Levítico 16:20 - Bible in Tzeltal de Oxchuc y Tenejapa

²⁰ “C'alal ya xlaj ta slecubtesel sc'oplal te ch'ul awilal te Aarón, soc te Nailpac' te banti ya yich' c'oponel te Cajwaltique, soc te scajtijib ta chiq'uel majt'anile, ya me sticun ta iq'uel tel te tat tentsun cuxule.

Bible in Tzeltal Bachajón

²⁰ C'alal ya xlaj ta spasbeyel te stojel mulil yu'un te ch'ul awilal, te Nahilpac' Templo yu'un tahojibal, soc te scajtajib ta chiq'uel mahtanil, ya me sticon ta iq'uel tal te cuxul tat tentsun;

Levítico 16:20 Referans Kwoze

Ezequiel 45:20

Ja' nix me jich ya yich' pasel ta sjuquebal c'aal yu'un u. Te bit'il jich ya yich' pasele, ja' me ta swenta slecubtesel mach'auc a te ay ya sta smule, te ma yolojuc la sle smule, soc te ma ba la sna' ta ora teme mulil te bila la spase. Jich me ya yich' lecubtesel a te temploe.

Levítico 16:16

Jich me ya xlecub sc'oplal a te ch'ul awilal te bit'il ma ba lec sc'oplal yu'un smulic, ja' te stoybailic te israeletique. Ja' nix jich ya sc'an ya spas ta Nailpac' te banti ya quich' c'oponel, ja' te ay ta yolilic te ma ba lec sc'oplal ayique.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Hebreos 7:25

Jich ya xju' ya scoltay sbajt'el q'uinal te mach'atic ya xnoptsajic ta stojol Dios ta swentae, melel ya xju' ya xc'opoj yu'unic spisil ora stuquel te bit'il cuxul ay sbajt'el q'uinal.

Colosenses 1:20

Soc ja' ta swenta Cristo te ya yac' junajuc ta stojol Dios spisil te bitic ay ta balumilale soc uuc te bitic ay ta ch'ulchane. Tey la yac' lamajuc q'uinal a ta swenta bit'il la smal xch'ich'el ta cruz.

2 Corintios 5:19

Ja' bi, ja' te Dios ya yac' te ya xjunaj yo'tan sbaic soc te mach'atic ayic ta balumilal ta swenta Cristo. Ma ba ya sna'bey smulic te ants-winiquetique. Soc ja' yac'ojbotiquix cat'eltic ta xcholel te bit'il ya xjunaj yo'tan sbaic soque.

Romanos 8:34

¿Ay bal mach'a ya xju' yu'un te ya x'ac'awan ta lajele? Ma'yuquix. Melel ja' la stojix te Cristo te c'alal laje. Soc ma jipuc a te laje, cha'cux tel, soc ayix ta swa'el sc'ab Dios te banti yac ta c'op cu'untique.

Romanos 4:25

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.

Levítico 8:15

Te Moisés la sbojbey snuc'. Patil la smul ta ch'ich' te sbic'tal sc'ab, la xjaxbey ta xulubiletic yu'un ta sjoyobal te scajtijib ta chiq'uel majt'anil, swenta yu'un jich ya yich' lecubtesel sc'oplal a. Te ch'ich' ay to jile, la smalbey ta yacan te scajtijib majt'anile. Jich la yich' ch'ultesel yu'un Dios a, swenta yu'un tey ya yich' c'anel a te perdón yu'un te muliletique.

Levítico 6:30

Pero ma me xju' ta we'el majt'anil chambalam yu'un mulil te yich'oj ich'el bael xch'ich'el ta yutil Nailpac' te banti ya quich' c'oponel, ta stabeyel perdón yu'un mach'a sleoj smule. Te milbil majt'anil ya me yich' chiq'uel ta c'ajc' stuquel.

Levítico 16:19

Ya me stsijts'an ta ch'ich' ta yal sc'ab juqueb buelta ta sba te scajtijib ta chiq'uel majt'anil swenta jich me ya yich' lecubtesel sc'oplal soc ch'ultesel, te bit'il staoj bayal smulic te lum Israele.

Levítico 16:21

Ya me scajan sc'ab ta sjol te chambalame, ya me yal ta jamal ta stojol te sbolilic, stoybailic soc ta spisil smulic te israeletique. Jich me ya yac'bey ta sjol te tentsun ta spisil te smulic te israeletique. Ya me xwejt' jtul winic yu'un ya yic' bael, ya scoltay bael ta muc'ul jochol taquin q'uinal.