Levítico 16:24 - Bible in Tzeltal de Oxchuc y Tenejapa

²⁴ Tey me ya spoc sba ta ja'. Slapojix sc'u'-spac' a, ya xloc' bael swenta yu'un ya me yac' te majt'anil te scojt'ol ya yich' chiq'uele, soc te ya yac' yu'un te yajwal lume. Jich me ya sta a te perdón yu'un smul soc nix yu'un smulic te yajwal lume.

Bible in Tzeltal Bachajón

²⁴ Ya x'atin ta lugar te ch'ultesbil, patil ya slap sc'u' spac' soc ya xloc' bahel, ya yac' te scohtol chic'bil mahtanil yu'un soc yu'un te pueblo, hich ya spasbe te stojel smul soc te smul te pueblohe.

Levítico 16:24 Referans Kwoze

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.

Levítico 22:6

ma lecuc sc'oplal ya xjil c'alal ta yijc'ubel q'uinal, ma me xju' ya swe' te bila ch'ultesbil ja' to teme ya spoc sba ta ja'e.

Levítico 14:9

Ta sjuquebal c'aal ya me st'axan ta jc'axel te sjole, ya me sloq'ues yisim, te stsotsil sit, soc ta spisil te stsotsil ta scojt'ol sbaq'uetale, ya me sac' te sc'u'-spac', ya me spoc sba ta scojt'ol, jich me lecubtesbil sc'oplal ya xjil.

Éxodo 28:40

Te snich'nab Aarón, pasbeya snajt'il c'u'ic, xchujq'uil xch'ujt'ic, soc sbejch'il pac' te ya yac' ta sjolic te bayal yutsilic soc te t'ujbil ta ilele.

Éxodo 28:41

“Jich me ya awac'bey sc'u'-spac' te abanquil Aarón te bit'il to, soc te snich'nabe. Ya me amalbey aceite ta sjolic swenta yu'un ya yich' yat'elic ta sacerdoteil te ya jch'ultes ta abatinel.

Levítico 16:25

Te xepuil te milbil majt'anil swenta smulic, ya me yich' chiq'uel ta scajtijib.

Levítico 9:7

Te Moisés jich la yalbey te Aarón: —Noptsajan bael ta scajtijib ta chiq'uel majt'anil, mila te majt'anil yu'un amul, soc te chambalam ya awac' ta chiq'uel scojt'ol swenta sc'anel perdón yu'un amul soc nix te smulic te israeletique. Ac'a te majt'anil yu'un israeletic swenta sc'anel perdón yu'un te smulique, jich nix te bit'il yaloj mandal te Cajwaltique —xi' te Moisese.

Ezequiel 42:14

Teme ochic bael te sacerdoteetic tey ta yutil te mero templo, ma me xju' ya xloq'uiquix bael ta amac' ta spat, ja' to me teme la yijq'uitayic jilel tey a te c'u'il slapojic ta spasel te yat'elic ta abatinele, melel te c'u'ile ch'ultesbil me. Teme ya xloq'uic baele, teme ya xbajt'ic tey ta banti ayic te yajwal te lume, ya me sc'an ya slapic bael yan c'u'il —xi'.