil ya yich' ac'ulayel te xch'ich'el milbil jmajt'an, swenta yu'un ya ataic perdón yu'un a te amulique —xi' te Cajwaltique.

Éxodo 12:16

Jich yu'un ta sba c'aalil soc ta sjuquebal c'aal, xchebal me c'aal ch'ul tsoblej awu'unic a. Ma me ayuc at'el a, ja' nax me teme ay chajbanel ya sc'an jtebuc te we'elile.

Hechos 27:9

Ch'ayix bayal c'aal cu'untic yu'un te beele, soc ja' yorailix te ma xju' xbeen a te barcoetique, yu'un c'axix yorail te q'uin yu'un ayuno. Ja' swentail te jich la yal ta tac'uywanej te Pabloe:

Éxodo 31:14

Te bi c'aalil swenta cux-o'tan, ch'ultesbil me cu'un ta atojolic, ya me awich'ic ta muc'. Te mach'a ma xyich' ta muc', ya me x'albot te ya xc'ot lajel ta swenta. Te mach'a ya x'at'ej a te bi c'aalil swenta cux-o'tan, jc'axel me ya yich' loq'uesel ta yolil te lume.

Éxodo 31:15

Ja' yu'un, waqueb me c'aal ya x'at'ejex. Yan te sjuquebal c'aal cux-o'tan meix abi, ja' me yu'unix te Cajwaltique. Te mach'atic ya x'at'ej a te bi c'aalil yu'un cux-o'tan, ya me x'albot te ya xc'ot lajel ta swenta, xi' me te jmandale.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

1 Samuel 7:6

Te israeletic la stsob sbaic ta Mizpa, la slupic loq'uel ja' tey a, la smalic ta lum swenta smajt'an Dios. Ja' nix sc'aalelal a la scom swe'elic soc la yalic ta jamal te staoj smulic ta stojol te Cajwaltique. Tey ora ta Mizpa och ta juez yu'un israeletic te Samuele.

Esdras 8:21

Patil la cal mandal ta comel we'elil ta sts'eel muc'ja' Ahava, swenta yu'un ya me caltic ta jamal te jmultic ta stojol te Dios cu'untique, soc yu'un ya jc'anbeytic te lecuc ya yic'otic bael jo'otic soc mach'atic ay cu'untic, soc bitic ay cu'untic.

Levítico 25:9

Ta slajunebal c'aal sjajch'el te sjuquebal u, te ja' te Sc'aalelal Perdón, ya me yich' oq'uesinel oq'ues ta spamal te lumq'uinale.