Levítico 16:10 - Bible in Tzeltal de Oxchuc y Tenejapa

¹⁰ pero te yan tentsun te ya xc'ot ta swenta Azazel, cuxul me a ya yac' ta jtojol jo'on te Ajwalilon swenta stael perdón yu'un te mulile, patil ya me scoltay bael ta muc'ul jochol taquin q'uinal, ta banti ay te Azazel.

Bible in Tzeltal Bachajón

¹⁰ Yan te tentsun te c'oht ta scuenta te seña ta na'el yu'un Azazel, cuxul ya yac' ta stojol Jehová yu'un ya yich' pasel stojel mulil ta scuenta, yu'un ya yich' ticonel bahel ta Azazel ta jochol taquin q'uinal.

Levítico 16:10 Referans Kwoze

1 Juan 2:2

Te Jesucristo la yac' sba ta milbil smajt'an Dios swenta yu'un la spasbotic perdón yu'un te jmultique. Ja'uc me to, ma jtuquelticuc nax, soc spisil uuc te ants-winiquetique.

1 Juan 3:16

Jich jna'ojtic stojol bit'il ay te c'uxul-o'tanile, ta swenta bit'il la yac' sba ta lajel ta jwentatic te Jesucristoe. Ja' nanix jich ya sc'an ya cac' jbatic ta lajel soc jcuxlejaltic ta swenta uuc te quermanotactique.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Romanos 4:25

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.

Romanos 3:25

Dios la yac' te ja' la jelolintic ta stojel jmultic te Cristo Jesuse, teme ya jch'uuntic te la smal xch'ich'el cu'untique. Jich chicnaj te stojil chajbanel yu'un te Diose, manchuc me ma la sna'bey smulic te ants-winiquetique soc la sts'icbey te smulic ta neelal toe.

Levítico 14:7

Ya me stsijts'an juqueb buelta ta ch'ich' te mach'a ya yich' lecubtesel yu'un te bit'il tsacot ta c'a'el-chamele. Patil ya me yal ta jamal te lecubtesbilix sc'oplale. Te ch'in ja'mal mut cuxule, ya me scoltay bael ta libre.

Levítico 16:8

Soc ya stsa yil ta snumeroil ta na'el te mach'a ya xc'ot ta swenta ta cojt'olcojt' te cheb tentsunetique; jcojt' ya xc'ot ta jwenta jo'on te Ajwalilone, yan ya xc'ot ta swenta Azazel.

Levítico 16:9

Te tentsun ya xc'ot ta jwenta, te Aarón ya me smil ta majt'anil yu'un mulil;