Levítico 16:18 - Bible in Tzeltal de Oxchuc y Tenejapa

¹⁸ ya me xloc' bael ta slecubtesel sc'oplal te scajtijib ta chiq'uel majt'anil te ay ta jtojol jo'on te Ajwalilone. Ya me stsac jtebuc te xch'ich'el toro soc te xch'ich'el tat tentsun, ya me xjaxbey ta xchanebal xulubil yu'un te ay ta sjoyobal te scajtijib ta chiq'uel majt'anile.

Bible in Tzeltal Bachajón

¹⁸ ya xloc' bahel ta scajtajib ta chiq'uel mahtanil te ay ta stojol Jehová, ya spasbe te stojel mulil; ya yich'be sch'ich'el te jcolel toro soc sch'ich'el te tat tentsun, ya sjaxbe ta xulubiletic ta sjoyobal te scajtajib ta chiq'uel mahtanil.

Levítico 16:18 Referans Kwoze

Levítico 4:7

Soc ya me xjaxbey jtebuc ch'ich' te xulubiletic yu'un te scajtijib ta chiq'uel pom, te ay ta jtojol ta Nailpac' te banti ya quich' c'oponele. Spisil te xch'ich'el ay to ya xjile, ya me smalbey ta yacan te scajtijib ta chiq'uel majt'anil, te ay ta stojol te yochibal Nailpac' te banti ya quich' c'oponele.

Levítico 16:16

Jich me ya xlecub sc'oplal a te ch'ul awilal te bit'il ma ba lec sc'oplal yu'un smulic, ja' te stoybailic te israeletique. Ja' nix jich ya sc'an ya spas ta Nailpac' te banti ya quich' c'oponel, ja' te ay ta yolilic te ma ba lec sc'oplal ayique.

Levítico 4:18

Ya me xjax ta ch'ich' te xulubiletic yu'un te scajtijib ta chiq'uel pom te ay ta jtojol ta Nailpac' te banti ya quich' c'oponele. Ta spisil te ch'ich' ya xjile, ya me smalbey ta yacan te scajtijib majt'anil, te ay ta stojol yochibal te Nailpac' te banti ya quich' c'oponele.

Éxodo 30:10

Ja' in scajtijib jmajt'an to ja' nax me cu'un jtuquel te Ajwalilone. Te Aarón jun me buelta jujun ja'wil ya yac'bey ch'ich' te xulubiletic yu'un te scajtijib jmajt'ane, ja' me xch'ich'el te milbil jmajt'an te ya yich' tael perdón yu'un a te amulique. Jun me buelta jujun ja'wil, pero spisil me ja'wil ya yich' ac'ulayel te xch'ich'el milbil jmajt'an, swenta yu'un ya ataic perdón yu'un a te amulique —xi' te Cajwaltique.

Hebreos 2:11

Melel te mach'a Jch'ulteswaneje soc te mach'atic la yich'ic ch'ultesele, jun nax Static ta spisilic. Ja' swentail te Snich'an Dios ma ba ya xq'uexaw ta yalel te ja'ic te yermanotaque.

San Juan 17:19

Ta spasemal co'tan jc'axel ya cac' jba ta swentaic, swenta yu'un jich me ch'ultesbil yo'tanic yu'un te bila melele.

Levítico 4:25

Jich te sacerdote ya me stsac ta yal sc'ab jtebuc te xch'ich'el chambalam yich'oj milel ta swenta te mulile, ya me xjaxbey ta xulubiletic yu'un te scajtijib majt'anil, patil te ch'ich' ya xjile, ya me smalbey ta yacan te scajtijib ta chiq'uel majt'anile.

Levítico 16:17

“Ja' me te bi ora ay ta yutil ch'ul awilal a te Aarón ta sc'anel te perdón yu'un smulique, ja' to teme loq'ue, ma me ayuc mach'a ay ta yutil te Nailpac' te banti ya quich' c'oponele. Teme la sta perdón yu'un smul, soc te perdón yu'un te mach'atic ay yu'une, soc nix te perdón yu'un smulic te israeletique,

Números 28:22

Ya me awaq'uic xan jcojt' tentsun, ja' me te milbil majt'anil te ya yich' tael perdón yu'un a te amulique.

Ezequiel 43:20

Ya me atsacbey jtebuc te xch'ich'ele, ya me atsijts'an ta xchanebal a te xulubiletique, ta xchanebal xujc' te yolil scajtijibe, soc te sti'il toyem moele. Jich me jc'axel ya xlecub yu'un a te mulile.

Ezequiel 43:22

Ta xchebal c'aal ya me awac' majt'anil, ja' te majt'anil yu'un te mulile. Tentsun te ma'yuc bila boloben ta sbaq'uetal te ya awaq'ue. Te sacerdoteetic ya me slecubtes te scajtijib ta chiq'uel majt'anile, jich ni me ya spasic te bit'il la spasbeyic te toroe.

Ezequiel 45:19

Te sacerdote ya me stsac jtebuc te xch'ich'el te chambalam ya yich' aq'uel ta milbil majt'anil yu'un te mulile. Ya me sjaxbey ta ste'el te yochibal templo, ta xchanebal xujc' te scajtijib ta chiq'uel smajt'an te Diose, soc ta ste'el yochibal te amac' ta yutile.