Levítico 16:22 - Bible in Tzeltal de Oxchuc y Tenejapa

²² Teme ch'ay bael ta jochol taquin q'uinal te tentsune, ya me x'ich'botic bael yu'un spisil te smulic ta banti ma'yuc mach'atic nainemique.

Bible in Tzeltal Bachajón

²² Te tat tentsun ya scuchbe bahel spisil smulic ta lugar banti mayuc mach'atic nahinemic. Te winic ya yihquitay hilel te tat tentsun ta jochol taquin q'uinal.

Levítico 16:22 Referans Kwoze

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

Gálatas 3:13

Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Miqueas 7:19

Na'botic xan yo'bolil jbatic ta yan buelta; soc ac'a yich' muquel awu'un te bila amen jpasojtique. Ch'ojbotic coel jmultic ta sc'ubulil te mare.

Salmos 103:12

Te mulil cu'untic q'uejel la yac'botic bael ta jtojoltic, jich najt' yac'oj bael bit'il snajt'il yiloj sba soc sloq'uib c'aal te smalib c'aale.

Salmos 103:10

La yac'botic jtojtic te jmultic soc te bitic ma lecuc jpasojtic, pero ma ba staoj jich te bit'il ya sc'ane.

Ezequiel 18:22

Te jo'one ma ba ya jna'beyix te bila amen spasoje. Ya me xcuxin, melel ja' la spas te bila yich'oj swentail ta pasele.

Levítico 16:21

Ya me scajan sc'ab ta sjol te chambalame, ya me yal ta jamal ta stojol te sbolilic, stoybailic soc ta spisil smulic te israeletique. Jich me ya yac'bey ta sjol te tentsun ta spisil te smulic te israeletique. Ya me xwejt' jtul winic yu'un ya yic' bael, ya scoltay bael ta muc'ul jochol taquin q'uinal.

Levítico 16:23

Patil te Aarón ya me x'och bael ta Nailpac' te banti ya yich' c'oponel te Cajwaltique, ya me sloq'ues te snajt'il lino c'u' la slap te c'alal och ta ch'ul awilal, ya me yijq'uitay jilel tey a.

Ezequiel 4:4

“Te ja'ate ya me amejts'an aba ta q'uexen, ya me acuchbey smul te lum Israele.

Levítico 14:7

Ya me stsijts'an juqueb buelta ta ch'ich' te mach'a ya yich' lecubtesel yu'un te bit'il tsacot ta c'a'el-chamele. Patil ya me yal ta jamal te lecubtesbilix sc'oplale. Te ch'in ja'mal mut cuxule, ya me scoltay bael ta libre.