Levítico 16:21 - Bible in Tzeltal de Oxchuc y Tenejapa

²¹ Ya me scajan sc'ab ta sjol te chambalame, ya me yal ta jamal ta stojol te sbolilic, stoybailic soc ta spisil smulic te israeletique. Jich me ya yac'bey ta sjol te tentsun ta spisil te smulic te israeletique. Ya me xwejt' jtul winic yu'un ya yic' bael, ya scoltay bael ta muc'ul jochol taquin q'uinal.

Bible in Tzeltal Bachajón

²¹ te Aarón ya scajan sc'ab ta sjol, ya yal ta stojol spisil te bin chopol spasojic te snich'nab Israel, ha te stoybahilic soc spisil smulic. Hich ya ya'be ta sjol te tat tentsun, soc ya scoltay bahel ta jochol taquin q'uinal ta scuenta jtuhl winic te tsahbile.

Levítico 16:21 Referans Kwoze

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Salmos 51:3

Ya jna' te yu'un la jtoy jba ta atojole; te jmule spisil ora ma xch'ay ta co'tan.

Esdras 10:1

Te c'alal quejel ta sc'oponel Dios ta templo te Esdras, soc oq'uel yac ta yalel ta jamal te falta staojic, c'ot ta stojol tsobol israeletic te xchapoj sbaique: winiquetic, antsetic, soc ch'in alaletic te yacalic ta tulan oq'uele. La stsob sbaic ta sts'eel.

Romanos 10:10

Melel ta co'tantic ya jch'uuntic swenta yu'un jich toj ya yilotic te Diose. Soc ta quejtic ya caltic ta jamal te jch'uunejtic te Jesucristoe, swenta yu'un jich me ya xcolotic yu'un.

Proverbios 28:13

Te mach'a ya smuc smul, ma lecuc ya xc'ot yu'un; yan te mach'a ya yal ta jamal soc te ya yijq'uitay spasele, ya me sta perdón.

Salmos 32:5

Ja'uc me to, la calbat ta jamal, ma ba la jmuquix ta co'tan te jmule, ja' te bila ma lecuc jpasoje; la jnop te ya calbat ta jamal te muliletic jpasoje, te ja'at Cajwal, la apasbon perdón yu'un.

Levítico 26:40

“Manchuc me ya ana'ic te amulique, soc te smulic te ame'-atatique, soc nix te ma junuc awo'tanic ta jtojole, soc te la atoy abaic ta jtojole,

Éxodo 29:10

“Ic'a bael te toro c'alal ta Nailpac' te bay ya quich' c'oponele, swenta yu'un te Aarón soc te snich'nab ya me yac' sc'abic ta sjol te chambalame.

Levítico 5:5

“Te mach'a ya sta smul ta swenta te muliletic in to, ya me sc'an te ya yal ta jamal te smul la stae,

Levítico 1:4

Ya me scajan sc'ab ta sjol te chambalam, jich me ya stsacbot te chambalam ya yac', swenta spasbeyel perdón yu'un te muliletic ay ta swenta.

Levítico 16:20

“C'alal ya xlaj ta slecubtesel sc'oplal te ch'ul awilal te Aarón, soc te Nailpac' te banti ya yich' c'oponel te Cajwaltique, soc te scajtijib ta chiq'uel majt'anile, ya me sticun ta iq'uel tel te tat tentsun cuxule.

Levítico 16:22

Teme ch'ay bael ta jochol taquin q'uinal te tentsune, ya me x'ich'botic bael yu'un spisil te smulic ta banti ma'yuc mach'atic nainemique.