Levítico 15:8 - Bible in Tzeltal de Oxchuc y Tenejapa

⁸ “Teme ay ya stubtay te winic te lec ay sc'oplal, te mach'a ya xtubtayot ya sc'an te ya sac' te sc'u'-spaq'ue, ya me spoc sba ta ja', soc ma ba lec sc'oplal ya xjil yu'un c'alal yijc'ubel q'uinal.

Bible in Tzeltal Bachajón

⁸ Te mach'a ay bin ya xmal yu'une, teme ay ya stuhbatay mach'a lec sc'oblale, te mach'a tuhbatayot ya me sac' sc'u' spac' soc ya me x'atin; bohloben sc'oblal ya xhil yu'un c'alal yihc'ubel q'uinal.

Levítico 15:8 Referans Kwoze

Judas 1:4

Yu'un ay mach'atic te ju' yu'unic te la slo'layex te muquen ochemiquix ta awolilique. Ja'uc me to, namey ts'ibubilix jilel sc'oplalic ta Sjun Dios te quechelic ta yich'el castigoe. Melel c'ax amen te yo'tanique. Syantesejiquix ta slejibal smulic te bit'il ayotic ta c'uxtayel yu'un te Diose. Ma xyaq'uic ta ich'el ta muc' te Cajwaltic Jesucristoe, te ja' nax cajal yat'el stuquele.

Isaías 1:16

Poca abaic, sapa abaic. Q'uejbonic bael ta jsit te amulique; ijq'uitayaic ta spasel te bila ma lecuque.

Santiago 4:8

Noptsajanic ta stojol te Diose, jich me ya xnoptsaj ta atojolic uuc. Jmulawiletic, poca ac'abic; ja'ex te cheb awo'tanique, ac'a abaic ta utstesel.

Levítico 15:7

“Teme ay mach'a ya spic te winic ay ta wocol yu'un te ay bila ya xmal yu'une, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 15:9

“Teme ay ya stuuntes montura te winic ay ta wocol yu'un te bila ya xmal yu'une, ma ba lec sc'oplal ya xjil yu'un.

Levítico 11:24

“Te bitic ma lecuc sc'oplal ya xc'oex yu'un, ja'ic in to: “Mach'auc a te ya spicbey te sbaq'uetal junuc te chambalametic lajeme, ma me lecuc sc'oplal ya xjil yu'un c'alal ta yijc'ubel q'uinal.

Números 19:22

Spisil te bila ya spic te mach'a ma lecuc sc'oplal, ma me ba lec sc'oplal ya xc'ot uuc. Teme ay mach'a ya spic te mach'a ma lecuc sc'oplal, ya me xbolob sc'oplal c'alal ta yijc'ubel q'uinal —xi' te Cajwaltique.